týsdagur 13. november 2001síða 14

26 Nr. 219 - 13. november 2001 Nr. 219 - 13. november 2001 27 Jóannes Eidesgaard fólkatingsmaður Tað er rætt, tá Lisbeth Pet- ersen sigur, at tað bert eru tveir flokkar, sum hava eitt einfalt svar til ríkis- rættarliga spurninginum. Sambandsflokkurin hevur síðan 1906 sagt nei, og tað merkir, at alt bert skal vera júst, sum tað er. Tjóð- veldisflokkurin hevur síðan 1948 sagt ja, nú skal loysast, men tíbetur eingin loysing. Eitt ja ella eitt nei má tí sigast at vera einføld svar, men tó als ikke vegur til nakra loysn. Eitt ja ella eitt nei heldur verandi støðu fasta. Hesir báðir báðir flokkar halda í veruleikanum lív í hvørjum øðrum og eru bestu garantar fyri, at eingin loysn verður funnin á ríkissrættarligu støðuni. Fastlæsta støðan hjá Sambandsflokkinum, serliga valskeiðið 94 til 98, gjørdi, at Tjóðveldisflokk- urin fekk eyka vind í seglini. Tí ber til at siga, at besti stuðul fyri loysingar- vongin er ein sterkur Sambandsflokkurin. Men verður ríkisrættar- liga málið loyst einaferð med alla, so hava hesir mótpolar knappliga einki at stríðast fyri, og tí hava teir ein ávísan áhuga í at halda lív í kjakinum um loysing ella samband. Eitt týdningarmikið mál í komandi valskeiði verður at fáa hetta málið loyst og lagt afturum okkum, so vit sleppa í holt við tey veru- liga málini, sum bíða eftur okkum, og sum hava verið forsømd nú í skjóttt 4 ár. Og henda loysn, sum kann savna ein breiðan meiriluta á tingi og millum manna eitur sjálvstýri innan ríkisfelagsskapin. Loysnin eitur hvørki loysing, ella at einki skal henda, tað mugu vit gera okkum púra greitt. Og um onkur heldur, at ríkisrættarliga málið er svart ella hvítt, ella at Sambandsflokkurin ella Tjóðveldisflokkurin sita inni við loysnini, so er tað ikki rætt. Verður Sam- bandsflokkurin nóg stórur, so hendur einki, tað vita vit av royndum. Verður hin vegin Tjóðveldisflokkurin ov stórur, so hendir heldur einki, tí eingin annar flokkur vil fylgja honum til at loysa her og nú. Ríkisrættaliga loysnin liggur mitt millum hesar báðar flokkar. Realistiska loysnin er also hvørki svørt ella hvít. Og júst hesa loysn kann sjálvstýrislógin verða grundarlag fyri, og eg kenni meg sannførdan um, at henda verður loysnin í seinasta enda. Ein skilir partvís reak- sjónina hjá teimum mongu, sum ræðast loysinga og fullveldið, at tey fara so langt yvir í mótsatta borð, at tey fara í sambands- grøvina. Tey fara so langt, sum tey sleppa. Tað eru kanska nógv, sum halda, at hetta er ein heilgardering. Men soleiðis er tað nú einaferð ikki. Tað sum er umráðandi er, at vit fáa sett alternativið upp móti loys- ingini, og alternativið er ein loysn, sum er sjálvstýri innan ríkisfelagsskapin, sum Javnaðarflokkurin um- boðar. Vit mugu gera okkum greitt, at broytingina sleppa vit ikki undan, Tíðin krevur broyting, og broytingin loysir málið. Lat okkum tú sláa kalt vatn í blóðið og velja flokk- in, sum vil hava loysnir. Lat okkum for Guds skyld fáa lagt hetta málið afturum okkum, so vit sleppa at viðgera veruliga politikk bæði á Løgtingi og í Tinganesi. Lat okkum velja ta savnandi loysnina. Hans Pauli Strøm løgtingsmaður fyri Javnaðarflokkin Uttan mun til hvar fólk standa í sjálvstýrismálin- um, so eru tey flestu óivað leidd og troytt av tí áhaldandi og úrslitaleysa klandrinum og eljustríð- num fyri og ímóti fullveldi, sum hevur troðkað alt annað til viks nú í 4 ár. Tí er tað av størsta týdningi, at vit skjótt koma fram til eina semju í hesum máli, sum ein avgjørdur meiriluti í fólkinum kann taka undir við. So at vit kunnu leggja hetta afturum, og kunnu nýta alla orku til øll hini týdningarmiklu politisku samfelagsmálini, sum hava ligið á láni. Men hesi farnu 4 árini hava prógvað til fulnar, at vit fáa onga loysn í sjálvstýrismálinum, uttan at tað verður ein semjuloysn, sum røkkur tvørturum miðjuna. Men tjóðveldis- loysnin røkkur ikki yvir um miðjuna, tí Sambands- flokkurin og Javnaðar- flokkurin fara ikki taka undir við loysingini. Sam- bandsloysnin røkkur heldur ikki yvir um miðjuna, tí hvørki Fólkaflokkurin ella Sjálvstýrisflokkurin kunnu góðtaka eitt nýskipan- aruppskot, ið bert verður ein heimastýrislóg í nýggj- um hami. Tí skulu aðrar loysnir til, sum kunnu fáa so mikið stóran stuðul frá báðum síðum aftan fyri seg, at tað verður ein stórur breiður meiriluti, bæði í tinginum og í fólkinum. Fólkaflokkurin og Sjálv- stýrisflokkurin hava latið seg sum uppgávukonur í føvningin á Tjóðveldis- flokkinum, so har er onki at heinta. Javnaðarflokkurin hevur tí einasta alternativið, sum stendur eftir, nevnliga Sjálvstýrislógina sum ta einastu politisku loysnina, íð kann savna ein meiriluta aftan fyri seg frá báðum síðum. Sjálvstýrislógin, í stuttum: • Viðurskiftini millum Føroyar og Danmark verða ásett í einum sátt- mála landanna millum, ið skipar londini sum javn- bjóðis partar í ríkis- felagsskapi hvørt við annað. • Sáttmálin, sum eisini staðfestir sjálvsavgerðar- rættin, verður fráboðaður altjóða myndugleikum og fær harvið altjóðarættar- ligt gildi. • Sáttmálin er grundarlag- ið undir eini Sjálvstýris- lóg, sum kemur ístaðin fyri Heimastýrislógina, og sum ásetir: • at øll málsøki kunnu yvirtakast og koma undir føroyskt lóggávuvald, tá Løgtingið ynskir tað, og • at Løgtingið sum umboð fyri Føroya fólk er hægsti myndugleiki og harvið evsta vald í øllum málum, sum eru yvirtikin og løgd undir føroyskt lóggávuvald. Við støði í Sjálvstýrislógini ber til at finna eina semju- loysn, sum umframt Javn- aðarflokkurin eisini Sam- bandsflokkurin, Sjálv- stýrisflokkurin og Fólka- flokkurin kunnu taka undir við. Hetta er tann savnandi møguleikin. Annar møgu- leiki er neyvan. Edmund Joensen Sambært ríkisgrundlógina eiga Føroyar tvey umboð á fólkatingi, umboð við fullum rætti, eisini í donskum innlendis viður- skiftum. Fólkatingið er felags lóggávutingið hjá øllum ríkisborgarum, eisini hjá føroyingum í ikki yvir- tiknum málum. Ì yvirtik- num málum lóggeva føroy- ingar og grønlendingar sjálvir á Føroya Løgtingi og í Grønlendska Landsting- inum. Tað liggur í skipanini, at so hvørt sum londini átaka sær størri skyldur, so verður lógarøkið flutt úr fólkatinginum til løgting og landsting - og tað gongur bara ein veg. Tí virkar tað órímuligt, um føroyingar og grøn- lendingar leggja seg út í, og fremja beinleiðis broyt- ingar í donsk innlendis viðurskifti, sum ikki hava ávirkan á okkum. Hetta er ein vanvirðing av skipanini og ein vanvirðing av dønum. Tað er tí forkastuligt, tá valevnini fyri Tjóðveldis- flokkin og Fólkaflokkin boða frá, at tey ætla at leggja seg út í danskan innlendis politikk. Hetta kan bara takast sum enn ein roynd at gera seg inná skipanina, ella at gera enda á skipanini innanífrá . Ongin skipan er betur enn tey fólkini sum skulu umsita hana gera hana til. Vit kunnu hyggja at okkara egnu stýriskipanarlóg, hvussu hon er viðfarin undir hesum landstýrinum. Dømini tróta ikki. Eitt sambandsumboð fer á fólkatingi av øllum alvi at virka fyri betran av við- urskiftunum, bæði hjá før- oyingum í Føroyum og før- oyingum í Danmark. Vit fara eisini at royna at byggja upp aftur tað sum er brotið niður í viður- skiftunum millum Føroyar og Danmark Men vit fara ikki at leggja okkum beinleiðis út í danskan innlendis politikk, fyri at fremja broytingar í málum, sum bert viðkoma dønum, sum t.d. skatta- og avgjaldsviðurskifti og annað. Líka lítið sum vit vilja hava danir at blanda seg uppí okkara innlendis viðurskifti, líka lítið skulu vit blanda okkum uppí burturav donsk innlendis viðurskifti. Til dømis hevur støða Sambandsfloksins altíð verið, at okkara umboð ikki vildi fella eina danska stjórn. Hetta vildi verið at havt ov lítla virðing fyri sjálvari skipanini. Hinvegin fer umboð Sambandsfloksins fram- haldandi at samstarva við flokkin Venstre sum limur í teirra tingbólki. À tann hátt fáa vit alla neyðug informatión og nógv stórri beinleiðis ávirkan á politiska arbeiðið í síni heild. Vit fáa møgu- leika at gerast limir í fólkatingsnevndum, sum viðgera mál av serligum føroyskum áhuga. Vit fara at luttaka í fólkatingsarbeiðnum við tí frælsi og tí virðing, sum Sambandsflokkurin altíð hevur havt fyri politisku skipanini, og sum er ein treyt fyri fruktagóðum samarbeiði. FÓLKATINGSVALIÐ 2001 Úr naggatódn til loysnir Sjálvstýrislógin er tann savnandi loysnin í sjálvstýrismálinum - vinna veingirnir báðumegin, kemur onki annað burturúr enn framhaldandi og úrslitaleyst klandur og stríð Hvønn leiklut skal okkara umboð á fólkatingi hava ? VETRAR- DEKK Allar støddir av vetrardekkum við ella uttan píkar á goymslu. Ókeypis ásetan FO-900 Vágur Tlf. 373680 - 373660 223380 Fax 374680 Ringi og fái meira at vita Fólkatingsvalið Til fólkatingsvalið, sum verður 20. november 2001, verða valkort send øllum veljarum í kommununi. Um onkur, sum heldur seg hava atkvøðurætt, ikki hevur fingið valkort, ella okkurt annað er komið skeivt fyri,skal viðkomandi siga frá hesum á komm- unuskrivstovuni í seinasta lagi fríggjadagin 16.nov- ember 2001, kl. 13.00. Veljarar í Hvalvíkar kommunu,sum sambært vallóg- ini lúka tyreytirnar fyri at greiða brævatkvøðu, kunnu atkvøða á kommunuskrivstovuni, í seinasta lagi leygardagin 17. november 2001. Tey, ið vegna sjúku ikki eru før fyri at koma á val- staðið, og sum ynskja at greiða brævatkvøðu heima, kunnu boða kommunuskrivstovuni frá á tlf. 422350 í seinasta lagi leygardagin 17. november 2001. Valið fyri veljarar í Hvalvíkar kommunu fer fram í skúlanum týsdagin 20. november. Atkvøðugreiðsl- an fer fram frá kl. 09.00 til kl. 20.00, ella til støðgur kemur í eftir kl. 20.00. Hvalvíkar kommuna Kunngerð Viðvíkjandi fólkatingsvalinum tann 20.11.2001. Tað verður hervið gjørt kunnugt,at atkvøðugreiðsl- an til fólkatingsvalið týsdagin tann 20. november 2001 verður í gamla skúla. Atkvøðugreiðslan byrjar kl. 09.00 fyrrapartin og heldur fram til kl. 20.00 og so leingi veljarar møta uttan steðg. Valkort verða send øllum,ið sambært vallistan hava valrætt í Viðareiðis kommunu. Valkort skulu nýtast til valavgreiðsluna. Veljari sum ikki hevur fingið valkort, ella sum fær valkort við villum í, eigur at venda sær til kommunustýrið skjótast gjørligt. Brævatkvøður: Tey,ið av ymsum orsøkum heldur ynskja at velja við brævatkvøðu á fólkayvirlitinum (kommunuskriv- stovuni) ella heima, mugu boða Kommunustýrin- um frá. Seinasti dagur fyri brævatkvøðugreiðslu er leygar- dagin tann 17. november 2001. Viðareiðis kommuna Fólkatingsvalið 2001 Veljarar í Sjóvar kommunu, ið sambært vallógini lúka treytirnar fyri at greiða brævatkvøðu, kunnu atkvøða á kommunuskrivstovuni í vanligari av- greiðslutíð til og við 19. nov. 2001. Tey, ið vegna sjúku ikki eru før fyri at koma á val- staðið, og sum ynskja at greiða brævatkvøðu heima, kunnu boða kommunuskrivstovuni frá á tlf. 447158 í seinasta lagi 19. nov. kl. 11.00. Strendur,9.november 2001 Sjóvar Kommuna & Vælumtóktu merkini "Reykjavík Collection" "Pernille Utzon" fáast nú hjá okkum Stásið Niels Finsensgøta www.sosialurin.fo www.sosialurin.fo Kursus: Personlig udvikling Skab positive forandringer i dit liv her og nu! Kursus i personlig udvikling den 3.-4. mars 02. Er du parat til forandringer i dit liv? Så er psykolog, forfatter og clairvoyant Marianne Suhr atter på Færøerne med nyt kursus i personlig udvikling. Kurset henvender sig til alle, som ønsker at ændre sit liv i en mere positiv retning. På kurset vil du få en praktisk indførelse af bl.a.dyb- depsykologi, kreativ visualisering, samt arbejde med virkeliggørelse af dine drømme m.m. Marianne Suhr vil være på Færøerne fra d. 27. feb.- 5.mars 02.Også mulighed for individuel konsultati- on. Nærmere information og tilmelding. Tlf. +45 20996140 e-mail: mahsuudk@yahoo.com C M Y K 27 26