mánadagur 24. august 2009síða 21

Sosialurin 41. august 2009 – Nr. 159 ÍTRÓTTARBLAÐIÐ 21 Arshavin vil hava fleiri spælarar Hóast Arsenal hevur fingið strúkandi byrjan í Premier League, heldur ein av profilunum á liðnum, at felagið eigur at styrkja seg, áðrenn flytingarvindeygað letur aftur síðst í hesum mánaðinum. - Eg haldi, at felagið má keypa fleiri spælarar beinanvegin. Vit mugu máta okkum við toppliðini í Europa, og tí hava vit brúk fyri fleiri spælarum, sigur Arshavin. Bayern haltar Týska stórfelagið FC Bayern hevur enn einaferð rent seg inn í trupulleikar. Eftir trý umfør av týsku landskappingini, hevur Bayern framvegis ikki vunnið nakran dyst. Um vikuskiftið tapti Bayern – framvegis rættiliga óvæntað – 2-1 til Mainz 05, sum ikki hevur tey stóru avrikini í týskum fótbólti at reypa sær av. Bayern hevur fingið tvey stig higartil og liggur nummar 12 í kappingini. B68 EB/Streymur Meðan pílurin aftur vísir uppeftir í Sundalagnum, so eru toftamenn - eftir a t tað leingi gekk sum eftir ánni - nú raktir av málturki, og tað kostar á støðutalvuni Fótbóltur Jóannes Hansen joannes@sosialurin.fo Framvegis eru teir í Sundalagnum meistarar. Tað vera teir í eina og kanska í tvær vikur aftrat. So verður heiðurin tikin frá teimum og fluttur suður í norðara húsið í Gundadali. Leingi hevur tað ikki sæð nakað serligt út hjá EB/Streymi, sum hevur verið á fimta plássið. Nú vísir pílurin rætta vegin. Teir, sum saman við samansetta liðnum hava kappast um silvurkrónurnar, hava allir sum ein snávað fleiri ferðir seinastu vikurnar, og tað hevur givið EB/ Streymi nýggjan møguleika. Sunnudagin vitjaði ein av kappingarneytunum til silvurkrónurnar og harvið europeiska luttøku. Úrslitið var stórsigur til heimaliðið, sum vann 4-0. Harvið varð dyggiliga undirstrikað, at tað ikki er soleiðis hjá teimum á Svangaskarði, sum tað fyrr í ár var. Tá ið B68 2. august vann 3-0 á B36, legði støðutalvan upp til, at toftamenn skuldu kappast við HB um FM heitið. Síðani hevur tað ikki hilnast so væl. Tølini siga, at B68 hevur havt ilt við at finna málið hjá mótstøðumonnunum, og at mótstøðumenninir hava havt lættari við at finna B68 málið, enn teir fyrr í summar høvdu tað: Ímóti Víkingi á heimavølli endaði tað 2-2, ímóti AB á heimavølli endaði tað málleyst, í Gundadali ímóti HB endaði tað 1-3, og í Sørvági endaði tað 0-1. Hesa ferð eydnaðist tað ikki at skjóta mál, og í Streymnesi var tað staðfest, at marginalirnir, sum fyrra partin av kappingarárinum ofta vóru vinmenn við teir í B68, nú eru farnir í part við mótstøðumonnunum. Bill Jacobsen hevði broytt uppstillingina. Í útgangsstøðuni var Dánjal Pauli Højgaard høgri vongverji, Jóhan Petur Poulsen var vinstri vongverji og Poul N. Poulsen var á miðvallarplássi í vinstru. Í 1. hálvleiki varð Poul settur á vongverjaplássið, sum hann hevur røkt so væl. B68 hevði møguleikar at skjóta mál, men tað eydnaðist kortini ikki. Keita var einsamallur ígjøgnum, men annars vandamikli maðurin tapti uppgerðina við René Tórgarð. Og ikki færri enn tvær ferðir sang tað í stólpunum aftanfyri EB/ Streyma málverjan, sum kundi venda sær á og staðfesta, at tað hevði verið stólpa út og ikki stólpa inn. Undanbrekkan Hjá EB/Streymi var úrtøkan hesa ferð sjálvandi kærkomin og hugalig. Eftir vónbrotið í Fuglafirði hevur EB/Streymur í eina viku vunnið tríggjar ferðir. - Í 1. hálvleiki var tað rættiliga javnt, og harvið var tað misvísandi, at vit fóru at hvíla okkum við 3-0 leiðslu. B68 hevði ikki marginalirnar við sær, tí teir kundu væl havt skorað í hvussu so er tvær ferðir, heldur EB/Streyma liðformaðurin Egil á Bø. Arnbjørn Hansen, sum tykist hava funnið máltevið aftur, setti beinanvegin hol á. B68 verjan royndi at beina bóltin burtur eftir horna. Tað eydnaðist ikki, og so var málrevurin har. Tá ið hann miðskeiðis í 1. hálvleiki økti til 2-0, var tað eftir stórt persónligt verjukiks. Hans Pauli Samuelsen økti til 3-0 við fínum skoti inn við nærra stólpa, eftir at hann úr vinstru hevði sneitt seg leysan av ikki serliga sannførandi verjuni. Tá ið Sorin Anghel í 2. hálvleiki staðfesti rimmar sigurin, var tað stólpi inn, har tað hjá B68 í 1. hálvleiki hevði verið stólpi út. Pætur Dam Jacobsen, sum saman við Briani Olsen og Levi Hanssen mannaði arbeiðssaman sentralan heimamiðvøll, sendi bóltin í stólpan, og Sorin var fyrstur á returbóltinum. Ikki okkara dagur B68 venjarin Bill Jacobsen ásannaði, at hetta hevði ikki verið dagurin hjá toftamonnum: - B68 hevur ongantíð vunnið við Margáir, og tað gjørdu vit heldur ikki hesa ferð. Longu í 1. hálvleiki sóu vit, at hesin dagurin var stólpi út hjá okkum, og tá ið teir so í 2. hálvleiki raktu stólpan, so var tað stólpi inn, tí Sorin var fyrstur á returbóltinum. Eg eri nøgdur við, at vit spæla okkum fram til fleiri upplagdar málmøguleikar. Tá ið vit ikki fáa mál, so verða vit uppaftur meiri álopssinnaðir, og tað kostaði. Bill Jacobsen heldur tølini vísa, at tað rættiliga er skift í holini hjá B68: - Vit spældu trettan dystir á rað uttan at tapa. Nú hava vit spælt fimm dystir uttan at vinna. Nú mugu vit rannsaka okkum sjálvar, finna fram aftur til tað, sum vit hava verið góðir til og so hava fokus á næstu uppgávuni, sum er ÍF á Svangaskarði. -jh Heðin var væl nøgdur Talan hevur verið um fulla úrtøku hjá EB/Streymi í teimum trimum dystunum, sum hava verið seinastu vikuna. Tí sigur tað seg sjálvt, at Heðin Askham, venjarin hjá EB/Streymi, var ógvuliga væl nøgdur: - Okkara løgdu stórt arbeiðið í hesa uppgerðina. Vit vóru hugsavnaðir, og tað var hugaligt at síggja, hvussu ofta tað eydnaðist okkum at spæla okkum til málmøguleikar, og hvussu stór úrtøkan var, tá ið møguleikin var har. Tað er stutt millum uppgerðirnar. Longu mikukvøldið skal EB/Streymur aftur í eldin. Tá fara teir í Gundadal at vitja B36 og Sigfríð Clementsen. -jh Sorin Anghel staðfesti rimmar- sigurin, tá EB/Streymur við knúsandi sigri á B68 meldaði seg aftur í stríðið um silvurkrónurnar Mynd: Hilmar Jan Hansen/Einslistir Meistararnir á silvurkós