mánadagur 31. august 2009síða 9

9 tíðindi Nr. 164 - 31. august 2009 Annika Olsen hevur onki at gera uttan at halda seg til semjuna, sum er gjørd í samgonguni og tað merkir at arbeiðið upp á Sandoyartunnilin skal byrja í 2011. Verður tað broytt, skal eg nokk taka eina avgjørda støðu, sigur Gerhard Lognberg Sandoyartunnil Áki Bertholdsen aki@sosialurin.fo - Eg taki tað púra róligt! Tað nervar ikki Gerhard Lognberg, løgtingsmann fyri Javnaðarflokkin úr Sandoy, at bæði samgongu- tingmaðurin úr Sambands- flokkinum, Helgi Abrahams- en, og enntá Annika Olsen, landsstýriskvinna í innlend- ismálum, nú ikki vilja lova, at farið verður undir arbeið- ið at gera Sandoyartunnilin í 2011, soleiðis sum Løgting- ið annars hevur samtykt. Landsstýriskvinnan sigur, at málið skal nú til umrøðu í samgonguni í sambandi við, at almennu íløgurnar skulu raðfestast, men hon leggur dent á, at vit mugu hugsa um búskaparligu støðuna. - Annika Olsen hevur onki annað at gera enn at halda seg til tað, Løgtingið hevur samtykt og tað er at gjaldið, sum higartil er farið í Norðoyatunnilin, nú skal í Sandoyartunnilin og at farast skal ígongd í 2011. - Tú ert einaferð farin úr eini samgongu, tí hon ikki vildi fara undir Sandoyar- tunnilin. Ert tú til reiðar at gera tað einaferð afturat? - Eg fari ikki taka eina slíka støðu beint nú, tí eg havi ongan trupulleika av málinum. Eg hava ta álit á samgonguni, at hon heldur gjørdar avtalur og tí stúrir eg ikki. - Men skuldi samgongan kortini lopið frá avtaluni, skal eg nokk taka eina púra greiða og avgjørda støðu í málinum, leggur hann afturat. Vigar ikki upp ímóti Og Gerhard Lognberg ávar- ar eisini samgonguna: Samgongan hevur sam- tykt, at landið skal byggja íróttarhøll í Sandoy. Men tað skal ongin halda, at hetta nóg mikið til at kyrra sandoyingar og at hetta er nóg mikið til at fáa okkum at sleppa tunlinum. Tað hevur annars ljóðað, at samgongan hevur sam- tykt at byggja íróttarhøllina, fyri at kyrra Gerhard Logn- berg, tí tey vita, at tunnilin kemur ikki enn á sinni. Men hesum vísir løgtings- maðurin avgjørdur frá sær. - Tað verður undir ongum umstøðum góðtikið, at itróttarhøllin verður mett sum ein alternativ íløga ístaðin fyri undirsjóvartunn- ilin. Skuldi samgongan havt hug til at viga ítróttarhøllina upp ímóti sandoyartunlin- um, so er betri at strika ítróttarhøllina aftur, tí tunn- ilin skulu vit hava, sigur Gerhard Lognberg. Hann heitir nú á Anniku Olsen um at seta nevndina fyri partafelagið og at fáa tað á føtur, so at peningurin, sum higartil er farin í Norð- oyatunnilin, nú kann setast í Sandoyartunnilin. Hann minnir eisini á, at nú alt landið er eitt valdømi, hava samstundis eisini allir tinglimir fingið ábyrgdina av støðuni í Sandoy. Gerhard er púra róligur - Skuldi nakar hildið, at tað fær okkum at gloyma undirsjóvartunnilin, at landið nú fer at byggja ítróttarhøll í oynni, taka tey dyggiliga feil. So skulu tey heldur strika ítróttarhøllina aftur, sigur Gerhard Lognberg - Vit hava mist sambandið við grasrøturnar og tað er ein stórur trupulleiki, sum vit mugu arbeiða við, staðfestir John Johannessen, politiskur formaður í Javnaðarflokkinum SjálvrannSaking Áki Bertholdsen aki@sosialurin.fo - Ein høvuðstrupulleiki hjá okkum er, at vit hava mist sambandið við grasrøturnar. John Johannessen, polit- iskur formaður í javnaðar- flokkinum, sigur, at hetta er ein niðurstøða av sjálvrann- sakanarfundi í flokkinum fríggjadagin og leygardagin. Javnaðarflokkurin fekk ein rættiligan skelk eftir at ein veljarakanning í farnu viku avdúkaði, at veljarin mestsum hevur flýggjað undan flokkinum. Hetta fekk floksleiðsluna at kalla saman til snarfund at viðgera støðuna og í tí sambandinum hittust lands- stýrisfólk, løgtingslimir og starvsnevnd floksins á ein- um slagi av kreppufundi allan fríggjadagin. - Hetta var ein ærligur fundur, har nógv viðurskifti vóru til umrøðu, sigur John Johannessen. Men hann vil ikki út í æsir við tí, sum varð umrøtt, tí viðgerðin í flokkinum er ikki liðug enn. - Vit skulu hava fleiri fundir fyri at bøta um støð- una hjá flokkinum og í hes- um sambandi skulu fleiri fundir vera, har eisini lima- feløgini verða umboðað. Mist sambandi Hóast hann ikki vil út í æsir, ásannar hann, at ein høvustrupulleiki er, at sam- bandi við røturnar hevur ikki verið nóg gott. - Sambandið við grasrøt- urnar hevur meiri verið ígjøgnum miðlarnar enn tað hevur verið upp ígjøgn- um skipanina innanfloks, sigur hann og tí er neyðugt at fáa floksskipanina at virka betri. Kortini ásannar hann eis- ini, at teir fólkavaldu politik- ararnir mugu bera sína skyld av støðuni. - Tað hava verið ein stórur truppuleiki hjá okkum at tala við einari rødd tí tað hava verið ov nógvar óhepn- ar fráboðanir ymsastaðni frá. Vit hava verið ov vingl- ut, tí fráboðanirnar hava verið so ymiskar. Hann vil hvørki nevna dømi ella nøvn, men ongin ivi er um, at Gerhard Logn- berg er ein politikari, ið hugsað verður um, tí hann hevur fleiri ferðir verið í andstøðu til flokkin annars og eitt skifti fór hann enntá úr samgonguni, tí at hann ikki fekk trygd fyri, at farið verður undir Sandoyartunn- ilin. Kortini heldur hann, at Javnaðarflokkurin hevur fingið verri orð á seg enn hann hevur uppiborið, tí onkusvegna er tað eydnast at draga alt tað negativa fram í ljósið í sambandi við pensjónirnar uttan at tað verður nevnt, at pensjónin er munandi hækkað hesi árini, Javnaðarflokkurin hev- ur verið í samgongu. Leita eftir sær sjálvum - Tað hevur verið ein trupulleiki hjá okkum, at fráboðanirnar frá flokkinum hava verið so vinglutar og at tað hevur gingist illa at tosa við einari rødd, heldur John Johannessen, politiskur formaður javnaðarfloksins Sjey funnin myrd Leygarkvøldið boðaði løgreglan í amerikanska statinum Georgia frá, at sjey fólk vórðu funnin myrd í einum íbúðarøki í Glynn County. Umframt tey sjey myrdu fann løgreglan tvey fólk, sum vóru illa særd, og sum alt fyri eitt blivu flutt á sjúkrahús. Sambært einum blaði var talan um tvey børn. Løgregluovastin í Glynn County sigur við CNN, at tilburðurin er tann versti av sínum slagi tey 25 árini, hann hevur verið løgreglumaður. Hann vildi ikki siga meiri um málið, men sambært einum blaði var tað ósemja um eitt ella annað, sum elvdi til drápini. Cheney vildi leypa á Fyrrverandi amerikanski varaforsetin Dick Cheney viðgekk í einari sjónvarpssamrøðu í gjár, at hann hevði verið talsmaður fyri, at USA skuldi leypa á Iran fyri at noyða landið at gevast við sínum kjarnorkuætlanum. Men George W. Bush, forseti, var ímóti at leypa á og vildi heldur royna samráðingarleiðina. Sambært Cheney høvdu ráðgevar forsetans mælt Bush frá at leypa á Iran, tí tað hevði gjørt støðuna í Miðeystri uppaftur verri, enn hon longu var. Í samrøðuni segði Cheney, at kanska var tað hann, sum hevði havt rætt, tí Iran heldur fram við sínum ætlanum.