mánadagur 7. september 2009síða 5

Nr. 169 - 07. september 2009 5 tíðindi Maðurin, sum doyði í arbeiðsvanlukkuni á Eiði fríggjadagin, varð slongdur av einum høgum tanga yvir á ein annan ArbeiðsvAnlukkA Randi Jacobsen randi@sosialurin.fo Øll Eiðisbygd skalv, tá ið ein arbeiðsvanukka hendi fríggjadagin umleið klokk­ an 15.30. Maðurin, sum arbeiddi saman við konu síni, hevði seinasta mánaðin fingist við at sandblása tangarnar hjá Salmon Proteins. Henda dagin var hann farin upp á ein av teimum fyra stóru tangunum at gera eitt minni arbeiði við vink­ ulslíparanum fyri at fáa nakrar gamlar kneysar burt­ ur. Knappliga hoyrdist ein brestur, og lokið fór uppfrá. Trýstið var so mikið stórt, at maðurin slongdist upp í luftina og lendi á einum øðr­ um tanga nakað frá. Politiið heldur, at maðurin er deyður beinanvegin av løstunum. Ein maður uppi í bygdini hevur greitt politinum frá, at hann sá lokið lætta sær av tanganum, síðan sá hann eina 3­5 metra høga eldsúlu, og so kom eitt roykskýggj. Í tanganum, sum var 500 rúmmetrar, vóru umleið 150 rúmmetrar av laksa­ slógvi. Gassið skuldi ligið niðri í tanganum, men politiið git­ ir, at gassið hevur verið nógv í tanganum, og ein glóð hevur fest í. Royndur maður Maðurin, sum doyði, var 58 ára gamli Høgni Jacobsen, búsitandi í Saltangará og hevur havt sandblásaravirki í umleið 30 ár. Seinasta mánaðin hava hann og kon­ an arbeitt á Eiði. Tað var ringur standur á Eiði, tá ið vanlukkan var hend, so fleiri fók fóru til Havnar at fáa sálarliga kreppuhjálp, og starvsfólk­ ini hava fingið kreppuhjálp á arbeiðsplássinum. Vanlukkan hendi, beint sum nevndin á virkinum sat á fundi inni í húsinum. Arbeiðseftirlitið hevur verið á staðnum og kanna umstøðurnar í sambandi við vanlukkuna, men eftir­ litið kann einki siga enn. Doyði av løstunum Politið var beinanvegin á staðnum og kannaði viðurskiftini - Hvør er orsøkin til, at Mentamálaráðið hevur niðurraðfest føroyskt sum frá- lærugrein somikið, at ongin ráðgevi er longur í starvi á Land- smiðstøðini, sum gevur góð og neyðug ráð um hesa lærugrein, ið átti at verið raðfest fram um allar aðrar? POliTikkur Eirikur Lindenskov Hendan spurning vil Tór­ bjørn Jacobsen, løgtings­ maður, hava Helenu Dam á Neystabø at svara í einum grein 52 spurningi. Tórbjørn Jacobsen vísir á, at leiðarin á Landsmiðstøðini fyri undirvísingaramboð skrivar í grein á heimasíðuni hjá stovninum, at sum støðan nú er vorðin, er ráðgevingin so niðurraðfest, at hon er bara á leið ein triðingur av tí hon var í 1989. ­ Nú eru fýra ráðgevar og tað sum serliga fellur í eyg­ uni er orðingin: »Hetta merk­ ir, at ongin ráðgevi er í eitt nú føroyskum á fólkaskúlaøkin­ um… Landsmiðstøðin kann tí ikki veita ta ráðgeving, sum vit kundu ynskt, og sum avgjørdur tørvur er á.«, sigur Tórbjørn Jacobsen. Tórbjørn Jacobsen vísir í viðmerkingunum á týdning­ in, sum móðurmálið hevur fyri einhvørja tjóð – og vísir á serligu viðurskiftini í Før­ oyum, har danskt mál hevur so stóra ávirkan. Hann sigur, at nú verður ráðgivið í donskum á fólka­ skúlaøkinum og ikki á før­ oyskum á hesum sama øki. ­ At niðurraðfesta tað mest unikka vit eiga, eitt av heimsins minstu málum, kann fáa vanlukkuligar avleiðingar. Trýst er á øllum smámálum í hesum altjóða­ gjørdu døgum, tí ræður um at dubba heldur enn at niður­ laða, sigur løgtingsmaðurin. ­ Dag um dag hoyrist í almenna rúminum, at før­ oyska málið er farið at bekla í støðum. Fatanin er viknað, mállæran kámað, bendingar og endingar hanga í leysum lofti, og skjótt kann tað fara at seta at sjálvari beinagrindini. Tí er umráðandi at politiska skipanin gevur málinum ans, og brúkar neyðugu megina til tað, at røkja og menna málið. Tað er ikki raðfestingin hjá teimum sum nú varða av polit­ isku mentanarborgini, sam­ bært teimum upplýsingum, sum stovnur undir Mentamála­ ráðnum varpar út frá síni heimasíðu í hesum døgum, sigur Tórbjørn Jacobsen. Skerd ráðgeving í føroyskum Tórbjørn Jacobsen, løgtingsmaður, hevur sett Helenu Dam á Neystabø ein grein 52 spurning um ráðgevingina í føroyskum á Landsmiðstøðini fyri Undirvísingaramboð