týsdagur 8. september 2009síða 21

ÍTRÓTTARBLAÐIÐ Sosialurin 8. september 2009 – Eg má viðganga, at fokus fór eitt sindur, tá eg sá rutuna. Undanbrekkurnar vóru nógvar ferðir verri enn í Føroyum, og allastaðni var ferðsla, tú skuldi ansa eftir, sigur Súsanna Skylv, sum sunnudagin var við til kapping í hálvum Ironman í Monaco einslistir@kallnet.fo Hilmar Jan Hansen Fyri aðru ferð í ár var Súsanna Skylv árla sunnumorgunin við í einari kapping í hálvum Ironman, sum fevnir um 1,9 kilometra svimjing, 90 kilometra súkkling og 21,1 kilometra renning. Hesa ferð var hon og kappaðist í fimtu útgávuni av Ironman 70.3 í Monaco, sum er ein av stóru kappingunum. Í mai mánaði fekk hon gott úrslit í einari sama slag kapping í Eysturríki, og nú vildi hon royna seg eina ferð aftrat. Undan fráferðini hesa ferð, greiddi Súsanna millum annað frá, at lendið í Monaco, har kappingin skuldi verða, var meira »kuperað« – men tað skuldi vísa seg at vera lítið av miklum. – Har, sum tað var bratt, var tað bara nakað so øgiliga bratt, at eg havi ikki upplivað nakað líknandi. Bæði í renningini og súkklingini kom eg hálvavegna í neyð av undanbrekkunum, sum vóru nógv verri enn í Føroyum, tí samstundis sum eg skuldi royna at fáa eina góða tíð, mátti eg eisini ansa serliga væl eftir, tí ferðsla var allastaðni, sigur Súsanna. – Eg haldi, at tey koyrdu nokk so vilt, hasi fólkini, sjálvt um tað var bæði bratt og smalt. Longu, tá eg sá rutuna, mátti eg meira ella minni broyta málið, eg hevði sett mær. Og meðan kappingin var í gongd, mátti eg fleiri ferðir velja at hugsa minni um at kappast og meira um at súkkla ella renna skilagott og trygt. Bratt og smalt Súsanna Skylv sigur, at á sløttum og í mótbrekku var hon fult á hædd við tær, hon kappaðist við, men at hon slett ikki var til reiðar at taka teir stóru kjansirnar í undanbrekku. Og serliga heldur hon, at hon má vera tekniskt betri fyri á súkkluni, skal hon aftur taka slíkar túrar omaneftir, sum talan her var um. – Svimjingina var eg væl nøgd við, tí hóast vit startaðu øll í senn, kom eg væl frá tí. Somuleiðis var eg nøgd við áttanda plássið, tí hetta var veruliga ein avbjóðing fyri meg. Eg má viðganga, at hetta var nógv villari, enn eg hevði væntað frammanundan, sigur Súsanna, sum tó hevði eina góða ferð. – Nú havi eg so roynt hetta, og tað skerst ikki burtur, at hetta var ein uppliving. Eg og vinkonan, sum var við mær, hugnaðu okkum í Monaco, samstundis sum hetta fyri meg var krevjandi, bæði mentalt og fysiskt. Og eg ivist í, um eg nakrantíð aftur farið til hesa kappingina í Monaco. Tað verður so í øllum førum ikki í bræði. einslistir@kallnet.fo Hilmar Jan Hansen Í dýrdarveðri sunnumorgunin var Súsanna Skylv við til stóru kappingina í hálvum Ironman, sum á fimta sinni var í fúrstadøminum Monaco, har Súsanna taldist millum tilsamans 1.182 íðkarar, ið royndu seg. Albert prinsur av Monaco, sum fyri kortum vitjaði í Føroyum, setti kappingina í gongd á Larvotto- strondini, har lagt var fyri við svimjingini, ið fevndi um ein 1,9 kilometra langan tein. Súsanna, sum fyrst og fremst vildi vita, hvussu hon lá í mun til tær bestu í heiminum, gjørdist tilsamans nummar átta av Pro- íðkarunum hjá kvinnum, og tað vísti seg, at tað var í svimjingini, at hon stóð seg best. Hon brúkti 29 minuttir og 58 sekund um at svimja teinin, og tá hon kom uppúr, hevði hon fjórðbestu tíðina. Men tær, sum skuldu vísa seg at enda framman fyri hana, brúktu millum hálvan og ein minutt stytri tíð um at skifta, áðrenn farið var víðari við súkklingini, sum var á einum 90 kilometra longum teini. Her brúkti Súsanna tveir tímar, 59 minuttir og 29 sekund, og hóast hon var millum tær skjótastu at skifta millum súkklingina og renningina, fekk hon kortini ikki vunnið avgerandi inn á hinar. Renningina, sum fevndi um hálva marathonteinin upp á 21,1 kilometur, avgreiddi Súsanna upp á ein tíma, 31 minuttir og 58 sekund, so samlaða tíðin hjá henni gjørdist fimm tímar, átta minuttir og 38 sekund, ið altso rakk til eitt áttanda pláss. Tilsamans var hon góðar 21 minuttir eftir vinnaran og smáar 17 minuttir frá øðrum plássi. Tá avtornaði, vóru tað tríggjar franskar, ið tóku trý tey fremstu plássini hjá Pro-kvinnunum, og hjá Pro-monnunum vóru tað ávikavist ein belgiari, ein eysturríkari og ein frá Bermuda, ið komu upp á sigurspallin. Og av teimum tilsamans 1.182, ið byrjaðu kappingina í teimum ymsu bólkunum, fullførdu ikki færri enn 1.129 – svarandi til 95,5 prosent, ið er framúr gott. Fyri Súsannu Skylv var tað ein skelkur at vera til kappingina í hálvum Ironman í Monaco sunnumorgunin, tí har var nógv brattari og smalari, enn hon hevði væntað, umframt at ansast skuldi eftir ferðslu allastaðni Mynd: Álvur Haraldsen Villari enn væntað Súsanna nummar átta Tíðirnar hjá Súsannu Svimjing 00:29:58 Skifti 1 00:03:56 Súkkling 02:59:29 Skifti 2 00:03:17 Renning 01:31:58 Tilsamans 05:08:38