týsdagur 15. september 2009síða 10

10 tíðindi Nr. 175 - 15. september 2009 OffshOre eurOpe Jan Müller jan@sosialurin.fo Myndir: Unn Poulsen Uttanríkisráðið og Olju­ vinnufelagið hava sam­ skipað føroysku luttøkuna á stóru oljuvinnuframsýn­ ingini Offshore Europe ´09, sum hevur verið í Aberdeen í hesum døgum. Framsýn­ ingin lat aftur fríggjadagin, og fyrireikararnir meta, at framsýningin hevur haft fleiri enn 40.000 vitjandi. Framsýningin er sostatt tann størsta nakrantíð. Offshore Europe er ein framsýning fyri undirveitar­ ar til altjóða oljuídnaðin, hvørs endamál er at lata partar í vinnuni hittast, endurnýggja avtalur og skapa nýggj sambond. Eins og undanfarin ár luttóku føroysku fyritøkur­ nar við einum felags bási, sum aftur í ár lá væl fyri beint við høvuðsinngongd­ ina til framsýningina. Før­ oysku fyritøkurnar boða frá nógvum vitjanum og virksemi í básinum hesar dagarnar, framsýningin hevur verið. Vinnufólk og tíðindafólk úr øllum heimi­ num hava serliga verið áhuga í boringini, sum eftir ætlan skal fara fram undir Føroyum komandi vár. Føroyskt vinnulív var umboðað av Atlantic Air­ ways, Atlantic Supply Base, Shefa og Runavíkar Havn saman við umboðum frá Uttanríkisráðnum, Olju­ vinnufelagnum og Jarðfeingi. Føroyska lut­ tøkan á framsýningini er minni enn undanfarin ár, men luttakandi føroysku fyritøkurnar hava fingið nógv burturúr, og tær eru væl nøgdar við fram­ sýningina, sigur ein av samskiparunum, Unn Poul­ sen, úr Uttanríkisráðnum. Stórur áhugi fyri Føroyum á oljuráðstevnu Eitt ár síðani skrædlið Í dag er eitt ár, síðani amerikanski íløgubankin Lehman Brothers kunngjørdi, at hann var frarin á húsagang, og hóast tey flestu væntaðu, at stjórnin fór at bjarga bankanum, valdi hon at lata hann fara. Fallið elvdi til iva og stúran í USA og aðrastaðni. Bankarnir mistu álitið á hvør øðrum, partabræva­ virðið fall í stórum, fyritøkur fóru á heysin ella repaðu og koyrdu fólk til hús. Fleiri væntaðu, at tað, sum hendi í 1929, fór at endurtaka seg, men so varð ikki, og tær seinastu vikurnar hava fleiri lond boðað frá, at afturgongdin er steðgað, og at tað gongur tann rætta vegin. Bóndi setti eld á Í Grikkalandi hevur løgreglan skuldsett ein bónda fyri at hava kynt tann ógvusliga skógareldin, sum legði fleiri bygdir uttan fyri høvuðsstaðin Athen í oyði í síðsta mánaði. Ákæruvaldið kunngjørdi í gjár, at tað hevur skuldsett tann 59 ára gamla bóndan fyri eldáseting. Sum skilst var talan um ósketni, tí sambært ákæruritinum kyknaði skógareldurin, tá maðurin setti eld á eitt vespureiður uttan fyri býin Grammatiko. Bóndin noktar seg sekan í eldáseting, men verður hann dømdur sekur, kann hann fáa upp í fimm ára fongsul, skrivar AFP. Umleið 300 hús fóru upp í royk í skógareldinum.