hósdagur 17. september 2009síða 19

Sosialurin 17. september 2009 – Nr. 177 ÍTRÓTTARBLAÐIÐ 19 Kuyt skeyt Liverpool avstað Tað gekk hampuliga tungt hjá enska Liverpool, tá teir í gjárkvøldið settu hol á sína Champions League kapping. Á heimavølli móti Debrecen stóð leingi á jøvnum, men beint undan steðginum fekk hollendski Dirk Kuyt skotið tað, sum vísti seg at gerast avgerandi. Eisini hin dysturin í bólki E endaði við teprum heimasgri, tá Lyon á heimavølli vann 1-0 móti italska Fiorentina. Málleyst millum Eto’o og Zlatan Tað gjørdist ikki um tað heilt villa undirhaldið, tá Barcelona og Inter í gjárkvøldið møttust á San Siro í Milano. Dysturin, sum eisini varð roknaður sum uppgerðin millum Zlatan og Eto’o, ið báðir teljast millum heimsins bestu áleyparar, endaði uttan mál, men tað var í veruleikanum eitt úrslit, sum báðir partar als ikki vóru so ónøgdir við. Í hinum dystinum í bólki bólki F vann Dynamo Kiev 3-1 á Rubin Kazan. Tung kensla Soleiðis sum úrslitini annars lagaðu seg, so hevði HB møgu- leikan at vissa sær gullið í dystinum móti AB. Tí var talan sjálvandi um vónbrot, tá hetta ikki eydnaðist, og liðskiparin, Fróði Benjaminsen, viðgekk eftir dystin, at kenslan ikki var nøkru serlig. - Tað følist øgiliga tungt. Vit spæla faktiskt ein fínan dyst, men vit klára so bara at fáa tað eina málið, og teir skora upp á eitt fríspark, so tað er ótrúliga svárt. Fyri steðgin hava tit eitt sera gott tak á dystinum, men tit skora ikki. Og seinastu dystirnar hevur tað gingið striltið at skora. Hvat bilar hjá tykkum? - Har manglar bara at senda bóltin í netið. Teir hava sjálvandi eina góða verju, sum ikki hevur latið so nógv mál farið inn, so vit vistu av, at tað fór ikki at verða lætt. Nú hava tit framvegis átta stig niður til næsta liðið, og tað eru bara tríggir dystir eftir. Verð- ur dysturin í Fuglafirði tann, har áskoðararnir hjá tykkum loksins fáa vissu fyri gullinum? - Tað fer tíðin at vísa. Men vit fara í øllum førum inn á vøllin fyri at vinna tann dystin, stað- festir Fróði Benjaminsen. -mørk Eitt mál er einki John Petersen, sum er annar av venjarunum hjá AB, staðfesti eftir dystin í Gundadali, at tað fyrst og fremst er ein góð verja, sum er orsøkin til góðu gongd- ina hjá AB. - Vit hava verið øgiliga dugna ligir til ikki at koma langt afturum, hóast vit hava spælt illa. Ofta hava vit hildið nullið í einum vánaligum hálvleiki ella kanska bara latið eitt mál fara ígjøgnum. Og so er skjótt at koma aftur í dystin. Stigatalvan sigur eisini, at vit eru tað liðið í landinum, sum hevur latið fæst mál ígjøgnum. - Og vit hava eisini kvalitetir fram eftir vøllinum, hóast tað kanska bara eru argjafólk og vit sjálvir, sum hava lagt hesar til merkis. Men kvalitetirnir eru har, og vit hava eisini avgjørt dystir, segði ein væl nøgdur venjari eftir dystin í Gundadali. -mørk Meistaraheitið lá til høgrabeinið hjá HB, men vinstra beinið hjá Alex Mellemgaard vildi tað øðrvísi, tá hann við eini frísparksperlu útsetti FM-veitsluna, sum í fyrsta lagi verður sunnudagin Fagnaðurin var øgiligur, tá stadion- speakarin eina løtu mistók seg. Hóast HB ikki megnaði at basa AB, so var FM-heitið so sera nær, tá tað framvegis stóð 1-0 til útiliðið á Toftum. Og tá tað so frættist, at B36 hevði javnaði til 2-2 í Streymnesi, leyp tað mesta av HB-skýlinum uppfrá. Tað gingu tó bert nøkur sekund, so rættaði varparin seg sjálvan. Og tá sama røddin nakað seinni kunngjørdi, at nú stóð 3-1 við Marg áir, hvarv FM-veitslan í ským- ingini, sum var um at leggja seg yvir Gundadal. Sovnaðu Avgerðin lá annars til HB. Undan dystinum stóð greitt, at greiddi HB sín setning, so vildi eitt B68-kiks á Toftum parkerað gullið í Gundadali, og leingi tóktust báðar hypotesur- nar at halda. HB kom á odda longu eftir 17 minuttum, tá Fróði Benjaminsen eftir nærdyst við Tórð Thomsen í AB-málinum fekk sent bóltin í netið. Tórður noyddist løtu seinni at lata seg skifta út, og hann var alt annað enn nøgdur um, at dómarin ikki bríkslaði fyri frísparki undan málin- um, men tað tóktist ikki nerva HB. Bólturin var at kalla als ikki á HB-hálvuni fyrstu trý korterini, og hóast tann heilt opni møguleikin ikki beyðst, so lúrdi og hótti HB støðugt við skjótum pasningsspæli, har øll breiddin á vøllinum varð væl og virðiliga nýtt. Eftir steðgin kom tó vend í. Sum tað er hent nakrar ferðir seinastu dystirnar, so sovnaði HB meira ella minni, meðan AB’arnir í eins stóran mun vaknaðu. Vanliga AB-spælið, har mótstøð- an fær trupult við at spæla seg ígjøg num, kom aftur til sjóndar, og tá møguleikin beyðst, vóru teir skjótir at senda langt niðan móti Stig Roar Søbstad og Tróndi Sigurðs son, sum hesa ferð mann- aðu álopið. Frísparksperla Tað gav eisini at bíta, tá Stig Roar varð trýstur í ryggin, tá hann tók móti bóltinum. Fríspark til AB á brotsteigarmarkinum, og so kom Alex Mellemgaard rennandi niðan av vinstra bakki. Framúr sparkiteknikkurin hjá honum hevur verið eitt av vandamestu vápnunum hjá AB í ár, og tað prógvaði hann aftur, tá hann bendi bóltin upp um múrin og inn um nærmara stólpa. Og tað kundi eisini gingið heilt galið hjá heimaliðnum. HB hevði sínar møguleikar, men hvørki Rógvi Poulsen ella Andrew av Fløtum vóru nóg neyvir, tá teir skuldu temja í fríari støðu, og ístaðin var Tróndur Sigurðsson í tveimum førum nær við at avgera. Fyrru ferðina bjargaði Marcyn Dawid tó frálíka væl, og seinnu ferðina støkk bólturin av knænum hjá áleyp- aranum og dygst framvið, eftir at Dion Splidt hálvfluktaði úr spískum. Bíðitíðin longd Javnleikurin ber við sær, at HB-við- haldsfólkini aftur mugu bíða nakrar dagar, áðrenn tey hava endaliga vissu fyri FM-gullinum, sum tó førkar seg eitt vet nærri hvørt umfar. Tað kendist tó kanska ikki heilt so svárt kortini, tí viðhaldsfólkini, sum mikukvøldið høvdu leitað sær í Gundadal, vóru ikki heilt so nógv, sum roknast kundi við. Tá munnu bussarnir norður til Fuglafjarðar verða betur mannaðir, og hjá teimum er so bara at vóna, at liðið tá leverar tað, sum teir ikki hava megnað seinastu tríggjar ferðirnar. HB-AB 1-1 (1-0): Heldur ikki hesa ferð AB HB jakup@sosialurin.fo Jákup Mørk Heldur ikki hesa ferð gekk tað. Spælararnir hjá HB hingu við høvdinum, tá teir máttu staðfesta, at tað ikki eydnaðist at vinna seg fram til gullmerkini mikukvøldið Mynd: Hilmar Jan Hansen/Einslistir