týsdagur 29. september 2009síða 7

7 tíðindi Nr. 185 - 29. september 2009 Páll Sambært kommunustýrislógini hava teir fýra rætt at biðja um fund, tí teir eru meira enn ein triðingur av kommunu­ stýrinum, men teir kunnu ikki avgera, nær fundurin verður. Sambært kommunustýrislógini er tað nevniliga bert borgarstjórin, sum kann avgera, nær fundir eru. Og sambært skrivaranum hjá Sands kommunu er onki í kommunustýrisskipanini á Sandi, sum gevur vanligum kommunustýrislimum rætt at dagfesta ein fund. Hinvegin hava teir fýra sambært kommunustýrislógini rætt at krevja, at mál verða tikin á skrá. Ella orðarætt hevur borgarstjórin skyldu til at seta mál á skrá, sum kommunustýrislimir ynskja, síðan er tað upp til kommunustýrið at avgera, hvørt málið verður tikið til viðgerar. Páll á Reynatúgvu, borgarstjóri á Sandi, vil ikki gera viðmerkingar til málið, og greiddi í gjár frá, at hetta er so nýtt. Tí ber ikki til at siga, nær ella hvar fundurin verður, har mál um nevndarval verður á skrá. -eij Borgarstjórin gevur fundarboð Reaktiónirnar vóru ymiskar, tá fýra kommunustýrislimir á Sandi handaðu Pálli á Reynatúgvu enn eitt bræv eftir kommunustýrisfundin í gjár Mynd: Álvur Haraldsen Hetta bræv varð handað Pálli á Reynatúgvu, borgarstjóra, og hinum kommunustýrislimunum á Sandi í gjár. Undirskrivað hava Brandur Sandoy, Eyðvarur Petersen, Fríði Nolsøe og Poul Klementsen Tjóðveldi og Samband dystast í Kollafirði Næstformenninir í Tjóðveldinum og Sambandsflokkinum bresta saman í politiskum dysti í Kollafirði í annaðkvøld klokkan 20. Tórbjørn Jacobsen og Jóhan Dahl fara at kjakast um týðandi samfelagsviðurskifti, eitt nú um vinnupolitikk, fiskivinnupolitikk, fíggjar­ og búskaparpolitikk o.s.fr. Feløgini hjá flokkunum báðum í Norðstreymoy skipa fyri fundinum, sum verður í Bygdarhúsinum í Kollafirði. Tað verður samfelagsdebattørin og verkfrøðingin, Signar P. Heinesen, sum fer at stjórna teimum báðum næstformonnunum og fundinum. Í steðginum fer rockarin og troubadururin Jens Marni Hansen at spæla nøkur av sínum egnu løgum, siga Norðstreymoyar Tjóðveldisfelag og Norðstreymoyar Sambandsfelag í tíðindaskrivi.