týsdagur 29. september 2009síða 16

16 Nr. 185 - 29. september 2009 Dagfinnur Danbjørg, lærari, 50 ár innan skúlans gátt tann 1. okt 2009. Dagfinnur Danbjørg er føddur í Porkeri tann 9. juli 1943, sonur hin navnframa læraran og løgtingsmannin Johan Hendrik Danbjørg. Dagfinnur fór í realskúla í Vági sum bert 11 ára gam­ al í 1955, og har tók hann realprógv 15 ára gamal í apríl 1959. Í sama mánaði fór hann sum messudrongur við Tjaldrinum og var við nevnda skipi til á Ólavsøku. Fyrst í august fór hann á royndarfiskiskap í Eystur­ grønlandi við Karin K og teimum 10 bátunum, ið fylgdu við. Sjálvur var Dagfinnur við 29 tonsaranum Mathildu úr Leirvík: Teir sigldu vanda­ sjógv og vóru m.a. sperraðir inni í ísinum og vóru nærum skrúvaðir niður, og hartil vóru teir illa fyri á heimferð­ ini við stórum leka í himmalsins ódnarveðri. Heimkomin í oktober 1959 fekk hann starv sum læraravikarur á Stóru Dímun frá 1. oktober ­ 1. apríl 1960. Síðani hevði hann sama starv í 3 ár aftrat til apríl 1963. Summarhálv­ árini var hann til sjós, har hann m.a. fiskaði við loddi og teini við tveimum húkum og lippukassa við Johannu á Eysturlandinum, við Saksaberg til ísfisk og við Havgásini á sildaveiðu. Í mai 1961 fór hann „jóm­ frútúrin“ við Porkerningi ­ fyrsta stálbygda skipi í Før­ oyum ­ ein snellutúr í Vesturgrønlandi. Í 1962 var hann bæði vártúrin og summartúrin í Vesturgrøn­ landi við sama skipi– tann fyrra við línu, og tann seinna við snellu. Í 1963 fór Dagfinnur „jomfrútúrin“ við Porkeris­ nesi, ið varð liðugtbygdur sum triðja stállínuskip á Tórshavnar Skipasmiðju. Dagfinnur var ein av mongum, sum átti í hesum stásiliga skipi. Teir royndu fyrsta túrin við snellu í Vest­ urgrønlandi. Heimkomin fyrst í september fekk Dag­ finnur starv sum lærara­ vikarur í Tjørnuvík. Í september árið eftir fór hann til Jútlands á háskúla í Støvring, og í 1965 varð hann upptikin á Holbæk Seminarium, har hann fekk læraraprógv í juni 1969. Í juli sama árið giftist hann við einum floksfelaga, og við henni eigur hann tveir synir: Carl Johan, sum er føddur í 1970, og Johan Henrik, sum er føddur í 1973. Av somu orsøk var hann verandi í Danmark til 1982. Í 1969 gjørdist Dagfinnur lærari í Nyborg ­ fyrst 1 ár við kommunalu skúlarnar og síðani við „Nyborg priv­ ate realskole“ frá 1970 ­ 1982. Dagfinnur fekk skjótt fleiri álitisstørv á real­ skúlanum í Nyborg. Dagfinnur var næstfor­ maður og skrivari í lærara­ ráðsnevndini, hann gjørdist skemaleggjari, praktikk­ leiðari og skúlavegleiðari, men brádliga verður hann hart raktur av sjúku, og tá hann samstundis verður frá­ skildur, setur hann kósina heimaftur, sum hann av fyrstan tíð hevði ætlað sær. Dagfinnur fær starv í Fuglafirði á sumri i 1982, har hann starvast við sama lag, men skeiðið er við at vera at enda komið, tí hann fellur fyri aldursmarkinum í juli komandi ár. Í Fuglafirði hevur Dag­ finnur kent seg sera væl, ella sum hann ofta tekur til: „sum ein fisk í vatninum“. Allar tær funktiónir, sum hann áður hevði, hevur hann tikið upp aftur í Fugla­ firði. Hann hevur m. a. verið lærararáðsformaður í 7 ár, hann hevur verið álitis­ maður í Føroya Lærarafelag, hann hevur verið skema­ leggjari øll árini síðani 1985 og til í fjør. Eisini hev­ ur hann verið starvsprakt­ ikkleiðari í mong Harrans ár – eins og hann hevur verið skúlavegleiðari síðani tað starvið var sett á stovn. Í 1996 giftist Dagfinnur á øðrum sinni við Magdu – einum starvsfelaga ­ og saman eiga tey sonin Johan Magnus, sum er teirra eitt og alt. Dagfinnur er væl kendur fyri sína luttøku í samfel­ agskjakinum, men av tí, at hann ofta verður sensurer­ aður fyri lítið og lætt, tá tað ikki hóvar teimum ráðandi at hoyra beinriknan kritik frá einum ektaðum sosial­ isti, so hevur hann í ein viss­ an mun valt at stinga pípuna inn í seinastuni. Eg veit, at tað eru mong børn, ið hava verið og eru glað fyri, at tey hava lært Dagfinn at kenna, og at tey seta stóran prís uppá tað, hann lærdi tey. ­ Hetta er ikki minst komið til sjóndar, tá ið næmingar í 10. flokki so mangan hava heiðrað Dagfinn við minnisgávum. Sum starvsfelagi havi eg alt gott at bera Dagfinni. Hann er sera gløggur og vit­ andi. Hann dugir so avbera væl at nýta hesi evni, so tað í so mong ár hevur verið øllum á skúlanum til gagns og framburð. Rættvísi og solaridetur er hornasteinurin í øllum hans­ ara virki, og hann torir at tala at, tá ið órættur verður framdur, og ikki minst, tá ið hin veiki verður fyri mis­ muni. Hann er avbera góður í ráðum og ger altíð stóran mun, har hann er staddur. Góði Dagfinnur! Eg vil á henda hátt ynskja tær, Magdu og Jóhan Magnusi mong góða ár saman. Stóra takk fyri gott vinalag! Vinur 50 ár innan skúlans gátt nøvn Sosialurin – altíð við tí nýggjastu og feskastu tíðindunum Vilt tú hava feskastu tíðindini? – so er besta loysnin at keypa Sosialin Her fæst Sosialurin fæst í leysasølu kring alt landið. Bara í Suðuroynni eru 11 handlar, har tú kanst keypa Sosialin. Verð við! Les Sosialin! S o s i a l u r i n · P o s t b o k s 7 6 · F O - 1 1 0 Tó r s h a v n Ja takk! Eg ynski at tekna meg sum haldara av Sosialinum, og fái blaðið borið út 5 ferðir um vikuna Navn: Bústaður: Bygd / býur: Telefon: Undirskrift: Verður sent ópostað. Sosialurin rindar postgjaldið 64 Eisini ber til at halda Sosialin fyri kr. 475,- um ársfjórðingin Sølustøð í Suðuroy... J.D.Hammer Tvøroyri Tangabúðin Tvøroyri Bakarí Gaard Tvøroyri Statoilstøðin Tvøroyri FK Trongisvágur Bakkhús Hvalba Statoil støðin Vágur D.J.Vilhelm Vágur Shell Støðin Vágur Í Toftum Vágur Signar Olsen Porkeri