hósdagur 1. oktober 2009síða 13

Nr. 187 - 1. oktober 2009 13 tíðindi Ikki strævið Hesin túrurin gjørdist sum nevnt drúgvur. Heilir 11 tímar gingu frá tí, at farið var av Norrönu til ferðalagið aftur var umborð. Tað førdi við sær, at kokkar og tæn­ arar máttu hava eyka leingi opið, fyri at ferðalagið skuldi fáa ein bita at eta. Talan var um kalt borð, og tað var íroknað prísin fyri hendan túrin, Í slóðum før­ oy inga í Íslandi, so tað var ikki verri enn tað. Fólk vóru móð eftir túrin, men kortini helt eingin, at tað hevði verið ov strævið. Fólk, sum Sosialurin tosaði við, hildu, at túrurin var fram úr góður. Og øll vóru samd um, at sjálvt um stak góða veðrið var prikkurin yvir i’inum, so var tað Óli Jacobsen, sum við sínum framúr áhuga verdu frásagnum, ið gjørdi túrin so góðan. ­ Óli Jacobsen ER túrurin, staðfesti Annika Larsen Black heilt einfalt. Mikudagurin gjørdist langt frá so langur, men hann gjørdist rørandi, tá minningarhald varð hildið yvir teir sjey menninar av Riddaranum, sum sjólótust í september 1927, tá skips­ báturin hálvdist. Bert ein av átta monnum slapp frá van­ lukkuni við lívinum, og teir fimm, sum vórðu funnir aft ur, vórðu jarðaðir í Seyðisfirði 6. oktober 1927. Tað var í gjár, 30. sep­ temb er, júst 82 ár síðani vanlukkan við manningini á Riddaranum hendi. Meiri verður um hendan serliga túrin, »Í slóðum før­ oyinga í Íslandi« komandi dagarnar. Tá ferðalagið kom á Vopnafjørðin, høvdu íslendsku vertirnir gjørt leskiligt matarborð til reiðar Ein av teimum heilt fáu, sum hevur upplivað lívið í Íslandi sum føroyskur útróðrarmaður, er Kaj í Bartalsstovu úr Gøtu Skúlin í Vopnafirði er bygdur sum brúgvin á einum skipi Talið av handverkslærlingum met lágt Alt bendir á, at talið á handverkslærlingum fer at seta botnmet. Tað verður lægri, enn tað var eftir kreppuna í 1995, verður sagt av Yrkisdeplinum. Síðani oktober mánað í fjør er lærlingatilgongdin komin niður á eitt sera lágt støði. Í mun til trý tey seinastu árini er tilgongdin í 2009 minkað frá 324 í 2006 til 108 sama tíðarskeið í 2009. Á Yrkisdeplinum siga tey, at um henda tilgongdin heldur fram árið út, verður talið á lærlingum í 2009 umleið 140, og er tað minni enn talið á lærlingum var beint eftir kreppuna í 1995, tá lærlingatalið var 151.