mánadagur 5. oktober 2009síða 25

Sosialurin 5. oktober 2009 – Nr. 189 ÍTRÓTTARBLAÐIÐ 25 Benitez trýr upp á gullið Hóast Liverpool, sum seinasta kappingarár bert tapti tvær ferðir, longu hevur tapt tríggjar ferðir í ár, so heldur venjarin hjá felagnum, Rafael Benitez, at teir framvegis hava møguleika fyri gullinum. – Í fjør spældu vit eina rúgvu av javnleikum, og tað kostaði kanska í seinasta enda. Í ár hava vit tapt tríggjar ferðir, men vit hava ongan javnleik, so tað kundi hent seg, at vit hóast alt fáa fleiri stig burturúr, segði Rafael Benitez, eftir at Liverpool í gjár tapti 2-0 móti Chelsea. Fabregas verður verandi Við fýra uppleggum og einum máli var eingin ivi um, at Cesc Fabregas var dagsins maður hjá Arsenal í stórsigrinum móti Blackburn. Tí fall tað eisini í góða jørð, tá miðvallarin eftir dystin staðfesti, at hann stórtrívist í felagnum. Eftir at hava skorað, kysti Fabregas búmerkið á troyggju síni, og hann staðfesti seinni, at hetta varð gjørt, fyri at vísa øllum, hvussu góður hann er við felagið. Nicklas Bendtner skoraði seinasta málið í stórsigrinum hjá Arsenal sunnudagin. Stóra gjøgnumbrotið er heilt nær, sigur Arsene Wenger, venjari, um unga mannin, sum enskir fjølmiðlar elska at hata Sunnudagin fekk hann eitt korter á vøllinum. Tað var nóg mikið hjá honum til at staðfesta stórsigurin hjá Arsenal, tí í seinasta minuttinum av vanligu leiktíðini høgdi Bendtner kúluna í kassan. Hetta var fyrsta málið hjá Bendt- ner í ár, men neyvan tað síðsta, sambært Arsene Wenger, venjara hjá Arsenal og Nicklas Bendtner. – Stóra gjøgnumbrotið er heilt nær og Bendtner verður betri fyri hvørt ár, segði Arsene Wenger millum annað um vikuskiftið. Tveir ítøkiligir førleikar mugu tó bøtast – tekniski parturin av spælinum hjá Bendtner og hansara flytingar og rørslur á vøllinum, staðfesti Arsene Wenger fyri ensku fjølmiðlunum, sum heldur vildu hoyra um avrikini hjá Bendtner uttanfyri vøllin. Gølurnar 21 ára gamli danin var í farnu viku nevniliga ógvuliga heppin við at sleppa snikkaleysur frá einum ógvusligum ferðsluóhappi. Við 160 km/t fór hann sendandi av vegnum í sínum dýra Aston Martin, sum fór í knús. Bilurin hevði ikki færri enn 510 hestakreftir, men eisini trygdarútgerð, sum vildi nakað, og tað bjargaði Bendtner, staðfesti ein danskur motorserfrøðingur eftir óhappi. Í maimánaði prýddi Bendtner eisini forsíðurnar. Hesaferð hevði hann verið ein túr í býnum, har nakað nógv var komið niður um, og á veg út frá diskotekinum var Bendtner so óheppin at missa buksurnar. Dýrandi fullur, við buksunum niðri um reyvina og í berum boxershorts – hetta var guff hjá fotografunum. Nakrar mánaðir frammanundan hesum – í november í fjør – valdi Bendtner at spæla í ljósareyðum gaggum. Hetta var av mongum mett at vera rættiliga óseriøst, og tað fekk Bendtner at hoyra fyri. Millum annað The Guardian gjørdi eina myndarøð av Bendtner, sum rann runt á fótbóltsvøllinum í høghælaðum og ljósareyðum skóm. Harumframt gjørdi Bendtner seg rættiliga ópopuleran við at klandrast við stóru stjørnuna hjá Arsenal, Adebayor, mitt undir dystinum í Liga Cup í móti Tottenham í januar í 2008. So galið varð tað, at Adebayor stútaði eftir Bendtner. Hesar gølur hava allar havt við sær, at Bendtner næstan er vorðin eitt offur í ensku fjølmiðlunum. Ein maður, ið øll elska at hata. Hevur evnir Bendtner hevur tíbetur eisini gjørt vart við seg upp á ein positivan hátt. Tað var eisini tí, at Arsenal á sumri 2004 valdi at gera sáttmála við Bendtner, sum enn ongan dyst hevur spælt í bestu donsku fótbóltsdeildini. Tvey ár seinni – í august 2006 – spældi Bendtner sín fyrsta landsdyst, har hann eisini skoraði, og Bendtner er yngsti danski landsliðsleikarin, sum hevur spælt 25 landsdystir. Hetta met setti hann í apríl í ár, tá hann 21 ár og 75 dagar gamal tók metið hjá Michael Laudrup. Kappingarárið 2006-2007 var eisini árið, Bendtner varð útleigaður til Birmingham. Her var hann við at tryggja liðnum uppflyting í Premier League, áðrenn leiðin gekk aftur til Arsenal, har Bendtner nú hevur spælt fleiri enn 100 dystir – sum 21 ára gamal. Álitið á landsliðnum Tað er eisini sum 21 ára gamal, at Bendtner er vorðin álitið í fram- rættaða spælinum á danska lands- liðnum. Hann skal syrgja fyri málunum og harvið tryggja, at Danmark kemur við til HM-enda- spælið í 2010. Í Arsenal hevur tað bara gingið væl higartil í ár. Eitt mál í Champ- ions League og fyrsta málið í Premier League kom sunnudagin. Sambært Arsene Wenger eru fleiri á veg. Gjøgnumbrotið er heilt nær Premier League vunnin tapt mál- dystir v - j - t mál mál munur stig 1 Chelsea 8 7 - 0 - 1 18 6 12 21 2 Man Utd. 8 6 - 1 - 1 19 8 11 19 3 Tottenham 8 5 - 1 - 2 19 12 7 16 4 Arsenal 7 5 - 0 - 2 24 10 14 15 5 Liverpool 8 5 - 0 - 3 22 12 10 15 6 Man City 6 5 - 0 - 1 14 7 7 15 7 Sunderland 8 4 - 1 - 3 16 13 3 13 8 Aston Villa 6 4 - 0 - 2 9 5 4 12 9 Burnley 8 4 - 0 - 4 7 16 -9 12 10 Everton 7 3 - 1 - 3 9 11 -2 10 11 Stoke 8 2 - 3 - 3 6 10 -4 9 12 Wigan 8 3 - 0 - 5 8 15 -7 9 13 Bolton 7 2 - 2 - 3 10 11 -1 8 14 Blackburn 6 2 - 1 - 3 6 9 -3 7 15 Birmingham 8 2 - 1 - 5 5 8 -3 7 16 Fulham 7 2 - 1 - 4 6 10 -4 7 17 Wolves 8 2 - 1 - 5 7 14 -7 7 18 Hull 8 2 - 1 - 5 8 20 -12 7 19 West Ham 7 1 - 2 - 4 8 11 -3 5 20 Portsmouth 8 1 - 0 - 7 4 13 -9 3 Rólant Waag Dam rolant@sosialurin.fo Úrslitini um vikuskiftið: Chelsea - Liverpool 2-0 West Ham - Fulham 2-2 Everton - Stoke 1-1 Arsenal - Blackburn 6-2 Manchester United - Sunderland 2-2 Wolverhampton - Portsmouth 0-1 Burnley - Birmingham 2-1 Bolton - Tottenham 2-2 Hull - Wigan 2-1 Manchester City - West Ham 3-1 FAKTA Nicklas Bendtner hevur ofta funnið vegin fram í ensku yvirskriftirnar. Sunnudagin var tað tó fyri avrikið á vøllinum, at 21 ára gamli danin slapp framat Mynd: Polfoto/AP