fríggjadagur 16. oktober 2009síða 1

Sosialurin 16. oktober 2009 FAROEXPO 11 LÝSINGARTILFAR ur enn væntað ein hálvan tíma. Tá tíðin er lokin, ringir ein klokka – og tá byrja nýggir fundir. - Alt er avtalað frammanundan, men sjálvandi ber til hjá fyritøkum, sum halda seg hava meira at tosa við hvørja aðra um, at halda fram við práti og fundarvirksemi. Tað er soleiðis, at ein stór kafé er skipað í ítróttarhøllini, har fólk hittast gjøgnum dagarnar og kunnu sessast saman. Hesin fundarháttur er vorðin meira vanligur á slíkum stevnum, og vit kunnu leggja aftrat, at tá ferðavinnustevnan Vestnorden Travel Mart var í Keypmanna- havn fyrr í heyst, vóru tey eisini farin yvir til fundarvirksemi, sum líkist tí, ið øll árini hevur sermerkt FaroExpo. Símun vísir á, at tað fyrsta árið høvdu onkrir luttakarar kanska lyndi til at halda, at avtalaðu tíðirnar ikki vóru so avgerandi neyðugar, tí stevnan kortini vardi meira enn henda eina hálva tíman. - Men luttakarar sóu skjótt, hvussu avgerandi tað er, at tíðir verða hildnar. Annars er vandi fyri, at tú dettur burtur ímillum, tí tá tú kanska einaferð ert tøkur, eru aðrir fundir í gongd. Hann leggur aftrat, at onkur dømi vóru um hetta tað fyrsta árið – og serliga tann fyrsta morgunin, tá stevnan byrjaði. - Eg vil siga, at henda skipan riggar sera væl, og eg haldi eisini, at fyritøkurnar, sum eru við á FaroExpo, dáma væl hendan mátan at hittast, tí hann er effektivur, sigur Símun. Gingið væl Stjórin í Virkisráðgevingini sigur, at tað hevur gingið rímiliga væl at fáa fyritøkur at taka lut á stevnuni hesaferð – kanska betri, enn hann hevði væntað, nú fíggjarligu umstøðurnar kring um okkum hava verið so ótryggar. - Jú, eg haldi ikki, vit skulu klaga. Tað hevur gingið væl betri, enn vit høvdu væntað. Á Virkisráðgevingini í Saltangará starvast vanliga trý fólk, men nú fyrireikingarnar av FaroExpo hava verið, hava tey havt onnur at hjálpa sær. - Eitt slíkt tiltak krevur nógva orku og nógv samskifti, men nú eru vit undir landi, og FaroExpo er klár at seta á kjøl, sigur stjórin, Símun Hammer. The Fresh Feed Havsbrún Ltd. · P.O.Box 81 · FO-530 Fuglafjørður · Phone +298 414460 · Fax +298 414461· havsbrun@havsbrun.fo Exclusively fresh fish feed. Havsbrún's high energy fish feed is mixed with Havsbrún's own fish meal and fish oil, which is produced from same species that wild Atlantic Salmon prefer.