hósdagur 22. oktober 2009síða 17

Nr. 202 - 22. oktober 2009 17 tíðindi Lisbeth Berg- Hansen, sum fyrr í vikuni bleiv tilnevnd fiskimálaráðharri í Noregi, hevur drúgvar royndir í vinnuni, og hon hevur eisini fingið væl burturúr Noreg Árni Joensen arni@sosialurin.fo Tað kom ikki óvart á norð­ menn, at Jens Stoltenberg valdi ein nýggjan fiskimála­ ráðharra, nú stjórnin bleiv umskipað aftan á valið her­ fyri. Tað kom heldur ikki óvart á nakran, at hann aftur valdi eina kvinnu at umsita fiskivinnuna. Men kortini slær Finans­ avisen fast, er tann nýggi ráð­ harrin, Lisbeth Berg­Hansen, ikki sum hini í stjórnini. Hon hevur havt fleiri álitisstørv í vinnuni, og so hevur hon ogn­ ir, hvørs virði sambært almennum upplýsingum ligg­ ur um 50 milliónir norskar krónur. Metingin hjá Finans­ avisen er grundað á tað, sum Lisbeth Berg­Hansen eigur í norðurnorsku alifyritøkuni Sinkaberg Hansen AS og úrslitunum, sum fyritøkan hevur havt tey seinastu árini. Fyritøkan, sum hevur 141 fólk í arbeiði, hevði 25 milli­ ónir krónur í avlopi í fjørv og eina eginogn oman fyri 200 milliónir krónur. Millum álitisstørvini hjá Lisbeth Berg­Hansen er ein nevndarsessur í Aker Sea­ foods. Men alt hevur ikki við fiskivinnuna at gera, tí ráðharrin er eisini nevndar­ limur í hjálparfelagsskapin­ um SOS­Barnebyer Norge. Hon er heldur ikki tann ein­ asti ráðharrin har, tí tann nýggi fíggjarmálaráðharrin, Sigbjørn Johnsen, er eisini nevndarlimur í SOS Børne­ byer Norge. Múgvandi kvinna skal umsita norsku fiskivinnuna Tann 46 ára gamla Lisbeth Berg-Hansen hevur fyrr verið ráðgevi í fiskimálaráðnum og skrivari í forsætismálaráðnum Mynd: Aftenposten Borgarstjórin í Tórs- havnar Kommunu hittir føroyingar í Bretlandi, tá útiseta- kanningin verður viðgjørd í London fríggjakvøldið FØrLeIKI UTTANLANDS Tíðindaskriv Tórshavnar Kommunan arbeiðir við eini stórari ætlan, sum skal skapa nýggj arbeiðspláss og fleiri skatta­ krónur og harvið styrkja trivnaðin og vælferðina í kommununi og landinum sum heild. Ásannandi, at nýggjar og globaliseraðar tíðir krevja nýggjar og globaliseraðar strategiir, arbeiðir kommun­ an saman við vinnuni, pørt­ unum á arbeiðsmarknaðin­ um og vitanarstovnum mið­ víst við at gera høvuðsstaðin enn meira dynamiskan, so hann gevur teimum, sum longu búgva her, góðar um­ støður at arbeiða og stovna virksemi, samstundis sum hann megnar at draga tal­ entini til sín uttan úr heimi. Kommunan hevur sett sær fyri at kappast við útlendsku metropolarnar um at ta best útbúnu arbeiðsmegina og um talentini við teimum bestu royndunum og størstu drívmegini. Evnini at kapp­ ast á altjóða marknaðunum gerast alsamt meira tengd at dagførdari vitan, nýggjum hugskotum og góðum skap­ anarevnum. Hetta krevur fólk við nógvum ymiskum førleikum. Kommunan vil hava fatur á so nógvum borgarum, sum tilber, ið kunnu verða við til at menna nýtt vinnulív og skapa nýggj arbeiðspláss. Nógv teirra trívast best í dynamiskum stórbýum. Hóast føroyski høvuðsstað­ urin er ein Dávid móti Goli­ ath í kappingini um talent­ ini, so metir kommunan ikki, at tað slepst undan at taka kappingina upp við Keypmannahavn, Århus, Stockholm, Reykjavík, London og aðrar metropolar, har nógvir føroyingar trívast og hava góðar yrkisleiðir. Eins og góðar kreftir heima eru tær skapandi kreft­ irnar millum útisetarnar týdningarmiklir leikarar í hesum høpi. Kanningarnar vísa, at nógv teirra ikki ynskja at flyta heimaaftur. Serliga kvinnurnar, tey sjálv­ støðugt vinnurekandi og fólk í privatu vinnuni annars hveppa seg við at flyta heim. Tey flestu, sum umhugsa at flyta aftur til Føroyar, vilja bert búgva í høvuðsstað­ num. Tórshavnar Kommuna hevur tí verið við til at skipa fyri JobMatch á Norður­ bryggjuni og teimum báðum útisetakanningunum í ávikavist Keypmannahavn og London. Heðin Mortensen, borgar­ stjóri, fer saman við øðrum, sum samskipa vakstrarætl­ anina hjá høvuðsstaðnum, at tosa við útisetar í London, tá úrslitini frá útisetakann­ ingini verða løgd fram har fríggjakvøldið, eins og tey vóru, tá samsvarandi danska kanningin varð løgd fram á Christiansborg fyrr í ár. Heðin Mortensen verður eisini høvuðsrøðari á tiltak­ inum í London. Høvuðsstaðurin á talentveiðu Heðin Mortensen skiftir orð við útisetar í Keypmannahavn á ráðstevnu á Christianborg fyrr í ár ÚTBÚgVINg Tíðindaskriv Útisetakanningin »Førleiki í útlegd« verður nú almannakunngjørd. Tað er Sendistovan í London og Tórshavnar Kommuna, sum í felag hava tikið stig til at lata hesa kanning gera. »Førleiki í útlegd« er útisetakanning, sum við­ gerð hugburðar, samleikar og framtíðarætlanir hjá før­ oyskum útisetum í Bret­ landi. Higartil hava upplýs­ ingar um føroyingar uttan fyri Føroyar verið so fáar, at ábendingar sum henda kanning kann geva, eru áhugaverdar. Endamálið við kanning­ ini var fyrst og fremst at fáa til vega vitan um føroysk lesandi uttanlands og úti­ setum sum heild. Og síðani at varpa ljós á hvørja fatan lesandi og útisetar hava av føroyska vinnulívinum og samfelagnum sum heild. Kanningin leggur serligan dent á at lýsa hvørjar høvuðsorsøkir eru til, at summir føroyingar ikki hava ætlanir um, ella hug til, at flyta aftur til Føroya eftir at hava búð uttanlands í eina tíð, og hví aðrir ætla at flyta heimaftur. Ein av niðurstøðunum er, at hugburðurin viðvíkj­ andi framtíðarætlanum hjá útisetum er merktur av tvílyndi. Útisetar síggja bæði fyrimunir og vansar við at búgva í Føroyum. Sum heild verða Føroyar mettar at vera eitt lokkandi stað at búgva, men hin­ vegin minni lokkandi fyri tey, sum eru framsøkin viðvíkjandi yrkisleið. Ábendingar eru eisini um at manglandi samskifti og kunning um vinnumøgu­ leikar í Føroyum eru orsøk­ in til hesa fatan av vant­ andi starvsmøguleikum í Føroyum. Til tess at kunna um vinnumøguleikarnar í Før­ oyum hevur Sendistovan í London saman við Vinnu­ húsinum, MFS og Stuðuls– stovninum sett á stovn eina yrkistænastu, eitt sokallað »careers service«, í Føroy­ um. Tænastan skal betra um samskiftið millum útbúnar føroyingar og før­ oyskt vinnulív og vísa á teir møguleikar sum eru á føroyska arbeiðsmarknað­ inum. Útisetakanningin hevur haft breiða undirtøku og stóran áhuga ímillum við­ komandi áhugapartar. Kanningin er stuðlað av m.ø. Vinnuhúsinum, Mentamálaráðnum, Eik, Stuðulsstovninum, Megin­ felag Føroyskra Studenta, Føroyingafelagnum í Lond­ on og Atlantic Airways. Í sambandi við, at kann­ ingin verður almanna­ kunngjørd skipar Sendi­ stovan í London fyri lestr­ artiltaki í London har ið samfelagsfrøðingurin Rógvi Absalonsen, sum stóð á odda fyri kanningar­ arbeiðinum, luttekur sam­ an við Heðin Mortensen, borgarstjóra í Tórshavnar Kommunu. Kanningin »Førleiki í Útlegd« er tøk á www.mfa. fo Nýggj útisetakanning »Førleiki í útlegd«