fríggjadagur 23. oktober 2009síða 13

nr. 203 · 23 oktober 2009 13 VIKUSKIFTI Góðar krimisøgur Peter Kirkegaard viðmælir norðurlendskar krimibøkur Sjöwall/wahlöö Strisser, strisser (1970) Tað slepst sjálvandi ikki uttan um Sjöwall og Wahlöö, sum er útgangstøðið fyri næstan allan krimi-skaldskap í norðurlondum. Hetta eru undangongubøkurnar hjá politikrimisøguni. Vælskrivaðar, harðan humor og politiskt tíðarvillandi. Gunnar StaaleSen Kvinden i køleskabet (1981) Hetta er tann mest ókorrekta søgan í einari annars korrektari røð um privatdetektivin Varg Veum, sum heldur til í Bergen. Varg Veum er annars í so ofta sosialt humanistiskur. anderS BodelSen Den åbne dør (1998) Ein snild søga, sum ikki endiliga er ein krimisøga, men sum hevur góðar kriminellar gátur. Einasti danin í selskapinum, sum eg havi valt. Eitt sindur pínligt. håkan neSSer Menneske uden hund (2006) Nýggja røðin hjá Nesser er meira sannførandi enn tann gamla røðin við van Veeteren í einum anonymum ongamannalandi á la Holland. Nesser skrivar rættiliga væl. åSa larSSon Blodskyld (2004) Hon skrivar nógv betur og er fríari enn tær alt ov nógv uppreklamerðu femi-drotningarnar. Ein góð og lovandi røð. jo neSBø Rødhals (2000) Hann skrivar frekt og kvikliga. Men eisini ov langt og ov paranoid um umstøðunarnar í løgregluni í Oslo. StieG larSSon Mænd der hader kvinder (2005) Umfatandi politiskt kanningararbeiði, góð plott og melodramatiskar hendingar. Tær báðar seinnu bøkurnar í Millennium-røðini eru ov nógv av tí góða. Framúr dugnaligur, men ikki nakar kunstnari. arne dahl Europa Blues (2001) Meistarin! Fullkomna dagføringin av Sjöwall/Wahlöö. Ein málsligur úrmælingur, skammleysur plottari við ógvusliga søguligum, duldarfullum røtum. Røðin um A-liðið í Stockholm er komin til fyrbils endan. Seinasti parturin í røðini, Himmeløje (2007) er líka góð, og tað koma fleiri afturat... Fakta Peter KirKegaard Peter Kirkegaard starvast dagliga sum lektari og granskari á deildini fyri samskiftisfrøði á universitetinum í Ålborg. Hann hevur granskað og skrivað ein hóp um krimibókmentir og er í løtuni við í eini granskingarverkætlan, har hansara serøki er krimibøkurnar hjá Arne Dahl. Í 17 ár virkaði Peter Kirkegaard sum ummælari á danska blaðnum Information, har hann fyri tað mesta ummældi krimibøkur. mynd: jenS kriStian vanG