Sosialurin 2009-10-30, síða 11 — Tak niður PDF av hesari síðu Stórt myndaskrá

fríggjadagur 30. oktober 2009síða 11

‹ fyrra síða allar 68 síður næsta síða ›

Tekstur á síðuni

11 tíðindi Nr. 208 - 30. oktober 2009 Tað triðja heimsveldið Danski uttanríkisráðharrin, Per Stig Møller, heldur, at ES eigur at hava líka stóran týdning á altjóða pallinum sum USA og Kina. Vit eiga ikki at tosa um G2, men heldur um G3, segði hann. Á tíðindafundi í Bruxelles í gjár segði uttanríkisráðharrin, at tá hugsað verður um, hvussu stóran marknað ES hevur, og hvussu stóra hermegi limalondini hava, so er tað ikki annað enn rímiligt, at samveldið er at rokna sum tað triðja heimsveldið. Hann segði seg vera sannførdan um, at ES eigur at hava ein nógv størri leiklut í heimspolitikkinum enn nú. Ræddir roykjarar leggja av Eitt danskt sjónvarpsátak, sum hevur til endamáls at ræða fólk frá at roykja, hevur fingið nógvar roykjarar at hugsa seg um. Boðskapurin í átakinum er, at hvør einasta sigarett er skaðilig, og hann hevur virkað, skrivar DR. Síðani átakið byrjaði, hava umleið 1.200 fólk ringt til ta serligu tænastuna, sum hjálpr fólki, sum vilja hava hjálp til at gevast at roykja, og tað er 10 ferðir fleiri enn frammanundan. Jacob Axel Nielsen, heilsumálaráðharri, væntar, at fleiri slík átøk við ógvusligum og ræðandi myndum koma afturat seinni. Hagtøl vísa, at ein triðingur av teimum, sum ringja til ta serligu hjálpartænastuna, leggja av at roykja. Leiðslan í Kring varp in um hevur ikki skil fyri sjónvarpi og kann leiðslan ikki skapa frið, má hon leggja frá sær. 28 av 29 í sjónvarpinum rópa neyðarróp til Kringvarpsstýrið. Tey vilja sleppa at gera sjónvarp, men hava ongar ressursir. Seinnapartin mána dagin verður kreppufundur í Kringvarpinum Sjónvarp Eirikur í Jákupsstovu eij@sosialurin.fo 28 starvsfólk hjá Kringvarpi Føroya hava sent neyðarróp til stýrið fyri Kringvarpið og avrit av neyðarrópinum til Anniku Mittún Jacobsen, Kringvarpsstjóra, Helenu Dam á Neystabø, lands stýr is kvinnu í Mentamálum og Løgtingsins mentan ar nevnd, at tey aftur vilja sleppa at gera sjónvarp. Tey 28 starvsfólkini siga stutt og greitt, at saman legg ingin av stovnunum hevur verið ein katastrofa fyri sjón varpið. Víðari greiða tey frá ymiskum viðurskiftum, sum tey ikki halda vera nøkt andi, og hava uppskot til, hvussu hetta skal broyt ast. Stýrið sær álvaran Rúni Heinesen, formaður í stýrinum fyri Kringvarpið, staðfestir, at hetta er eitt mál, sum verður tikið í størsta álvara. – Mánadagin hava vit fund um viðurskiftini, har leiðsla og starvsfólk vera við, so vit kunnu fáa greiðu á, hvat bagir sjúklinginum, sigur Rúni Heinesen. Hann leggur afturat, at tað ikki er nakað nýtt, at arbeiðsviðurskiftini í sjón varpinum eru verri enn hjá øðrum, og at Kring varpið hevur ov lítið av peningi. Høgni í Jákupsstovu, ein av teimum 28, sum hevur skrivað undir, umframt, at tað er hann, sum hevur sent teldubrævið til stýrið, skilir væl, at peningur manglar, men heldur ikki, at tað er ein umbering fyri øllum. – Tingini, sum ikki kosta pening verða heldur ikki gjørd. Tað eru ongar ætlanir og visjónir, hóast leiðslan hevur sitið í eitt og eitt hálvt ár, sigur hann, og leggur afturat, at hóast bygnaðurin er gjørdur til 90 milliónir krónur, so er veruleikin bara 60 milliónir, og tí er tað løgið, at mann ikki vil broyta bygnaðin. Raðfesting Fremsta ynskið hjá starvs fólkunum í sjónvarpinum er at fáa økið raðfest, men hetta kann Rúni Heinesen ikki garantera. – Í 2008 hevði Kring varp ið 68 milliónir tilsamans. Til framleiðslu í útvarpinum vórðu nýttar 12,8 milliónir og sjónvarpið nýtti 21,3 mill iónir krónur. Har hevur tú lutfallið, og so kunnu fólk sjálvi meta um rað festing, sigur hann, og legg ur afturat, at tað er stjórin, sum er fult álit er á, sum situr við ábyrgdini. Høgni í Jákupsstovu er ikki heilt samdur við Rúna Heinesen. – Eg tími illa í eina disku tión við stýrið, men mann plagar at siga, at sjónvarp er sjey ferðir dýrari at gera enn útvarp, so kann eg siga sum formaðurin í stýrinum. Har hevur tú lutfallið. Høgni í Jákupsstovu legg ur afturat, at tað, sum tey føla, er at tað einasta, sum verður framleitt, er Dagur og Vika, 32 og nakrar dokumentarsendingar. Hetta er munin minni enn áðrenn samanleggingina. Samskifti Rúni Heinesen vísir á, at tað er líkt til, at ov lítið sam skifti er í nógvum førum, og hesum tekur Høgni í Jákupsstovu undir við. – Sjónvarp er nakað mann ger saman, men vit eru býtt upp í tríggjar ym isk ar deildir í mun til tvær, so múrarnir eru bara blivnir hægri. Samstundis situr leiðsl an í Sortudíki og vit vita ikki eingong, hvat ymisku pengarnir verða nýttir til. Mána dagin verður so fundur millum starvsfólk, leiðslu og stýri. Kringvarpið kreppufund um sjónvarpið Hetta er skrivið, 28 av 29 fólkum, sum arbeiða við sjónvarpi í Kring varpinum, hava sent til stýrið fyri Kringvarpið fyri at vísa sína støðu Tórshavn 22. oktober 2009    Til stýrið fyri Kringvarp Føroya  Avrit til: Anniku Mittún Jacobsen, landsstýriskvinnuna í Mentamálum og Løgtingsins mentanarnevnd.  Sjónvarpið bløðir út  Síðani nýggja leiðslan tók við, er sjónvarpstilfarið í Kringvarpinum minkað almikið. Nú, tá  ið kringvarpsstjórin hevur avgjørt at taka sjónvarpstíðindasendingina av skrá millum jól  og nýggjár fyri at spara pengar, ber av. Annaðhvørt má sjónvarpið uppraðfestast, ella  mugu stovnarnir fara sundur aftur.    Starvsfólkini í Sjónvarpinum eru von við buldraslig viðurskifti. Sjónvarp Føroya hevur altíð  verið eitt arbeiðspláss, har tað hevur verið kjakast nógv, har bylgjurnar ganga høgt og eitt  arbeiðspláss, sum hevur kravt nógv av sínum starvsfólkum. Men nú er øskukalt í  sjónvarpinum. Tann samanleggingin, sum skuldi geva meira synergi, sum skuldi fáa meira  burturúr hvørjari krónu og økja um programtilboðið í Kringvarpinum, hevur verið ein  vanlukka fyri sjónvarpið.  Leiðslan hevur ikki orðað nakra visjón fyri sjónvarpið, sjálvt um tað vanliga er, at ein orðað  visjón ella í minsta lagi eitt hugskot um kós, mál og mið er sjálvt grundarlagið undir setanini  av eini leiðslu. Við hesum í tonkunum undrast vit stórliga á, at stjórin hevði nýggja bygnaðin  tøkan stutt eftir, at hon var byrjað í starvinum 1. apríl 2008. Afturvendandi messan um, at  stovnurin ikki er lønarkompenseraður í áravís, kann ikki brúkast til nakað, og tann støðan var  kend av øllum, áðrenn fyrst stjórin og síðani restin av leiðsluni tóku av teirra størvum.  Vit krevja, at broytingar verða settar í verk beinanvegin. Vit krevja, at vit sleppa at gera  sjónvarp, og vit krevja, at vit kunnu røkja okkara demokratisku skyldur. Vit krevja, at verða  loyst úr rokniarkshaftinum hjá stjóranum.   Vit hava fleiri ítøkilig uppskot um broytingar:  • Tað eru tríggjar sjónvarpsframleiðandi deildir, og tað er alt ov mikið. Tey fáu  starvsfólkini, sum arbeiða við sjónvarpi, eru ov  spjadd, og múrarnir millum deildirnar  eru hægri enn nakrantíð. Vit skjóta upp at taka bygnaðin upp til nýggja viðgerð,  soleiðis at tað verða í mesta lagi tvær sjónvarpsframleiðandi deildir.     • Fylgið lógarinnar bókstavi, tá tað um tíðindadeildina ræður. Tað skapar ov mikla órógv  at royna at trossa politiska viljan. Skipið heldur eina tíðindadeild í sjónvarpinum og  eina tíðindadeild í útvarpinum. Núverandi skipan við einari tíðindadeild skapar bara  ónøgd. Tá tað sansar at peningaliga, situr tíðindaleiðarin sum lús millum tvær negl og  noyðist at velja, hvør skal niðurlagast. Í núverandi leiðslu er eingin, sum hevur royndir  við sjónvarpstíðindum, og tað merkist eisini. Sum skilið á stovninum er nú, og sum  politiska støðan er, er eingin ivi um, at tað er neyðugt við tveimum tíðindaleiðarum við  hvør sínum pengaposa á stovninum fyri at tryggja góðskuna og vavið á bæði útvarps‐  og sjónvarpstíðindum.    • Eitt journalististiskt arbeiðspláss má  sleppa til arbeiðis, tá ið tingini henda. Vit kunnu  ikki gera okkara arbeiði til lítar, um vit bara kunnu arbeiða innan eitt strangt avmarkað  vaktarskema. Vit krevja, at ressursir vera fluttar til tíðindaflutningin alt fyri eitt.    • Savnið øll sjónvarpsfólk undir sama taki. Rúm er ikki fyri øllum í Sortudíki, og tískil  mæla vit til, at øll sjónvarpsframleiðsla aftur verður savnað í M.A Winthersgøtu. Tað  hevur  við sær, at vit kunnu samstarva um at fáa meira sjónvarp á skíggjan.    • Kringvarp Føroya er sett í verðina at vera til gagns fyri Føroya Fólk. Tí krevja vit, at  leiðslan kemur við einari veruligari ætlan fyri Kringvarp Føroya. Rok hava vit havt  nokk av – kann leiðslan ikki skapa frið og vísa vegin, má hon leggja frá sær.    • Leiðslu‐ og deildarbygnaðurin má broytast soleiðis, at tað ber til at fáa sjónvarp á  skíggjan. Sum støðan er nú, er tað einans leiðarin á dokumentardeildini, sum hevur  sjónvarpsroyndir, og hon er flutt úr M.A Winthersgøtu. Stjóri, tíðindaleiðari og  programmleiðari hava milllum onga og sera avmarkaða vitan um sjónvarp. Vit kunnu  ikki longur góðtaka, at leiðslan framhaldandi uppraðfestir útvarp fram um  sjónvarpsframleiðsluna. Kravið má vera ein bygnaður, sum skil er í.    • Um ikki leiðslan er før fyri at ganga okkara ynskjum á møti og skapa ein betur bygnað,  noyðast vit at krevja, at stovnarnir fara sundur aftur.  Støðan í sjónvarpinum er nú so ring, sum hon aldrin áður hevur verið. Fólk eru óð, frustrerað,  kedd, og líkasælan er nú farin at merkjast. Tað er serliga hugstoytt, tá ið vit vita, at leiðslan  hevði fullan stuðul, tá ið hon tók við. Hetta er seinasti møguleiki, um ikki leiðslan longu hevur  spilt sín møguleika fyri at fáa frið á stovninum.   Vinarliga    Jógvan Hugo Gardar  Høgni í Jákupsstovu  Ingolf S. Olsen  Kaj Joensen    J. Herluf Sørensen  Sigrún Brend  Rúni F. Kjær   Malan Johannesen  Bjarnheðin í Hoyvík  Bogi Godtfred  Ragnar A. Jacobsen  Jógvan Eli Dam  Bárður Veihe  Páll Danielsen  Guðrið Rubeksen  Jóna Dalsgarð  Jógvan Páll Johannesen  Carsten Arnskov  Erla Zachariassen  Johnsigurd Johannesen  Hallur E. Thomsen  Katrin Streymoy  Robert á Stongum  Mathias Samuelsen  Tórður Mikkelsen  Bjørg Mohr Anderssen  Regin Toftegaard  Øssur Hjalt