mánadagur 2. november 2009síða 36

36 Nr. 209 - 2. november 2009 Tað varð av fagrasta veðri til minningarhaldið í Klaksvík í gjár, har hópin av fólki var samankomið, sum altíð MINNINGARHALD Orð og myndir: Dávur Winther Tað var Jógvan Skorheim, varaborgarstjóri, ið beyð vælkomin, meðan Eyðun Elttør flutti fram røðu, har hann m. a. leit aftur í søguna og í brotum greiddi frá hendingunum kring Ernestinu, Fossanes og Ekliptiku. Hann hugleiddi um sunnudagin 29. august 1943, tá ið hátíðarhald var kring sama minnisvarða í Vágstúni. Tvey ár frammanundan var Ekliptika horvin á veg heim úr Aberdeen. Fimm ár frammanundan var Fossanes farin á Suðurlandinum og allir sjólótust. 13 ár frammanundan var Ernstine farin á land í Íslandi, har fleiri sjólótust, hóast teir flestu vórðu bjargaðir. Hesi vóru øll skip, ið høvdu heimstað í Klakksvík. Fyri at æra minnið um hesar menn, ið fórust - og aðrar við, varð hesin minnisvarði reistur í 1942, og hann hevur verið ein tigandi boðberi gjøgnum hesi mongu ár síðani, og ein áminning um tað, ið havið kravdi. Havið, ið annars hevur givið føroyingum so nógv. Við til minnignarhaldið í Klaksvík í gjár vóru eisini tvey umboð fyri verjuskipið Ejnar Mikkelsen, sum lá á Klaksvík – Troels Sandwall, skipari og Søren Scheller, stýrimaður. Yvirstýrimaður á Ejnar Mikkelsen er føroyingurin Rúni í Dali. Kransar vórðu lagdir av Klaksvíkar Býráð: Gunvá við Keldu Føroya Landsstýri: Jacob Vestergaard Klaksvíkar Útróðrarfelag: Jógvan Páll Steinberg Klaksvíkar Arbeiðskvinnufelag: Jastrid W. Niclasen Klaksvíkar Arbeiðsmannafelag: Arthur Guðjonsson Kórsangur var við sangbólkinum Vitinum og eisini var felags sangur. Tiltakið endaði við at Jógvan Skorheim, varaborgarstjóri takkaði og tók saman um. Gunvá við Keldu, borgarstjóri Jógv­ an Skorheim, varaborgarstjóri Søren Scheller, stýrimaður og Troels Sand­ wall, skipari á Ejnar Mikkelsen Jacob Vestergaardlandsstýrismaður í fiskivinnumálum Jógvan Páll Steinberg form. i Klaksvíkar Útróðrarfelag, Arthur Guðjonsson form. í Klaksvíkar Arbeiðsmannafelag og Jastrid W. Nicla sen forkv. í Klaksvíkar Arbeiðs­ kvinnufelag Mynd: Dávur Winther Minningarhald í fagrasta