fríggjadagur 30. november 2001síða 3

4 Nr. 232 - 30. november 2001 Nr. 232 - 30. november 2001 5 Í dag er móttøka í 3´aranum í sambandi við, at útgivin er higartil fyrsta og einasta tónleikaár- bókin í Føroyum. Bókin er ein saman- umtøka hendingum innan tónleikalívið í Føroyum seinasta árið ÚTGÁVA Orð: Ingrid Bjarnastein Myndir: Bókin "Tónleikur 2001" Tiltakið, sum flest øll fólk helst seta í samband við ár 2001 man verða Prix Før- oyar. Og jú, sjálvandi, Prix Føroyar er tað heilt stóra innan tónleikaheimin í Før- oyum, men als ikki tað einasta. – Árið í ár hevur verið eitt ógvuliga hendingaríkt og forvitnisligt ár innan føroyska tónleikaheimin, sigur Eyðun Klakstein, sum er ein av teimum, sum hevur lagt bókina til rættis. – Nógv er hent, nógvir bólkar hava verið uttan- lands og spælt, og eisini hava nógvir útlendskir bólkar verið í Føroyum. Tí haldi eg, at tónleikalívið í Føroyum hevur uppiborið eina árbók. Hugskotið til bókina kemur frá heimasíðuni pop.fo, sum hevur lagt seg eftir tónleikatíðindaflutn- ingi innan føroyska tón- leikaheimin. – Tað var í summar at byrjað varð at tosa um, at tað hevði verið stuttligt at samla alt tilfarið saman til eina samlaða mynd av tí, sum er hent innan tónleik í Føroyum. Møguliga eftirfylgjarar Og hvussu nú? Bókin er út- komin, men kunnu vit vænta fleiri slíkar? – Um marknaðurin er fyri tí, ja, sigur Eyðun Klakstein. – Uttanlands hevði tú fyrst kannað um markn- aðurin var fyri eini slíkari bók, men tað verður ikki gjørt í Føroyum, her loypur tú bara útí tað, og er tað tað, sum vit hava gjørt. Vit hava lagt okkum eftir at stíla breitt, sjálvt um bókin bert er um tónleik. Mest poppur og rockur er í bókini, men eisini ymiskt annað hevur fingið sítt pláss. Eyðun sigur seg vera ógvuliga glaðan fyri úr- slitið. Nógv arbeiðið er lagt í bókina, men tað hevur ongan týdning. Fólk síggja ikki arbeiðið, sum liggur aftanfyri, tí er tað týdn- ingarmikið, at úrslitið er so gott sum møguligt. – Nú er spurningurin bara um fólk taka ímóti bókini. Um undirtøkan verður nóg góð, so verður uttan iva farið undir eina slíka bók aftur næsta ár. Tónleikalívið í Føroyum er ríkt og hendingarnar nógv- ar, so trupulleikin liggur ikki í at savna saman tilfar. Gott úrslit Tónleikur 2001 er 109 síður og eru allar síðurnar í litum. Nógvar góðar mynd- ir eru í bókini, og ger tað bókina lætta, bæði at lesa og at blaða ígjøgnum. Bókin hevur bæði langar og styttri greinar. Hon byggir á tað, sum er skrivað um tónleik í Sosialinum og á pop.fo seinasta árið, men er meginparturin av til- farinum endurskrivaður. Aftast í bókini er eitt yvirlit yvir útvaldar tón- leikahendingar 2001, og at enda er eitt yvirlit yvir tær føroysku fløgurnar, sum eru komnar út higartil í ár. Hestprent hevur staðið fyri umbróting og prenting. Bókin kostar 159 krónur, og er avgjørt eitt gott hugskot í jólagávu til ein og hvønn, ið er áhugaður í tónleiki á ein ella annan hátt – um hann spælir, ger, lurtar ella bara er forvitin kann verða líkamikið. Tónleikur 2001: Tónleikalívið í orðum og myndum Endashowið hjá All That Rain til undanumfarið til Prix Fo í Klaksvík. Regn og fýrverk Týr trinu uppá gólv í studionum PUK studio Terji Skibenæs, fyrrverandi gittarspælari í Flux -Vit hava havt eitt sera gott og positivt samstarv við stóru oljufeløgini í hesum fyrsta leitiskeiðnum á føroyskum øki. Tey hava verið ómetaliga hjálpsom og hava víst vilja til at hjálpa í allar hugsandi mátar. Thor hevur fingið nógv burtur úr hesum samstarvi segði Sue Philbrow, frá frálandareiðarí- num Thor í Hósvík á oljuráðstevnuni í Norðurlandahúsinum OLJULEITING OG VIRKSEMI Jan Müller Tað vóru ikki bara ónøgdar føroyskar fyritøkur umboð- aðar á oljuráðstevnuni í Norðurlandahúsinum í vikuni. Ein av fyritøkunum, Thor Offshore Services í Hósvík hevði mótvegis PAM Offshore Services, bara gott at bera olju- feløgunum. Sue Philbrow, skrivstovustjóri hjá felag- num, hevði eina sera áhugaverda framløgu, har greitt varð frá felagnum Thor, sum frá at vera ein fiskivinnufyritøka meira og meira er vorðin ein frá- landafyritøka. Felagið varð stovnað í ringu tíðunum í 1994 og varð fyrsta skipið fiskibáturin Thor. Sama skip var eisini tað fyrsta hjá felagnum at útinna frá- landauppgávur í føroyskum sjógvi fyri seismikkfelagið Fugro Geoteam. Í 1997 varð avgjørt at keypa Tórsvík fyri at gerast minni bundin av fiskivinnuni. Síðani gekk slag í slag, og felagið fekk eisini øll tey neyðugu sertifikatini og loyvini til at kunna arbeiða í frálandavinnuni, bæði her heima og úti á heimsins høvum. - Hetta var ein dýr gongd, men vit halda, at hon var røtt segði Sue Philbrow. Í juli í ár varð so enn eitt av- gerandi stig tikið, tá samvinna varð tikin upp við kenda og roynda Esvagt í Esbjerg við støði í tí sera vælútgjørda og nútímans frálandaskipinum Faroe Connector. Hetta var so ein nýggj roynd hjá felagnum at koma longur enn bara at hava vaktar- og hjálparskip. Seinasta íløgan hjá felag- num er Thor Supporter, eitt útgerðarskip, sum í eisini skal arbeiða burturav í frá- landavinnuni. Skipið verð- ur nú gjørt út í Singapore og skal virka í Indiska havinum. Skipini hjá Thor arbeiða nógva staðni, eitt nú vestan fyri Hetland, í Norðsjónum og í Afrika. Felagið, sum byrjaði sum reiðarí fyri fiskiskip, er nú meira reiðarí fyri skip í oljuvinnuni. Sue Philbrow vísti á, at meðan fyritøkan í 1994 arbeiddi burturav í fiskivinnuni stava 65,5% av virkseminum í ár frá frá- landavinnuni. Fyritøkan er eisini nógv vaksin hesi árini. Í 1994 hevði fyritøk- an 17 fólk í arbeiði. Í dag er talið 87. Men tað hava eisini verið nógvir trupul- leikar á leiðini segði Thor- stjórin í síni framløgu. Tað hevur m.a. verið torført at áseta lønirnar við løntak- arafeløgini og helt hon tað vera mangul uppá forstáilsi frá løntakarafeløgunum at luttaka í menningini av eini føroyskari fdrálandavinnu. Hon vísti eisini á ein annan trupulleika. Nevni- liga tann, at føroysk sjófólk høvdu verið noydd til at taka trygdarsekið í útland- inum, sum gjørdi tað nógv dýrari. Eisini helt hon, at skattingin hevur verið trup- ul, ógreið og ikki kapping- arfør. Positivt Men síggja vit burtur frá trupulleikunum, so hevur alt samstarv við stóru olju- feløgini verið positivt. – Tey hava verið ómetaliga hjálpsom og hava bara víst vilja til at hjálpa í allar hugsandi mátar, og eg haldi, at vit hava fingið nógv burtur úr hesum sam- starvi. Hon vísti at enda á, hvat Thor Offshore Services hevur fingið burtur úr í hesum fyrsta leititskeið- inum. Frálandaskipini hjá felagnum hava havt úr at gera, og nú boringarnar eru lidnar á landgrunninum er flaggskipið í Thor-flotan- um, Faroe Connector leigað til BP at arbeiða vestan fyri Hetland. Fyrimyndarligt samstarv við oljufeløgini Sue Philbrow, skrivstovustjóri hjá Thor í Hósvík var sera væl nøgd við samvinnuna við stóru oljufeløgini í sambandi við fyrstu boringarnar á føroyskum øki Mynd Jan Müller Flaggskipið hjá Thor (ESVAGT-THOR) er Faroe Connector, sum hevur arbeitt á landgrunninum í ár við nærum føroyskari manning burturav Mynd Jan Müller C M Y K 5 4