leygardagur 1. desember 2001síða 4

6 Nr. 233 - 1. desember 2001 Nr. 233 - 1. desember 2001 7 Strandfaraskipið fekk um skrúvuna og noyddist at venda aftur til Klaksvíkar hósdagin SAMFERÐSLA Eyðun Klakstein Klaksvík: Tað gekk ikki sum ætlað, tá Dúgvan fór av Stongunum í Klaksvík hósdagin. Stutt aftaná frá- ferðina klokkan 17.20 fekk Dúgvan um skrúvuna, og hon noyddist at leggja stilt á vágni. Har var hon liggjandi í ein hálvan tíma, til hon vendi aftur. Dúgvan kom aftur til kai um seks-tíðina, og tá fór froskmaður bein- anvegin niður at loysa skrúvuna. Hendingin órógvaði samferðsluna um Lorvíks- fjørð eitt sindur, men klokkan 19.00 var alt í lagi aftur, og tá fór Dúgvan úr Klaksvík aftur, og síðani hevur hon siglt sum van- ligt. Hugskot og møgu- leikar eru óteljandi, og nú ætlar havna- nevndin hjá Klaks- víkar kommunu at gera eina neyva ætlan fyri góðshavnina í Ánunum HAVNALAG Eyðun Klakstein Klaksvík: Á nýggjárinum verður arbeiðið at fylla út í Ánunum tikið uppaftur. Tá skulu meira enn 200 fer- metrar afturat fyllast út, har Klaksvíkar kommuna ger góðshavn. Tað eru nógv hugskot um, hvat góðshavnin skal brúkast til, og Klaksvíkar kommuna eisini hevur síni hugskot. – Vit skulu gera eina ætl- an fyri góðshavnina, so vit fáa sum mest burturúr, sig- ur Torleif Sigurðsson, sum er formaður í havnanevnd- ini hjá Klaksvíkar komm- unu. Í góðshavnini er ætlanin at hava kaikant, har øll skip kunnu koma at, bygningar skulu gerast á havnalagn- um, og tosað verður eisini um at gerast frystitunnlar. Flyta virksemið av vágni Eftir at havnaøkið inni á vágni í Klaksvík verður brúkt til fulnar, hevur Klaksvíkar kommuna sett ferð á arbeiðið við góðs- havnini í Ánunum. – Vit hava gott havnalag inn á vágni, men vit ætla ikki at gera útbyggingar har. Tað er ikki neyðugt at hava alt virksemið inni á vágni, og hóast tað hevur verið upp á tal at fylla meira út inni á vágni, so kemur tað ikki upp á í løt- uni, sigur Torleif Sigurðs- son. – Hinvegin skulu vit gera eina góða góðshavn í Ánunum, har øll hugsandi skip skulu sleppa til kai, og har vit fáa eitt gott havna- lag. Harafturat er tað óvan- liga veðurgott, har vit gera góðshavnina. Arbeiðið at gera góðs- havn í Ánunum fer at kosta stívliga 30 milliónir krónur samanlagt. Dúgvan vendi aftur Dúgvan noyddist at venda aftur til Klaksvíkar hósdagin Ætlan gerast fyri góðshavnina Um vikuskiftið fer sangkórið í Betesda í Klaksvík at halda sín 75 ára dag. Kórið hevur virkað uttan steðg øll árini síðani 1926 KÓRSANGUR Eyðun Klakstein Klaksvík: 1. oktober fylti sangkórið í samkomuni Betesda í Klaksvík 75 ár, og hetta vikuskiftið verður dagurin hildin. Leygardagin klokkan 15.00 verður opið hús í Betesda, har greitt verður frá søguni hjá kórinum. Tað verður gjørt við myndum, upptøkum og øðrum. Mill- um annað verða upptøkur hjá manskórinum, sum vóru gjørdar í Keypmanna- havn í 1946, at hoyra. Klokkan 19.00 fer kórið at syngja nakrar sangir, og greitt verður frá virksemin- um hjá kórinum. Sunnudagin kl. 18.00 fer Betesdakórið at hava sang- møti, har kórið millum ann- að fer at syngja verk eftir Mozart og Händel. Slóðbrótandi Tað var Eliesar Poulsen, sum í 1926 tók stig til at stovna sanggkór í Betesda. Hetta gjørdist einki avmarkað upplop, tí síðani hevur sangkórið í Betesda virkað uttan steðg. Bet- esdakórið var tað fyrsta innan samkomurnar í Før- oyum, og tí var talan um slóðbrótandi verk hjá Elies- ari og hinum. Í dag telir kórið 60 fólk, og seinastu 37 árini hevur Jógvan við Keldu verið kórleiðari. Betesdakórið hevur fleiri ferðir verið á ferð uttan- lands. Seinast var í august mánaði í ár, tá tey vitjaðu í Noregi. Ferðir eru eisini gjørdar til Danmarkar, Íslands og Sveis. Ætlanin er, at ein fløga skal gevast út við kórinum, og hendan fløgan skal ætlandi gevast út næsta ár. Betesdakórið heldur 75 ára dagin Betesdakórið fer leygardagin og sunnudagin at syngja í sambandi við 75 ára dagin hjá kórinum Leygardagin verður farið inn í jólamánaðin, og mill- um annað merkir hetta, at jólaljósini verða tendrað. Sum vant verður dúgliga stákast, nú tað av álvara er farið at stunda til jóla. Bæði gávur og pynt eru longu at síggja í ymsu handilsgluggunum, og sjálvandi fara ymsu bý- og bygdaráðini eisini at gera sítt til, at jólamánaðin verð- ur so hugnaligur sum gjør- ligt. Havnin er einki undantak í so máta, og seinasta hond verður nú løgd á fyrireik- ingarnar. Kunningarstovan hevur soleiðis boðað frá, at stóra jólatræið í Miðbýnum verður tendrað leygardagin klokkan 16.00, og sum vant verður nógv gjørt burturúr. Sonja Klein, prestur, og Jan Christiansen, borgar- stjóri, fara at flyta fram røðu, og eftir hetta fara Ung Stjørnuskot at syngja á Káta Horninum. Samstundis boðar Kunn- ingarstovan frá, at jólatrøini á Argjum, Hvítanesi, í Kaldbak og Norðradali verða tendrað í komandi viku. Nú nærkast tann tíðin Tað er bæði ógrundað og frekheit uttan líka, at leggjast eftir ting- manni á tann hátt, sum gjørt varð aftan á veljarafundin í Norðurlandahúsin- um, heldur Heini O. Heinesen, sum fekk sera ringt ummæli í Fregnum. Hann saknar blaðrúmd í aðrar mátar í blaðn- um ÁLOP Edvard Joensen Norðoyatingmaður Tjóð- veldisfloksins heldur seg ikki hava tað viðgerðina uppiborna, sum vikublaðið Fregnir hevur givið honum. Tað harmar Heina O. Heinesen, tingmann Tjóð- veldisfloksins í Norðoyggj- um, almikið, at hann í Fregnum varð at kalla niðurgjørdur fyri sín lut á valfundinum í Norður- landahúsinum beint undan fólkatingsvalinum. Eisini vísir Heini O. Heinesen á, at tað tykist, sum hann ikki í aðrar mátar verður hidlin vera verdur at koma í blaðið. Í øllum før- um hava fleiri samrøður verið millum hann og blað- ið, uttan at hann er nevndur við einum orðið, hóast sjónarmið hansara verða brúkt. – Eg veit ikki, hvussu aðrir politikara hava tað, men tað harmar meg, at míni sjónarmið verða brúkt, uttan at mítt navn verður nevnt, sigur Heini O. Heinesen. Heldur linjuna Heini í Kunoy er tjóðveld- ismaður av gamla slagnum við báðum beinum á jørð- ini. Og tað ætlar hann sær eisini at vera verðandi. Hann heldur ikki, at hann ehvur klára seg so illa í politikki. Tað metir hann heldur ikki, at veljararnir halda, – Tað skal meira lívsvís- dómur til enn bara tað, sum stendur á einum próvskjali, sigur hann og heldur, at júst hansara royndir og hansara aldur eru hansara styrki. Tað er ikki tað, at hann kennir seg hóttan av nýggj- um kreftum í flokkinum. Men hann vísir á, at nú er alt vorðið so amerikaniser- að við sjónvapi og slíkum, at tað kemur meira ann uppá, hvussu ein førir seg fram, enn hvat ein førir fram. Nú gongur væl, og so eru nógv fólk knappliga tøk, vísir Heini O, Heinesen á. Men hann var formaður floksins, eftir at tað gekk illa í 1994 og var ein av høvuðsstuðlunum til at fáa Tjóðveldisflokkin upp til tað, hann nú er. Tað var ikki lætt, og tá ráddi sanniliga um at hava jørðforbindilsi. Gloymska valdar – Eg óttist eitt sindur fyri, hvat nýggir politikarar kunnu finna uppá, sigur Heini O. Heinesen, og sipar til, at tað er so skjótt at gloyma. Eingin tosar long- ur um, hvussu tað var, tá fiskaloysið var upp á tað ringasta í fyrru helvt av nítiárunum. Tí tey minnast tað ikki longur, sigur hann. Men vit, sum tá stóðu í heidnum stríði, vit vita, at tað kann henda aftur. Tað er ikki vist, at tað verður populert at tosa um økisfriðingar og aðrar av- markingar, nú alt skal snúgva seg um so nógva umsetiligheit sum gjørligt, sigur Heini O.Heinesen. – Men eg fari so ongantíð at missa meg sjálvan burtur fyri at vinna ein stokkutan valsigur í sjónvarpi. Eg verði tann, eg eri, og tað hava veljararnir eisini givið til kennar, at teir halda vera rætt. Stillar uppaftur Hóast Heini O. Heinesen ásannar, at hann nú er á tí eldra liðnum, heldur hann seg enn hava ein boðskap at bera. Og tað ætlar hann eis- ini. Tað er onkur, sum hevur hug at bera tey boð, at Heini ikki ætlar at stilla uppaftur. Men tað er ikki so, sigur hann. Hann ætlar avgjørt at royna aftur, sigur hann. Sjálvandi er tað rætt at seta nýtt fólk við alla tíð- ina, men tað er í so morgír- ugt at vilja arva faðirin, áðrenn hann er deyður, heldur Heini O. Heinesen, løgtingsmaður. Tað hava altíð verið ávís- ir spenningar millum ættar- lið. Eisini politiskt. Og einki løgið heldur hann vera í, at tað eisini eru tað í Tjóðveldisflokkinum. Men haðani frá og so til ta viðferð hann sjálvur hev- ur fingið eftir fólkatings- valið, heldur hann vera í so langt. Heini O. Heinesen heldur seg ikki hava gjørt tjóð- veldisflokkinum nakað ilt. Flokkurin hevði eitt rímiliga gott fólkatingsval, vísir hann á, og at hann fekk færri persónligar at- kvøður nú enn til seinasta fólkatingsval, hevur sínar heilt greiður orsøkir. Tá fólkatingsval var í 1998, var Heini formaður í flokkinum og sum slíkur eitt upplagt høvuðsvalevni. Nú er allur bygnaðurin broyttur, og Høgni Hoydal er formaður og eisini høv- uðsvalevni. So tað er greitt, at hann fær ágóðan av »formanseffektini«. – Eitt kann eg so altíð standa við, og tað er, at mín tala er erlig, sigur Heini O. Heinesen, tingmaður Tjóð- veldisfloksins í Norðoyggj- um. Ógrundað og frekt álop á Heina O. Heini O. Hein- esen heldur við- gerðina, hann hevur fingið eftir veljarafundin í Norðurlanda- húsinum, vera bæði ógrundaða og freka uttan líka Mynd: Jens Kristian Vang C M Y K 7 6