hósdagur 26. november 2009síða 10

10 tíðindi Nr. 227 - 26. november 2009 Hósdagin 3. desember kemur út eitt nýtt vinnutíðarrit, sum ætlandi skal geva føroyskum vinnulívi eitt betri grundarlag at taka sínar avgerðir á. - Blaðið verður skrivað av freelance- journalistum og fólki, sum hava áhuga og innlit í viðurskiftini. Málið verður at fáa teir relevantu vinklarnar fram, segði Páll Isholm í síni framløgu á vinnutinginum hjá Eysturoyar Vinnulívsfelag Vinnuting Vilmund Jacobsen vilmund@sosialurin.fo Á vinnutinginum, sum Eysturoyar Vinnulívsfelag helt á Vónini í Fuglafirði seinasta fríggjadag, greiddi Páll Isholm, deildarstjóri og komandi blaðstjóri á vinnublaðnum Vinna, frá hesi verkætlan. Tað verður Sansir, sum kemur at seta blaðið upp og kemur at standa fyri út­ gávuni. Tað er eisini Sansir, sum gevur út blaðið Kvinna, men hetta verður so altso Vinna í staðin fyri – og sjálvsagt við heilt øðrum innihaldi. Taka vit Kvinnu sum sera snotuligt kvinnublað, er lítið at ivast í, at blaðið Vinna í útsjónd verður vakurt og kemur at fella í eyguni sum tíðarrit. Í síni fraløgu um hesa nýggju verkætlan, sum ætlandi verður sjósett hós­ dagin, 3. desember, segði Páll Isholm, at blaðið ætl­ andi skal geva vinnulívinum eitt betri grundarlag at taka sínar avgerðir á. Hann segði, at blaðið eisini fer at leggja seg eftir at geva føroyingum eitt betri forstáilsi fyri, hvat vinnulív í síni heild er. ­ Hetta verður eitt vinnu­ tíðarrit, sum ætlandi skal koma níggju ferðir um árið, og støddin á blaðnum verð­ ur eitt sindur minni enn A4. Breitt og djúpt Páll Isholm segði, at málið er at skapa eitt spennandi og eitt snotuligt grafiskt blað, men hetta verður ikki eitt myndablað, sum hann tók til. ­ Vit fara at royna at skapa eitt blað, sum í breiðari merking kemur at viðgera føroyskt vinnulív, bæði djúpt, men eisini breitt. Blaðið skal verða fjølbroytt og áhugavert. Spurdur, hvussu stórt eitt slíkt blað verður, segði hann seg vænta, at talan helst verður um einar 70­90 síður hvørja ferð. Hann segði, at Vinna fer at kunna keypast í leysasølu, og møguleiki verður sjál­ sagt eisini at tekna blað­ hald. ­ Vit fara at senda tey fyrstu trý bløðini ókeypis út til eitt nú virkisleiðslur og borgarstjórar, men tað, sum í longdini verður berandi fyri blaðið, verður søla av blað og lýsingum. Páll segði seg vóna og vænta, at teimum fer at eydnast at skapa eitt gott blað, sum hongur saman fíggjarliga. ­ Umframt at hava free­ lance­journalistar at skriva greinar, er ætlanin eisini, at fólk, sum hava stórt innlit í ymiskar vinnugreinar og í vinnu sum heild fara at skriva sergreinar. Vit fara soleiðis at heita á fólk um at skriva. Harumframt verð­ ur pláss fyri ymiskum mein­ ingum um viðurskiftini. Hann endurtók, at Vinnan ætlandi skal raka breitt, sum hann tók til, og málið er eisini at røkka víða um land­ ið geografiskt og víða um í ymiskum vinnugreinum. Álítandi tíðindi Meðan Páll Isholm hevði sína framløgu, tók eisini orðaskifti seg upp um eitt nú fíggjarligar greiningar av feløgum, sum reka vinnu. Her vísti Regin Jacobsen, stjóri á Bakkafrost á, hvussu umráðandi er, at slíkar greiningar eru rættar og eftirfarandi, um blaðið kemur at hava slíkar við. ­ Eg havi lisið greiningar, sum eru prentaðar, har lítið høpi er í, og tá geva tær onga sum helst meining, segði hann. Páll segði, at um blaðið fer at hava greiningar, er sjálvandi ógvuliga umráð­ andi, at hesar fyri tað fyrsta eru viðkomandi og eftir­ farandi. Ymiskir spurningar komu til umrøðu, meðan komandi blaðstjórin hevði sína fram­ løgu, og eitt nú vísti Olaf Olsen, fyrrverandi reiðari á, hvussu undarligur saman­ hangurin kann vera í eitt nú - Vit vilja geva vinnulívinum eitt betri grundarlag - Vit fara at royna at skapa eitt vinnutíðarrit, sum í breiðari merking kemur at viðgera føroyskt vinnulív, bæði djúpt, men eisini breitt. Blaðið skal verða fjølbroytt og áhugavert, segði Páll Isholm, sum verður blaðstjóri á Vinnu Mynd: Vilmund Jacobsen Hjalmar Petersen, stjóri, var bæði vertur og hevði framløgu um virksemið hjá Vónini, Tummas Eliasen, stjóri í Lív, greiddi frá eftirlønartryggingum og um pensjónskapital í vinnulívi – og Páll Isholm, komandi blaðstjóri, greiddi frá vinnutíðarritinum Vinna Mynd: Vilmund Jacobsen Álopsmenn ákærdir Ákæruvaldið í Pakistan hevur ákært sjey menn í sambandi við tað blóðuga yvirgangsálopið í indiska býnum Mumbai fyri einum árti síðani. Allir nokta seg sekar. Myndugleikarnir siga, at teir sjey hava tilknýti til tann víðgongda felagsskapin Lashkar­e­Taiba. Menninir hava sitiði varðhaldi í fleiri mánaðir, og millum teirra er Zakiur Rehman Lakhvi, sum sam­ bært pakistonsku myndugleikunum var høvuðsmað­ urin aftan fyri álopið á tvey gistingarhús og eina jarn­ breytarstøð í Mumbai, og sum kostaði 166 mannalív. Washington Post sparir Fíggjarkreppan hevur fingið tað stóra amerikanska blaðið Washington Post at repa seglini, og í gjár kunngjørdi leiðslan, at hon hevur gjørt av at steingja tær seinastu lokalu deildirnar uttan fyri sjálvan høvuðsstaðin. Talan er um deildirnar í Chicago, Los Angeles og New York, sum lata aftur gamlaárskvøld. Washington Post er tað fimmti­ størsta dagblaðið í USA. Vanligar dagar kemur blaðið úr í 582.000 eintøkum, men sunnudag er upplagið oman fyri 800.000. Í seinastuni hava fleiri amerikanskir fjølmiðlar sagt fólki úr starvi sum lið í at spara rakstrarútreiðslur, skrivar AP úr Washington.