mánadagur 30. november 2009síða 24

24 ÍTRÓTTARBLAÐIÐ Sosialurin 30. november 2009 – Nr. 229 Seinnapartin leygardagin vóru spennandi talvfinalurnar fyri ungdóm telvdar í hølum Havnar Telvingarfelags Talv Jógvan Joensen jogvan@kallnet.fo Kappast var í fimm aldursbólkum, har umframt FM-heitið í sínum aldursbólki, somuleiðis var telvað um, at verða úttikin at umboða Føroyar í NM í talvi fyri skúlaungdóm, sum verður í Svøríki í februar mánaði komandi. FM vinnarin í aldursbólkinum og nummar tvey verða úttiknir. Føroyar hava seinnu árini, av álvara gjørt um seg, nú m.a. Helgi Dam Ziska – sum annars ikki er í hesum høpinum longur – vann gull í U16 og gull í U20 á heimvølli 2009. Harafturat er vunnar silvur og bronsu krúnur í farnum kappingum. Menningin er sjónlig, at vit senda 10 unglingatelvarar í orrustu við norðurlendskar javnaldrar. Spennandi bólkar Í U20 bólkinum luttóku 5 telvarar, sum hvør á sín hátt – við nakað av viðvindi – kundu vunnið FM. Tá avtornaði dróg Rógvi Egilstoft Nielsen úr Sandavági FM-heitið til høldar. Margar Berg úr Tórshavn, vann, tá samanumkom, sannførandi, umdystin um 2. plássið ímóti Hjalta Toftum Jógvansson, og harvið seinna NM plássið í bólkinum. Heiðrikur Tindskarð Jacobsen, úr Tórshavn, vann FM-heitið í U16 bólkinum, meðan Karl Marius Dahl, úr Kollafirði, gjørdist nr. 2. Báðir til NM í Svørki. U14 bólkurin var ein sonn krút- tunna. 5 sera royndir unglingatelvarar settu stevnu, har ikki var at taka dagar í millum útlitini, hvør ovastur varð tá avtornaði. Klaksvíkingar tóku FM-heitið og bæði NM-plássini, tá seinasti leikur var fluttur. Brøðurnir Einar og Heðin Gregersen, úr Klaksvík telvdu umdyst um FM-heitið og loksins – hevur ein hug at siga – eydnaðist tað Einari, at vinna FM-heitið, sum yngri bróðurin hevur megnað áður. Rúni Tindskarð Jacobsen, úr Tórshavn, telvdi væl og rakk 3. plássinum. Høgni Egilstoft Nielsen, lat ongan iva verða um, hvør bestur er í Føroyum fyri telvarar 12 ár og yngri. Vann øll talvini. Hevur umboðað Føroyar og vunnið FM, síðani 7-ára aldur. Hinvegin hevur Vestmanna 2 sera stinnar unglingar, sum ota seg alsamt nærri ovastu rókunum. Og orrustuna hesuferð vann Alfred Olsen, sum gjørdist nr. 2 og harvið NM-pláss, meðan Sjúrður Olsen gjørdist nr. 3. Áður hevur tað verið umvent ímillum javntsterku unglingarnar. Beint niðanfyri heiðursmerkini, sýnist serliga Sandavágur, men eisini Klaksvík, at hava sera evnaríkar telvarar, sum uttan iva gera ein vørr í komandi árum. Elsta talvfelagið í landinum, Havnar Telvingarfelag, kann fegnast um, at borðreitt varð við einum sonnum stjørnuskoti og vinnara í U10-bólkinum. Eli W. Finnsson, sum bert hevur telvað í uml. 1 ár, var eirindaleysur og vann 7 talv á rað og gjørdist sannførandi FM-vinnari. Sermerkt avrik og ein sermerktur stílur. Eins einastandandi hugaligur og spennandi varð umdysturin um silvurið og 2. NM-plássið, ímillum Janus Skaale, úr Klaksvík, og Honnu Jacobsen, úr Kollafirði. Janus gjørdist drúgvari, eftir 4 umtalv, meðan Kollfirðingar kunnu fegnast um, at Hanna, uttan iva, hevur dygdir, sum røkka heilt langt. Nú verður lagt til brots við fyrireikingunum. NM-venjingarlega, umframt at úttiknu telvararnir luttaka í kappingum í januar/ februar mánað 2010, áðrenn fráferð til Svørki. Woods í ferðsluóhappi Tiger Woods dugir betur enn tey flestu at sveiggja eini golfkúllu, men eftir øllum at døma dugir hann ikki eins væl at koyra bil. Fríggjadagin rendi hann á eitt træ skamt frá húsum sínum, og somikið illa stóð til, at kona hansara mátti nýta eina golfkúllu, so hon kundi knúsa rútin og fáa mannin út. Higar til hevur Woods noktað at tosa við løgregluna um hendingina, og tað hevur elvt til nógvar gitingar í miðlunum. – Eg skilji væl, at nógv hava áhuga í hesum, men søgurnar, sum nú verða skrivaðar, hava einki hald i veruleikanum, er tað einasta, sum Woods vil siga við miðlarnar. Laudrup spælir við Real Seinasta góða mánaðin hava fleiri miðlar skrivað, at Michael Laudrup er favorittur til starvið sum nýggjur venjari hjá Real Madrid. Tað er tó ikki orsakað av hesum, at Laudrup hú hevur funnið sær gaggurnar framaftur. Michael Laudrup hevur framvegis bústað í Madrid, og nú er hann byrjaður at spæla oldboys-fótbólt fyri kontaliga felagið. Við Mundo Deportivo sigur Laudrup, at hann fer at halda fram við at spæla, til hann aftur hevur funnið sær eitt venjarastarv. Føroyski NM-hópurin, sum stutt eftir ársskiftið skal til Svøríkis at royna seg í NM í ungdómstelving Úrslit, FM U20 Rógvi Egilstoft Nielsen (FM) 3,0 Margar Berg 2,5 Hjalti Toftum Jógvansson 2,5 Rógvi Dragaberg 2,0 Borgar Jónsson Stórá 0,0 U16 Heiðrikur Tindskarð Jacobsen (FM) 3,0 Karl Marius Dahl 0,0 U14 Einar Gregersen (FM) 2,5 Heðin Gregersen 2,5 Rúni Tindskarð Jacobsen 2,0 Johan Hentze 1,5 Sára Traber Olsen 1,5 U12 Høgni Egilstoft Nielsen (FM) 6,0 Alfred Olsen 4,5 Sjúrður Olsen 4,0 Silas Eyðsteinsson 3,5 Julian Gregersen 2,0 Magni Weihe 1,0 Andrias S.W. Reinert 0,0 U10 Eli W Finnsson (FM) 7,0 Janus Skaale 5,0 Hanna Jacobsen 5,0 Tórur Villiamsson 3,5 Fróði Johansen 2,5 Áron R. Fjallheim 2,0 Ragnar Weihe 2,0 Karstin í Húsinum 1,0 Unglingar telvdu seg á landsliðið um... ...er lisin -so ert tú við! i