týsdagur 4. desember 2001síða 4

6 Nr. 234 - 4. desember 2001 Nr. 234 - 4. desember 2001 7 Sjúkrasystrar á Landssjúkrahúsinum hava so nógvar sjúkradagar, at tað má vera á fáum arbeiðsplássum, at støðan er so ring LANDSJÚKRAHÚSIÐ Áki Bertholdsen Tað er hart lív at arbeiða á Landssjúkrahúsinum. Tað kunnu sjúkrasystr- arnar skriva undir upp á. Á B 6, sum er ein heili- ráðsdeild á Landssjúkra- húsinum, hava 19 av teim- um 23 sjúkrasystrunum følt arbeiðstrýstið so hart, at tær hava nú gjørt av at siga upp. Eftir á deildini verða sostatt bara fýra sjúkrasystrar og tveir sjúkrahjálparar. Ingun Gaardbo, álitisfólk hjá sjúkrasystrunum á B 6, sigur, at tað er so tungt at arbeiða á deildini, at sjúkrasystrarnar rætt og slætt verða sjúkar av tí. Tað er vanlig fatan, at eitt eyðkenni um vánaligar umstøður á einum arbeiðs- plássi, er, at starvsfólkið er nógv burtur vegna sjúku. Er tað rætt, stendur rætti- liga illa til á B 6, tí har tað munnu vera fá arbeiðspláss í landinum, har starvsfólkið er so illa sjúkt. – Í fjør vóru sjúkrasystr- arnar á B 6 sjúkar í 23 dag- ar í miðal. Tvs, at hvør sjúkrasystir var sjúk í yvir tríggjar vikur í miðal. Tilsamans høvdu tær 23 sjúkrasystrarnar 545 sjúkradagar. Álitisfólkið minnist, at í 1997 høvdu tær á B 6 yvir 380 sjúkradagar tilsamans og tað var hildið at vera óhoyrt nógv. Í fjør vóru teir so yvir hálvtannað hundrað fleiri. Hon sigur, at tað er ógvuliga ójavnt, hvussu sjúkradagarnir eru býttir ímillum sjúkrasystrarnar á deildini. – Summar eru ikki ofta sjúkar og aðrar eru rættiliga nógv burtur vegna sjúku. Hon heldur, at teir nógvu sjúkradagarnar eru eitt víst tekin um, at arbeiðsum- støðurnar eru so vánaligar. – Nógvar av sjúkradøg- unum eru tí at ryggurin á sjúkrasystrunum gongur fyri av tí at arbeiðið er so tungt. Eisini í gjár stóð rættiliga illa til á B 6. Tær skuldu vera átta til arbeiðis, men vóru bara fýra, so tær høvdu úr at gera. Ikki frið at halda frí Ingun Gaardbo sigur, at tað, sum tey hava brúk fyri á B 6, er rætt og slætt at tær fáa fleiri fólk. Leiðslan á Landssjúkra- húsinum hevur bjóðað teimum á skeið, men tað hava tær tikið rættiliga illa upp. – Tað einasta, hetta vísir, er, at leiðslan á Lands- sjúkrahúsinum hevur brúk fyri at fara á skeið. Vit hava ikki brúk fyri skeiði, tí tað eru ikki samstarvstrupul- leikar, ella annað, sum eitt skeið kann loysa, sum er trupulleikin. Tað einasta, sum er trupulleikin, er, at vit eru ov fá starvsfólk. – Avleiðingin av, at vit eru so fá, er m.a. at vit fáa aldrin frið, tí tá ið vit annars hava frí, er tað næstan altíð boð eftir okkum, tí trot er á fólki. Av tí sama er yvirtíð- in alt ov nógv. Tey siga, at hevði B 6 fingið 3,6 sjúkrasystrar aft- urat, hevði tað staðið væl til. – Men vit hvørki krevja ella vænta, at fáa øll í senn. Høvdu vit fingið eitt, ella tvey fólk afturat beinanveg- in og lyfti um at fáa restina seinni, og at amboð og út- gerð verða skift út, tí alt er so niðurslitið, hevði tað helst fingið okkum at tikið uppsagnirnar aftur. Alitisfólkið á B 6 sigur, at so leingi, sum leiðslan á landssjúkrahúsinum ikki gongur teimum á møti, standa uppsagnirnar við. Og í gjáramorgunin høvdu tey onki hoyrt frá leiðsluni. – Hetta er ikki ein nýggj- ur trupulleikar. Vit hava verið undirmannað í fleiri ár og nú eru vit so útkoyrd- ar, at tað var ongin vegur aftur, uttan at taka tað álv- arsliga stigið at siga upp, sigur Ingun Gaardbo. Verða sjúkar av at arbeiða á Landssjúkrahúsinum Sjúkrasystrarnar á Landssjúkrahúsinum skilja væl, ta støðu, sum sjúkrasystrarnar á B 6 eru komnar í LANDSSJÚKRAHÚSIÐ Áki Bertholdsen Sjúkrasystrarnar á B 6 á Landssjúkrahúsinum eru ikki einsamallar. Av øðrum deildum á Landssjúkrahús- inum verður sagt, at tær skilja væl støðuna, sum tær á B 6 eru komnar í. Tað skilst, at tað er trot á sjúkrasystrum víða hvar á Landsjúkrahúsinum. Á B 7 sigur álitisfólkið, Leila Danielsen, at arbeiðs- umstøðurnar eru vánaligar og at tey eisini hava søkt um fleiri fólk á teirra deild. Fólk verða eldri og eldri og tí eru tey mangan ógvuliga røktarkrevjandi, tá ið tey koma á sjúkrahús. Nogv fólk, sum av røttum áttu at verið á røktarheimi, ella øðrum stovnum, enda eisini á sjúkrahúsinum. Á B 4, sum er barna- deildin, er støðan eisini vánalig, tó at arbeiðstrýstið ikki er so javnt stórt, sum á øðrum deildum. – Tað veldst um, hvussu nógv børn eru innløgd. Viðhvørt, tá ið umfarssjúk- ur av ymsum slagi ganga, liggja nógv børn á barna- deildini og tá er úr at gera, sigur Aurora Weihe, sum er álitisfólk har. Eisini á barnadeildini hava tey søkt um fleiri fleiri fólk. Hon viðgongur eisini, at framstig henda, men tað gongur ógvuliga seint og enn er brúk fyri fleiri fólkum. – Vit hava nóg mikið at gera. Men tað er ikki so galið, at vit hava hug at siga upp, ikki enn í hvuss so er. Hon sigur, at hon skilir støðuna hjá teimum á B 6 fullvæl. – Har er spart og spart í kreppuni og tað tykist ikki sum um tað kemur í rættlag aftur. Tær hava arbeitt í nógv ár við ov fáum fólkum undir eini arbeiðsbyrðu, sum er javnt stór. – Tað verður sagt, at tað hevur hjálpt upp á støðuna at seingjatalið á deildini er lækkað, men hetta er mest á pappírinum, tí ofta er gangurin eisini fullur av sjúklingum, sigur Aurora Veihe. Sjúkrasystrar á B 6 á Landssjúkrahúsinum eruso ofta sjúkar, at tað man vera á fáum arbeiðsplássum, at støðan er verri Vit skilja tær væl Á øðrum deildum á Landssjúkrahúsinum skilja tær fullvæl støðuna, sum tær á B 6 eru komnar í Undan seinasta bygdaráðsvali á Eiði varð uppskot lagt fram um bygging av ítróttar-og skúlahøll afturat skúlanum á Eiði. Kostnaðarmet- ingin lá beint niðan- fyri 9 milliónur krón- ur. Uppskotið varð samtykt við 6 atkvøð- um fyri og bert einari ímóti. Til dags dato eru brúktar góðar 15 milliónur krónur, og væntandi verða eini fýra milliónir brúktar afturat, áðrenn ítrótt- arhøllin er liðugt bygd BYGGING Ingrid Bjarnastein Íløguloftið hjá Eiðis Kommunu er 2,5 milliónur krónur. Hetta sigur so mik- ið sum tað, at kommunan hevur seinastu tvey árini sprongt íløguloftið við yvir 10 milliónum krónum. Á Kommunala Eftirlitinum eru tey varug við trupul- leikan, men onki verið gjørt við hann fyribils. – Grundin til, at vit ikki hava megnað at hildið okk- um innafyri íløgukarmin er, at skúlans partur skuldi verða liðugur aftaná summ- arfrítíðina í ár, sigur Tordur Niclasen, borgarstjóri á Eiði. Høllin var mett at koma at kosta nærum 9 milliónir krónur. Í dag eru brúktar góðar 15 milliónir krónur, og verða umleið fýra milli- ónir krónur brúktar afturat. Tað ger, at tá høllin er lið- ug, hevur hon kostað meira enn 100% afturat uppruna- kostnaðarmetingini. – Um vit høvdu skula hildið karmin, so hevði høllin tikið eini 10 ár at byggja. Kostnaðarmeting- in, sum varð framd av ein- um av bygdaráðslimunum, hevur verið alt ov vánalig. Ov lítið forarbeiðið hevur verið gjørt. Ein kann næst- an siga, at talið, sum varð lagt fram var eitt fiktivt tal, sigur Tordur Niclasen. Ikki afturvaldur Hans Jákup í Kollsbyrgi var fyrrverandi bygdaráðsfor- maður á Eiði. Hann var sum tann einasti ímóti byggingini av høllini á Eiði, og varð hann ikki afturvaldur til kommunu- valið í 2000. – Eg var ikki ímóti sjálv- ari høllini, men eg helt tað vera skilabetri at byggja høllina á til dømis Oyra- bakka saman við hinum kommununum í Norður- streymoy og Norðureyst- uroy, so vit øll kundu brúka høllina í felag, sigur Hans Jákup í Kollsbyrgi. Tá nýggja skúlalógin kom í gildi, varð staðfest, at skúlin á Eiði nøktaði ikki plássið, sum var kravt. Tí skuldi byggjast uppí skúl- an. Fyrsta uppskotið til at byggja uppí skúlan varð ikki góðkent av landsarkit- ektinum ella Undirvísing- ar- og Mentamálastýrinum. Tí samráddist Hans Jákup við ein nýklaktan byggi- frøðing, og fekk hana at gera eitt uppskot til uppí- bygging av skúlanum. Hetta uppskotið varð góð- kent, men stutt eftir legði ein av bygdaráðslimunum uppskot fram um at byggja ítróttar- og skúlahøll – alt í senn. Kostnaðarmetingin av uppíbygging til skúlan lá um 8 milliónir krónur og upprunametingin til ítrótt- arhøllina og skúlahøllina var 16. desember 1999 8,95 milliónir krónur. Á borg- arafundi á Eiði segði Hans Jákup, sum sjálvur er byggifrøðingur, at henda verkætlan fór at kosta í minsta lagi 13 milliónir. Uppskotið til bygging av ítróttar- og skúlahøll varð tó samtykt við eini kostnað- armeting, sum nú hevur víst seg at vera langt við síðuna av veruliga kostnað- inum. – Á Eiði búgva 700 fólk, og tí haldi eg ikki, at grundar- lag er fyri at byggja slíka høll bert til eiðisfólk, greið- ir Hans Jákup frá. – Tað er ikki nøkur ein- gangsútreiðsla at byggja eina høll. Høllin skal eisini rekast, og tað er mest um vikuskiftini, at høllin verð- ur nýtt og noyðast tí minst tvey fólk at arbeiða í hesum sambandi, tí ongin tímur at arbeiða hvørt vikuskifti. Lata standa til Á Kommunala Eftirlitinum eru tey varug við trupul- leikan, men fyribils verður onki gjørt við at loysa hann. – Vit hava fyri stuttum verið í samráðingum við kommunufeløgini um íløgukarmin fyri komandi ár, sigur Hilmar Høgenni á Kommunala Eftirlitinum. – At Eiðis Kommuna hevur trupulleikar við íløgukarminum, er okkum væl greitt, men vit fáa ikki avgreitt hetta, fyrr enn ein avtala um íløgukarmin fyri komandi ár er gjørd. Tað er ikki fyrr enn íløgukarmurin fyri komandi ár er settur, at tosað verður um, hvat skal gerast við kommunur, sum hava sprongt íløgukarmin, og hvussu verður við teim- um, sum ikki hava brúkt alt. Ov lítið fyrireikingararbeiði Høllin á Eiði verður fíggjað yvir raksturin. Inntøku- grundarlagið er stak gott í løtuni og skattagrundarlag- ið nógv hægri enn væntað varð. Tordur Niclasen sigur, at Eiðis Kommuna er ein kommuna í blóma, og tí skulu fortreytir fyri at fáa fólk at trívast eisini vera har. Harundir kemur mill- um annað skúli, ítróttar- høll, dagrøkt, eldrasambýli og annað. Men at upprunametingin av høllini skuldi verða so langt við síðuna av, hevði helst fáur droymt um. – Ov lítið fyrireikingar- arbeiði hevur verið gjørt innan farið varð undir at byggja, greiðir Tordur frá. – Høllin er vorðin nógv dýrari enn væntað varð, men vit hava fingið nógv fyri pengarnar. Handverka- arbeiðið er eitt dygdar- arbeiði, sum er ógvuliga væl úr hondum greitt. Hans Jákup í Kollsbyrgi, fyrrverandi bygdaráðsfor- maður, heldur sjálvur, at um teir heldur vóru farnir undir at byggja høll í sam- ráð við hinar kommunurnar í Norðurstreymoy og Norð- ureysturoy, so hevði Eiðis Kommuna heldur kunnað miðað ímóti at bygt ein barnagarð. Hesin barna- garður kundi allarhelst staðið nærum, um ikki heilt liðugt bygdur í dag. Bæði Tordur Niclasen og Hans Jákup í Kollsbyrgi halda, at tað at árið var eitt valár kann hava havt okkurt at siga í hesum sambandi. Ítróttarhøllin á Eiði: Dupult so dýr sum ætlað Høllin á Eiði verður allarhelst meira enn dupult so dýr sum upprunaliga mett. C M Y K 7 6