fríggjadagur 11. desember 2009síða 11

11 tíðindi Nr. 238 - 11. desember 2009 Sunnudagin klokkan 16 fara Monika Stauss Joensen og Birgitte Schnakenburg at hava útgávukonsert í Leirvíkar Bátasavni. Hetta er í sambandi við fløgu við klassisk­ um perlum, sum júst er komin TilTak Vilmund Jacobsen vilmund@sosialurin.fo Fólk kunnu ikki vænta sær minni enn nakrar klassiskar perlur í hugnaligum um­ hvørvi í Leirvíkar Bátasavni sunnudagin, tá Monika Stauss Joensen á violin og Birgitte Schnakenburg á klaveri fara at framføra. Hetta er ein útgávukonsert, nú fløga, sum tær báðar hava spælt inn, júst er komin á marknaðin. Tær báðar vísa á, at í klassiskum tónleiki eru mangar perlur, sum kunnu siga okkum nakað serstakt í ávísum løtum í lívinum. ­ Yndi og dýpi í hesum tónleiki ger, at hann á ser­ stakan hátt nemir við okk­ ara kenslur. Burtur úr slík­ um perlum úr fleiri londum og við ymiskari bakgrund, hava vit gjørt eitt perluband, sum vit vóna, at fólk kunnu fáa gleði av. Tað siga tær báðar um fløguútgávuna. Birgitte Schnakenburg er fødd og fekk útbúgving í Danmark, og í 2005 fekk hon starv í Føroya Musik­ skúla sum fylgispælari. Síðani hevur hon spæld ótaldar konsertir í Føroyum og í Danmark saman við næmingum og fulltíðar tónleikarum. Monika Stauss Joensen er fødd í Sveits, er gift og búsitandi í Leirvík . Hon starvast partvís á Føroya Musikskúla og hevur lagt dent á kamartónleikin. Í seks ár hevur hon verið við til at skipa kamarkonsertir kring landið, har hon í fimm ár var forkvinna í Konsertfelagnum. Seinastu tvey árini hava Monika og Birgitte reglu­ liga spælt saman og hava havt fleiri konsertir. Við Finni Hansen sum teknikara hava tey gjøgnum hetta árið spælt tónleikar­ perlur inn í Kringvarpinum, sum nú eru givnar út á fløgu. Monika Stauss Joensen og Birgitte Schnakenburg siga, at øll eru hjartaliga vælkomin í hugnaliga um­ hvørvið í Leirvíkar Báta­ savni sunnudagin klokkan 16, har kaffi verður at fáa og okkurt heimabakað úr køkinum hjá Moniku. Tað er ókeypis at koma til konsertina, har eisini ber til at ogna sær fløguna fyri serprís sum er 100 krónur. Útgávukonsert í Leirvíkar Bátasavni Birgitte Schnakenburg og Monika Stauss Joensen selja nýggju fløguna fyri serprís eftir ókeypis konsertina í Leirvíkar Bátasavni seinnapartin sunnudagin Ómannaður kavbátur Ein ómannaður kavbátur, sum fór úr New Jersey í USA í apríl, er komin til Baiona Spania í øllum góðum. Ferðin tvørtur um Atlantshavið var góðar 7.400 kilometrar, og tað tók kavbátinum 221 samdøgur at sigla teinin. Kavbáturin, sum er nógv minni enn vanligir kavbátar, hevur ongan motor, men sigldi rak við streyminum tvørtur um Atlantshavið. Báturin hevði tó elektroniska útgerð, sum gjørdi, at hann fór við tí rætta streyminum. AP skrivar, at hetta er fyrstu ferð, at ein ómannaður kavbátur hevur siglt um Atlantshavið. Ein roynd varð gjørd í fjør, men hon miseydnaðist. Norðurkorea vil samstarva Stýrið í Norðurkorea sigur nú, at tað er nú til reiðar at tingast við USA fyri at linna spenningin landanna millum. Tað skrivar almenna tíðindastovan KCNA. Politiskir eygleiðarar siga, at í veruleikanum merkir hetta, at Norðurkorea er sinnað at fara undir nýggjar samráðiingar við USA og grannalondini um at sleppa teirri umstríddu kjarnorkuverkætlanini. Tann fyrra samráðingarroyndin fór fyri bakka í februar. Ein týðandi amerikanskur diplomatur hevur júst verið í Norðurkorea og roynt at fáa landið aftur til samráðingarborðið. Sonny Johannesen, skipari, sum í nógv ár hevur fiskað í russiskum sjógvi í Barentshavinum, sigur, at trupulleik­ arnir við russar hava tikið seg upp eftir, at militerurin tók yvir eftirlitið í russiska partinum av Barentshavinum fyri 3­4 árum síðan STríð Vilmund Jacobsen vilmund@sosialurin.fo ­ Vit hava altíð havt sera góð viðurskifti við russiska fiskiveiðieftirlitið, og her havi eg fingið nógvar góðar vinir gjøgnum árini. Tað var altíð ein góður dagur, tá eftirlitið var umborð hjá okkum. Vit sótu og prátaðu og drukku kaffi saman og høvdu góðar og minniligar løtur. Sonny Johannesen sigur, at trupulleikin í russiska partinum av Barentshavin­ um er íkomin, síðan mili­ terurin yvirtók fiskiveiði­ eftirlitið. ­ Militerurin ánar ikki, hvat tingini í veruleikanum snúgva seg um, og tí koma teir stundum eisini við spurn­ ingum, sum eru púrasta úr vón og viti – spurningum, sum einki eiga at hava við eitt slíkt eftirlit at gera. Sonny Johannesen, sum í fleiri ár hevur ført flaka­ trolaran Enniberg, sigur, at teir á seinasta túri vóru aftur í Føroyum 27. november. ­ Tá vit skuldu fara at sigla, høvdu vit samband við eftirlitið, og teir bóðu okkum bara sigla heim og ynsktu okkum góða ferð. Eins og aðrir, sum hava verið partur av tí serstakliga góða samstarvi, sum hevur verið millum føroyingar og russar, harmast Sonny ómetaliga nógv um, at stýg­ ur nú er komin í viðurskiftini millum londini. Vent í holuni ­ Hetta er ógvuliga harmi­ ligt. Vit hava heilt síðan 1977, tá vit sum fyrsta land gjørdu fiskiveiðiavtalu við russar, havt eitt so fyri­ myndaliga gott samstarv. Vit hava nógv brúk fyri rættindunum í russiska partinum av Barentshavi­ num, og svartkjaftaskip úr eitt nú Murmansk hava nógv brúk fyri rættindunum og samstarvinum, tey hava í okkara sjógvi. Skiparin sigur, at vent er í holuni eftir, at militerurin yvirtók eftirlitið í Barents­ havinum. ­ Nú er einki, sum tað var, og tað ringasta av øllum er, at militerurin slett ikki hevur skilt sína uppgávu sum fiskiveiðieftirlit, leggur hann aftrat. Sonny Johannesen vísir á, at russar eisini hava bjóðað upp á Skálaberg, sum avtala er gjørd við japanesarar um. ­ Men russar bjóðaðu ov lítið, og um hetta er mátin, teir vilja taka skipið, er hetta ein heilt margháttligur máti, leggur hann aftrat. Sonna líkar ikki hetta mál og heldur, at tað er rættiliga lang úti, soleiðis sum Skála­ berg og manningin umborð er viðfarin. ­ Um allan heim er tað galdandi, at verður skip tikið, tí myndugleikarnir meta, at brot eru framd á fiskiveiðireglurnar, verður málið latið løgregluni, sum skjótast gjørligt kemur við sektaruppskoti. Sonny Johannesen sigur, at orð finnast ikki fyri, hvussu militerurin hevur handfarið ítøkiliga málið um Skálaberg. ­ Hetta er ein ógvuliga keðilig vend, og føroyskir myndugleikar eiga at gera alt, sum gerast kann, fyri, at viðurskiftini millum londini verða normaliserað aftur ­ skjótast gjørligt, sigur skiparin á Ennibergi. Trupult síðan militerurin yvirtók fiskiveiðieftirlitið - Tað er vent í holuni eftir, at russiski militerurin yvirtók eftirlitið í Barentshavinum. Nú er einki, sum tað var, og tað ringasta av øllum er, at militerurin slett ikki hevur skilt sína uppgávu sum fiskiveiðieftirlit, sigur Sonny Johannesen, skipari á Enniberg Mynd: Vilmund Jacobsen