fríggjadagur 7. desember 2001síða 4

6 Nr. 237 - 7. desember 2001 Nr. 237 - 7. desember 2001 7 Leygarkvøldið fara Fróði Vestergaard og hansara menn í Deiggj at spæla til dans á Tvøroyri TÓNLEIKUR Eyðun Klakstein Nú fer suðuroyarbólkurin Deiggj aftur á pallin. Hetta hendir á Tvøroyri, tá teir fara at spæla til dans í TB- húsinum leygarkvøldið. Tað var eisini á Tvøroyri, at bólkurin var stovnaður fyri 20 árum síðani. Teir sum stovnaðu bólkin vóru, Páll Lave, Pætur Dam, Fróði Vestergaard, Dennis Lave, Dávið Jacob- sen og René Jespersen. Meira enn 20 ymiskir tón- leikarar hava spælt fast við Deiggj seinastu 20 árini, men tann núverandi mann- ingin er næstan tann sama, sum tann sum spældi fyrstu ferð í 1981. Teir, sum spæla við komandi vikuskiftið, eru Páll Lave, Pætur Dam, Fróði Vestergaard, Sverri Heinesen, Dánjal Jákup Holm og Dennis Lave. Deiggj góvu út í 1985 eina LP undir heitinum »Stormávaring«. Umframt hetta vóru Deiggj við á Amnesty tónum, á TB- bandinum, ið kom út í 1992, tá ið TB fylti 100 ár, Vælskapt Brek í kom út í fjør og eisini hava limirnir í Deiggj undir heitinum »Sveiggj« eitt lag við á seinastu barnafløguni hjá Útvarpi Føroya. Venja hvørja viku Deiggj hava egna venjing- arhøli og studio í Havn. Bólkurin venur fast eina ferð um vikuna og arbeitt hevur við at byggja upp eina fjøltáttaða skrá, ið hóskar bæði til yngri og eldri. Tað vísur seg, at flestu aldursbólkar dáma væl løg frá 70´unum og 80´unum, t.d. Cream, Deep Purple, John Lennon, Eric Clapton, Gasolin, Procul Harum, Supertramp og Men at Work. Eisini nýggjari tón- leikur verður framførdur hetta vikuskiftið. Sum dømi kunnu nevnast løg hjá R.E.M. okkurt hjá Red Hot Chilly Pepper og eldri tónleikur frá sektiárunum sum t.d. Simon and Garfun- kel, Bee Gees, Beatles og Rolling Stones. Av norður- lendskum tónleiki kunnu nevnast Afzelius, Mikael Wiehe, Martin Joensen, Vestmenn, Kári P., Frænd- ur og okkurt heimagjørt lag. – Í løtuni arbeiða vit nógv við løgum hjá øðrum. Seinni verður kanska ar- beitt meira við egnum løg- um. Og hvør kanska kemur eisini ein nýggj fløgu, siga teir í Deiggj. Havt tvær framførslur Síðan bólkurin varð endur- stovnaður við núverandi manning, hevur bólkurin havt tvær framførslur eina á Arkitektaveitsluni í Sjón- leikarahúsinum og eitt vikuskiftið í Kagganum. Teir, sum eru við í Deiggj hava ikki spælt nakað ser- liga nógv við øðrum bólk- um, undantikið Dánjal Ják- up Holm, sum er kendur trummusláari frá bólkun- um, Revival, Júmen og Wild Child. Sverri Heines- en hevur verið við til at stovna kenda bólkin »Absurdy Fair« og hevur altíð spælt við teimum. Pætur Dam, ið spælur tangentar, spældi seinast við Deiggj í 1988 og hevur hesi13 árini ikki verið virkin í nøkrum tónleika- bólki. Páll Lave var upp- runaliga bassistur í tí fyrsta Deiggj. Hann spælur nú sologittar. Páll hevur eins og Pætur Dam búð í nógv ár í Danmark og hevur tískil ikki verið so aktivur føroyska rokkpallinum. Fróði Vestergaard hevur spælt við Deiggj í næstan øll árini eins og Dennis Lave, sum í løtuni er heima í feriu nakrar mánaðir. Dennis býr vanliga í Aasiaat í Grønlandi, men flytur væntandi heim til Føroya komandi summar. Ikki bara nostalgi Onkur heldur kanska bólk- urin bara satsar uppá nost- algi, men so er ikki. – Vit vilja fegnir verða nýskapandi, og vit fara í framtíðini at royna eitt sindur hvørjum. Hetta vikuskiftið sleppa suðring- ar ein túr aftur í hálvfjersini og fram í hálvfemsini. Næstu ferð verður tað kanska nakað heilt sum vit fara at borðreiða við, siga teir. Leygarkvøldið er aldurs- mark 18 ár og teir í Deiggj vóna at síggja nógv av teimum, ið vóru ung í hálv- fjersunum og fýrsunum, til dansin. Deiggj ger aftur vart við seg 20 ára gamli bólkurin Deiggj fer at spæla til dans í TB-húsinum leygarkvøldið Klaksvíkar kommuna er sinnað at geva ung- dóminum í býnum eitt nýtt tilboð, men tað kemur ikki upp á tal at hava kommun- alan dans í Klaksvík. Mikukvøldið var borgarafundur um ungdómsviðurskiftini í Klaksvík UNGDÓMSFUNDUR Eyðun Klakstein Klaksvík: Meiningarnar og hugskotini vóru nógv, tá Klaksvíkar kommuna mikukvøldið bjóðaði for- eldrum á fund um ung- dómsviðurskiftini í býnum. Endamálið við fundinum var at fáa foreldrini at siga sína hugsan um, hvussu tað ber til at fáa allan ungdóm- in í Klaksvík at trívast í býnum – eisini tey, sum ikki brúka núverandi til- boð. Misnøgd er millum ein part av ungdóminum í Klaksvík, sum gremur seg um vantandi tilboð. Breið semja var millum politikarar og fundarfólk um, at kommunan ikki skal taka yvir leiklutin hjá for- eldrunum. Og kommmunan skal heldur ikki syrgja fyri diskoteki til tey ungu. Hinvegin skal kommun- an royna at geva ungdómin eitt nýtt og gott tilboð í ein- um tilhaldsstaði. Ongan almennan stovn Umboð fyri Klaksvíkar kommunu høvdu smærri innlegg á fundinum, og ráð- gevin hjá Rúsdrekka- og narkotikaráðnum, Carl August Arge, hevði eisini ein fyrilestur. Aftaná var kjak um ungdómsviður- skiftini í býnum. – Ofta verður tosað um, at almennir stovnar skulu loysa allar trupulleikar í samfelagnum. Men vit hava ikki brúk fyri einum nýggj- um almenni stovni fyri at loysa trupulleikarnar við ungdóminum. Foreldur, ung og politikarar skulu samstarva fyri at fáa nakað gott burturúr, segði Eyðgunn Samuelsen, sum er forkvinna í sosialu nevnd hjá Klaksvíkar kommunu, í sínum innleggi. – Hetta eru broytingartíð- ir, samfelagið broytist, vit verða undirdíkt í upplýs- ingum úr øllum ættum, og tey ungu skulu gera nógv val. Tað ræður um hjá okk- um at fóta okkum í hesum nýggju tíðum, segði hon. Einki ítøkiligt Forkvinnan í mentanar- nevndini greiddi frá, hvat Klaksvíkar kommuna hev- ur arbeitt við seinastu tíð- ina, men tað var lítið ítøki- ligt at frætta um hetta. Tal- an hevur verið um at gera ungdómshús í býnum, men hendan ætlanin er ongan veg komin enn. – Vit hava fingið tey ráð, at tað ræður um at taka sær góða tíð at fyrireika eitt ungdómshús, tí tað er sera umráðandi at fáa góða byrj- an. Eru tað trupulleikar at byrja við, so ber tað næstan ikki til at koma afturum aftur, segði Jórun Høgnes- en. – Vit vilja hava øll góð hugskot – bæði frá foreldr- um og frá ungum – so vit kunnu gera eitt ungdóms- hús, sum kann virka, og sum tey ungu fáa gleði av, segði hon. Klaksvíkar kommuna ætlar í næstum at seta eitt fólk at orða ein ungdóms- politikk, og hetta fólkið skal eisini fáa ungdóms- húsið at virka. Eingin kommunalur dansur Kjakið á fundinum var konstruktivt og positivt. Fólk vóru á einum máli um, at kommunan skal taka stig til at gera ungdómshús, men tey hildu somuleiðis, at tey ungu mugu takast við upp á ráð. Kjakið fór eina løtu frá ungdómshúsi og til dansi- stað til tey ungu. Summi fundarfólk hildu, at komm- unan skuldi verða við til at loysa tann trupulleikan, so tey ungu undir 18 ár aftur fingu eitt dansistað í býn- um. Umboðini fyri Klaksvík- ar kommunu vóru samd um, at kommunan fer ikki at skipa fyri dansi í býnum, men tað kundi koma upp á tal, at kommunan kundi hjálpa til á onkran hátt. Steinbjørn Jacobsen, borgarstjóri, legði eins og ráðgevin hjá Rúsdrekka og Narkotikaráðnum stóran dent á, at kommunan skal ikki taka yvir leiklutin hjá foreldrunum, og at tað er umráðandi at foreldur eru við til at fáa tey ungu at trívast. Klaksvíkar kommuna ætlar nú at kalla ungfólk saman fyri at hoyra teirra hugsan um eitt ungdóms- hús í býnum. Borgarafundur í Klaksvík: Ungdómurin skal hava kommunalt tilboð Mikukvøldið hittu umboð fyri Klaksvíkar kommunu foreldur á máli um ungdómsviðurskiftini í Klaksvík Frásagnir um hend- ingar, har mannalív eru bjargað, eru savnaðar í bók, sum Erling Poulsen hevur givið út BÓKAÚTGÁVA Edvard Joensen Sum vera man eru flestar søgurnar av sjónum, tó at onkur bjargasøga er ímill- um. Flestu frásagnirnar í bókini hava verið sagdar fyrr. Men seinasti parturin hevur ikki verið prentaður áður. Ofta er tað so, at fólk, sum framt hava roysni, serliga har onnur eru bjargað úr vanda, siga lítið um tað fyri øðrum. Tó onkur er, sum hevur hug at siga frá. Viðhvørt í meira lagi, halda onnur, sum kanska hava verið við. Eina slíka søgu fáa vit í bókini hjá Erlingi Poulsen um bjargingarbrøgd. Prestafrásøgnina um ferð- ina, tá hvalbingar á veg til Sands við presti settu upp á Dímun. Í meira lagi av reypi og ikki øll søgugongdin eftir- farandi heldur, vil so onkur annar, sum við í ferðini var, vera við. Og so fáa vit heilt aðra útlegging av somu søgu frá manni, sum eisini var við á somu ferð, sum prestur. Áhugavert at síggja, hvussu ymisk upp- fatanin kann vera av somu hending. Bókin er sett upp í pørt- um, har hvør frásøgnin líkasum ger ein part. Onk- unstaðni eru frásagnirnar tó so mikið drúgvar, at tær eru býttar sundur í fleiri. Eitt nú tann um prestaferðina, har sagt verður frá í tveim- um umførum av tveimum ymiskum persónum. Í tí førinum virkar tað eitt sindur ørkymlandi, tá danska frágreiðing hjá presti verður lisin, at tað knappliga koma føroyskar viðmerkingar frá høvund- anum sjálvum mitt í søg- uni. Seinasti parturin er um, tá dekksbátar í Vági bjarg- aðu fleiri útróðrarbátum úr Porkeri, sum komu illa fyri á floti sunnanfyri. Ein hending, sum kundi, um illa vildi til, fingið ólukku- ligar fylgjur fyri Porkeris bygd, sum hon valla hevði risið undan aftur. Hendan frágreiðingin, sigur høv- undin, hevur ikki verið prentað fyrr. Byrjanin av bókini eru frásagnir frá, tá Ernestina fór á land undir Íslandi og ymisk, sum síðan er hent í tí sambandi. Eitt nú um ferðina í Íslandi í fjør, tá avvarðandi vóru aftur á staðnum. Hesin partur fyllir umleið helvtina av bókini, og er eingin nýggjheit sum so, tí tilfarið er slíkt, sum hevur verið prentað áður. Sum fyri heilt stuttum í FF blaðnum, eins og ymiskt er kent aftur frá jólabløðum o.t. Ein partur nevnist »Sorg- ardagur í Sumba«, sum tókti mær eitt sindur løgið, tá talan skuldi vera um bjargingarbrøgd. Her mundi einhvør vanlukka vera hend undir onkrari bjarging ella so. Men so var ikki, og endaði øll hend- ingin væl. So mikð løgnari tykist mær yvirskriftin, fyri ikki at siga beinleiðsi mis- vísandi. Tí frøi mundi vera í Sumba eftir tað roysnið, hesir sumbingarnir gjørdu í berginum hesa náttina, sagt er frá. Bókin Bjargingarbrøgd er 128 blaðsíður við inni- haldsyvirliti, keldulista og navnalista. Hon er í støðum eitt sindur tung at lesa, tykist mær, tí talan sær út til at vera um beinleiðis band- avskriving av samrøðum, gjørdar eru um hendingar- nar, ið umrøddar eru. Tann við Ziska á Fløttinum er beinleiðis nevnd. Men frá- greiðingin hjá sumbing- inum, sum er orðarætt end- urgivin, sum hann hevur sagt frá, tykist mær eisini sum ein slík, og hevur ov nógvar óneyðugar vend- ingar og endurtøkur við sær. Men hon er sera áhuga- verd soleiðis, at her fáa vit eina gjølliga lýsing av dia- lektini hesin maður hevur tosað, og sum er sera góð at eiga til seinni savn. Tí slíkt dettur burtur í hesum tíðum, nú alt verður so óhugnaliga harmoniserað, at ein ikki so frægt sum hoyrir, um maður er svín- ingur ella sumbingur. Á permuni stendur, eitt stórt eittal, sum bendir á, at hendan bókin er tann fyrsta í eini røð, sum høvundin eisini sigur frá. So vænt- andi fer tann næsta at liggja á borðinum um somu tíð komandi ár. Bjargingarbrøgd Bátar við bryggju í Porkeri. Hesi bátarnir eru størri enn teir, sum brúktir vóru í 1934, tá vanlukka mundi staðist av C M Y K 7 6