mánadagur 21. desember 2009síða 12

12 tíðindi Nr. 244 - 21. desember 2009 Politikarar í Løgtinginum eru samdir um, at seyður á vegunum er ein trupulleiki, sum skal loysast, fer Løgtingið ikki at samtykkja at leggja órimiliga stórar byrðar á bøndurnar, sum teir orða seg Seyðurin skal burtur av vegnum. Tað eru politikarar samdir í. Men teir eru eisini samdir í, at tað skulu ikki órímiliga stórar byrðar leggjast á tey, sum eiga seyð og annan fen­ að. Hinvegin hava teir okkurt annað boð upp á, hvussu málið skal loysast. Fyri at røkka málinum heldur vinnunevndin, at rættast er at endurskoða og dagføra alla lóggávu um hegning og vertarfriðing. Tað vakti miklan ans her­ fyri, tá ið nakrir løgtingslim­ ir løgdu uppskot fyri Løg­ tingið um at fáa seyð og annan fenað av vegunum. Reyði tráðurin í uppskotin­ um var, at tað var tann, sum átti seyðin og fenaðin, sum skuldi bera allan kostnaðin av at stika og beina seyðin av vegnum. Vinnunevndin hjá Løg­ tinginum tekur undir við endamálinum, men ikki við mátanum, tí tað leggur alt ov stóra ábyrgd og alt ov stórar skyldur á tey, sum eiga seyð og annan fenað, tí tað vera tey, sum fáa alla ábyrgdina Sosatt óttast vinnunevndin fyri, at jarðarbúkarin kann fáa ovurhonds stór endur­ gjaldskrøv, skuldu óhapp hent í ferðsluni, har húsdýr eru uppi í. Aðrar loysnir Katrin Dahl Jakobsen for­ kvinna í vinnunevndini sig­ ur, at í Íslandi er tað Lands­ verk, sum hegnar fram við landsvegi, men so hava kommunurnar aktingarfólk, sum hava eftirlit við, at hegnið er tætt. ­ Hetta er fyri at tryggja, at ikki onkur svíkur er ímill­ um, sum ikki røkir stikið, so at talan verður um eina falska trygd, sum ger støð­ una upp aftur vandamiklari enn, um tað als ikki var hegnað. Afturat hesum verður skeltað, har tað ikki verður hildið at vera neyðugt at hegna, men har eitt nú seyður er. Forkvinnan í vinnunevnd­ ini heldur, at hetta er ein leist­ ur, sum kundi verðið um­ hugsaður í Føroyum eisini. Politikarar ætla at arbeiða víðari við eini ætlan um at fáa seyðin av vegnum Strandferðslan fer at mæla til, at Smyril ikki fer í dokk, fyrrenn summarsiglingin er av og sostatt fer hann ikki í dokk í aprí, sum tað annars varð stungið út í kortið Smyril Áki Bertholdsen aki@sosialurin.fo Tað verður ikki fyrrenn í september, at Strandfara­ skipið, Smyril, sleppur í dokk at fáa endaliga bilukt við teimum teknisku trupul­ leikum, sum skipið hevur drigist við og sum nakrar ferðir hevur ført til, at tað hevur mist at kalla alla maskinorku í sigling ímill­ um Suðuroy og Havnina. Tað staðfestir Conrad Gaard Joensen, rakstrarleið­ ari hjá Strandferðsluni. Sostatt verður nú vent aft­ ur til upprunaligu ætlanina, sum sigur, at Smyril skuldi í dokk í september. Eitt skiftið lá enntá í kort­ unum, at dokkingin skuldi útsetast til í 2011 fyri at fáa fíggjarliga putlispælið at ganga upp í sambandi við fíggjarlógina fyri næsta ár. Men eftir seinasta til­ burðin, har Smyril misti maskinorkuna, varð málið aftur framskundað og tað eydnaðist at finna játtan, so at Smyril kundi sleppa í dokk næsta ár. Og í hesum sambandi var eisini stungið út í kortið, at dokkingin skuldi fram­ skundast til í apríl fyri at fáa eina endaliga loysn á trupul­ leikanum sum skjótast. Bíða til september Conrad Gaard Joensen sigur, at tey á Strandferðsluni hava nú viðgjørt spurningin. ­ Niðurstøðan er, at vit á Strandferðsluni fara at mæla til at bíða við dokk­ ingini til í september, tá ið summarsiglingin er av, sig­ ur hann. Hann sigur, at orsøkin til tað er, at tann nýggja trygd­ arskipanin, sum skal setast í bátin og sum fær endaliga loysn á trupulleikanum, verður ikki liðug fyrrenn nakað út á árið. Og ímeðan summarsigl­ ingin er, heldur Strandferðsl­ an ikki, at tað er rætt at fá skipið í dokk. Annars eru tiltøk longu sett í verk fyri at vandin fyri at Smyril aftur missur maskin­ kraftina, er at kalla heilt úti­ hýstur, men Smyril má í dokk áðrenn trupulleikin kann loysast einaferð með alla. Rakstrarleiðarin sigur, at tað ber ikki til at fara at leita eftir hóskandi avloys­ araskipið, fyrrenn tey vita akkurát, nær Smyril skal í dokk. Tað er heldur ikki greitt, hvar hann fer í dokk. Men hann væntar, at tá ið tað verður, verður Smyril burt­ ur í hálvan annan mánað. Smyril ikki í dokk fyrrenn næsta heyst Næsta ár skal Smyril takast úr sigling í hálvan annan mánað, tá ið hann skal í dokk at fáa eina endaliga loysn á teknisku trupulleikunum Bóndur skulu ikki betala fyri at fáa seyðin av vegnum Berlusconi meiri avhildin Er tann seinasta meiningakanningin í Italia eftirfarandi, er Silvio Berlusconi, forsætisráðharri, betur umtóktur í heimlandinum nú, enn hann var undan álopinum í Milano fyri átta døgum síðani. Í kanningini siga 55,9 prosent av teimum spurdu, at at tey styðja Berlusconi. Miðskeiðis í síðsta mánað søgdu 48,6 prosent tað sama. Kanningin stendur í blaðnum Corriere della Sera, og blaðið skrivar, at nógvir italiumenn hava havt samkenslu við tí 73 ára gamla Berlueconi eftir tilburðin í Milano. Leitaðu eftir Lauru Dekker Leygardagin boðaði niðurlendska løgreglan frá, at hon leitaði eftir teirri 14 ára gomlu Lauru Dekker, men í gjár komu boð um, at gentan var funnin á oynni Saint Martin, sum er í Karibiska Havinum. Laura Dekker gjørdist kend, tá hon ætlaði sær at sigla rundan um jørðina. Men ferðin varð av ongum, tí eftir áheitan frá myndugleikunum noktaði dómsvaldið henni at fara avstað, tí hon er so ung. Samstundis tók rætturin foreldramyndugleikan frá foreldrum hennara, og síðani hevur barnaverndin havt eftirlit við gentuni.