týsdagur 22. desember 2009síða 10

10 tíðindi Nr. 245 - 22. desember 2009 Hóast upsaveiðan hevur verið betri seinastu tíðina, enn hon var fyrra partin av heystinum, er tó eitt, sum av álvara er farið at órógva teir, ið fiska upsa. Tað, sum órógvar er, at lítil og eingin smáupsi er uppi í veiðini hjá partrolarunum longur Fiskivinna Vilmund Jacobsen vilmund@sosialurin.fo Fyri nøkrum árum síðan var upsin rættiliga smáur, og menn spurdu seg sjálvur, hvar gýtingarfiskurin mundi vera. Nú er vent í holuni. Fiskimenn spyrja nú, hvar hin smái upsin er, tí tað nógva av tí, ið veitt og landað verður, eru 1-arar, 2-arar og 3-arar, sum er stórur og góður fiskur. Fiskimenn siga, at eini 70 prosent av veiðini hjá par- trolarunum er 3-arar, meðan lítið og einki er til av 5- arum og 6-arum. Tað, sum órógvar fiski- menn, er, at heilir árgangir av smáum upsa soleiðis vísa seg at vera burtur úr veiðini. Spurningurin Hvør orsøkin er til hesa gongd við upsanum, veit eingin við vissu, men tað eru teir fiskimenn, sum halda, at onkrir skiparar ikki eru nóg skjótir at boða frá, tá ov nógvur smáur upsi er uppi í veiðini. Vit hoyra av og á, at Fiski- veiðieftirlitið lýsir veiði- bann, tí ungfiskur er á ávís- um leiðum, og nøkur skip eru eisini tikin, tí tey ikki hava boðað frá, tá ov nógvur ungfiskur hevur verið uppi í veiðini. Á landingarmiðstøðum verður váttað, at rættiliga lítið av upsa 4, 5 og 6 hevur verið uppi í veiðini hjá par- trolarunum í heyst. Sosialurin fer at venda aftur til hetta mál í øðrum blaði. Nú uppundir jólahalguna hava fleiri skip landað í Saltangará, og í seinastuni hevur verið meiri vanligt, at skipini aftur eru so gott sum full undir lúkurnar Fiskivinna Vilmund Jacobsen vilmund@sosialurin.fo Í morgun landa fýra par- trolarar í Saltangará. Stelkur og Bakur og Heykur og Falkur, sum allir hava verið stuttan túr, hava umleið 72.000 og 108.000 pund. Somu skip landaðu eisini seinasta fríggjadag. Tá høvdu Stelkur og Bakur 230.000 og Heykur og Falkur 350.000 pund. Í gjár landaðu Polarhav og Stjørnan og Rókur og Lerkur í Saltangará. Hetta var ein góður túrur hjá Pol- arhavi og Stjørnuni, og veiðan vigaði tilsamans 450.000 pund. Rókur og Lerkur høvdu 170.000 pund tilsamans. Á landingarmiðstøðini Kongshavn siga tey, at upsaveiðan hjá partrolarun- um hevur verið heldur fræg- ari í seinastuni, enn hon hevur verið fyrr í heyst. Seinasta hósdag høvdu Jaspis og Ametyst fulla last, hjá Heyki og Falki vantaði lítið í fulla last, tá teir landaðu seinasta fríggjadag, og Polarhav og Stjørnan vóru næstan fullir, tá teir landaðu í Saltangará í gjár. Øll veiðan hjá partrol- arunum er upsi. Smái upsin er burtur úr veiðini Tað órógvar fiskimenn, at so lítið av smáupsa er uppi í veiðini hjá partrolarunum. Fyri nøkrum árum síðan var øvut. Tá var hópur av smáupsa, og menn spurdu, hvar gýtingarfiskurin er Mynd: Vilmund Jacobsen Upsaveiðan hjá partrolarunum er batnað Seinastu dagarnar hava fleiri skip lagt veiðina upp í Saltangará Mynd: Vilmund Jacobsen Politikarar minni løn Íslendska Alringið samtykti í gjár at leingja lógina, sum skerjir lønina hjá altingslimum og ráðharrum 10 prosent. Tann upprunaliga lógin um lønarlækkingina hjá tingmonnum og ráðharrum kom aftan á bankakreppuna í fjør eftir uppskoti frá táverandi samgongu millum Sjálfstæðisflokkin og Samfylkingina. Núverandi stjórnarsamgonga millum Samfylkingina og Tey Vinstragrønu hevur gjørt av at leingja lønarniðurskurðin, og í gjár samtykti Altingið, at niðurskurðurin skalæ eisini galda í 2010. Ikki bara veðrið Tá grønlendski landsstýrisformaðurin, Kuupik Kleist, var á veðurlagsráðstevnu í Keypmannahavn, nýtti hann hetta høvið til at tingast við Evropasamveldið um betri handilssáttmálar. Við kringvarpið sigur hann, at ES hevur stóran áhuga fyri fiskirættindum við Vesturgrønland, og at landsstýrið vil fegið fáa meiri burtur úr hesum. Umframt ES tingaðist Kuupik Kleist við umboð fyri fjarskotin lond, sum hava búskaparligt og sosialt samstarv við ES. Fleiri av hesum londum hava somu politisku áhugamál sum Grønland, og her kunnu samstarvsmøguleikar vera, sigur Kuupik Kleist við KNR.