týsdagur 11. desember 2001síða 14

26 Nr. 239 - 11. desember 2001 Nr. 239 - 11. desember 2001 27 UTTAN ÚR HEIMI Ein av bólkunum hjá Osama bin Laden skuldi søkja at kongressini í Washington beint eftir 11. september ÚTLAND Fartekst Tað er amerikanska tíðar- ritið Newsweek, sum ber tíðindini um tað ætlaða álopið. Blaðið skrivar, at ein av teimum sonevndu “sovandi bólkunum” hjá bin Laden skuldi skipa fyri álopinum og seta tað í verk, men limirnir í bólkinum valdu at fjala seg ella at rýma úr USA, tá teir varnaðust, at samveldisløgreglan FBI var í hølunum á teimum. Fregnartænastukeldur vilja vera við, at tá FBI fór undir at handtaka útlend- ingar, sum ikki høvdu sítt uppihaldsloyvi í lagi, tók FBI av tilvild nakrar menn, sum skuldu hjálpa bólkin- um við álopinum á kon- gressina. Tá teir í bólkinum frættu, at hjálparmenn teirra vóru tiknir, varð álopið avlýst. Sambært Newsweek veit FBI framvegis ikki, hvørjir teir fongslaðu hjálpar- menninir eru. Síðani 11. september hava ameri- kansku myndugleikarnir fongslað umleið 650 fólk, sum eru undir illgruna fyri at hava havt samband við yvirgangsvirksemi, og John Ashcroft, løgmálaráðharri hevur sagt, at nøkur av teimum tiknu helst hava havt samband við felags- skapin Al-Qaeda hjá bin Laden. Ráðharri hevur eisini sagt, at myndugleikarnir hava umleið 5000 fólk, sum skulu avhoyrast í sambandi við illgruna um altjóða yvirgangsvirksemi. Baskisku loysingar- menninir herða nú ágangin ímóti fronsku myndug- leikunum ÚTLAND Fartekst Eitt brandbumbuálop á húsini hjá einum løgreglu- manni í býnum Ascain har suðuri í Fraklandi um vikuskiftið var uttan iva ein ávarðing um, at baskiski loysingarfelagsskapurin ETA er í ferð við at breiða sítt blóðuga virksemi norð- ur um franska markið. Tilburðurin var ikki tann fyrsti. Fyri nøkrum fáum døgum síðani varð ein løgreglumaður illa særdur í skotbardaga millum limir í ETA og fronsku løgregl- una. Tríggir ETA-limir vórðu tiknir. Bretska blaðið The Guar- dian skrivar, at leiðslan í ETA hevur givið sínum limum í Fraklandi boð um at nýta síni vápn heldur enn at lata seg taka til fanga. Hetta er ein kúvending, tí higartil hava ETA-limir ikki gjørt mótstøðu, tá franska løgreglan hevur handtikið teir. Seinasta mánaðin hevur nýggi politikkurin hjá ETA elvt til tríggjar skotbar- dagar millum ETA-limir og franskar løgreglumenn. Tveir løgreglumenn eru særdir í samanbrestunum. Í Spania hevur harð- skapurin hjá ETA kravt umleið 800 mannalív sein- astu 30 árini. Ætlaðu álop á amerikansku kongressina ETA ger um seg í Fraklandi Løgreglan í Írlandi, Belgia, Týsklandi og Italia er farin undir eina skipaða leiting eftir mannasmugl- arum, eftir at átta flóttafólk vórðu funnin deyð í einari bingju í Írlandi leygardagin. ÚTLAND Fartekst Trý av teimum deyðu vóru børn, tveir fýra og tíggju ára gamlir dreingir og ein tíggju ára gomul genta. Fimm fólk vóru á lívi, og tey vórðu alt fyri eitt løgd inn á sjúkrahús. Írsku læknarnir siga, at tey eru sera illa fyri, men at tað gongur tann rætta vegin. Írski lastbilaførarin, sum koyrdi eina bingju við skrivstovuútgerð úr havnini í býnum Waterford til eitt vinnuøki í býnum Wexford, varnaðist, at onkur bankaði inni í bingjuni. Tá hann lat hurðarnar upp, fann hann átta deyð fólk og fimm, sum enn vóru á lívi. Summi teirra høvdu mist virið. Írsku myndugleikarnir vita ikki, hvaðani fólkini eru, men hildið verður, at tey eru annaðhvørt turkar ella rumenar. Myndug- leikarnir vita heldur ikki, hvar tey eru farin inn í bingjuna. Bingjan við skrivstovuútgerðini varð send úr Milano í Italia við toki tann 30. november til Zeebrügge í Belgia, hagar hon kom seinasta týsdag. Úr Zeebrügge fór bingjan við skipi til Waterford í Írlandi, hagar skipið kom hósdagin. Írsku myndugleikarnir halda, at flóttafólkini hava sníkt seg inn í bingjuna í Belgia, men teir eru eisini sannførdir um, at manna- smuglarar hava skipað fyri. Írski forsætisráðharrin, Bertie Ahern, segði í gjár, at teir seku skulu finnast og revsast. Girðingin ov høg Tilburðurin við teimum trettan flóttafólkunum fekk í gjár flóttafólkamyndug- leikarnar í Írlandi, Bret- landi, Italia og Rumenia at almannakunngera eina felags kunngerð. Í henni stóð m. a., at tær høgu girðingarnar, sum forða fólki atgongd til ES- londini, noyða hesi fólk í hendurnar á mannasmugl- arunum, sum eru full- komiliga líkasælir, tá talan er um mannalív. - Vit biðja tí staðiliga stjórnirnar tryggja, at tey, sum flýggja undan for- fylging, kunnu sleppa higar uttan at noyðast at seta lívið í váða á hendan hátt, stóð at enda í kunngerðini hjá flóttafólkamyndugleikunu m í teimum fýra londunum. Evropeiskt átak ímóti mannasmuglarum Mynd: Reuter Forlag Kirkjuliga Missiónsfelagsins hevur givið út bókina Á ferð í Etiopia eftir Leu Juul ÚTGÁVA Turið Kjølbro Fyri seks árum síðani vitjaði Lea Juul Etiopia. Hon skrivaði dagbók á ferðini og tað er henda dagbókin, sum nú verður givin út sum bók. Dag- bókin hevur eisini staðið í Kirkjuliga Missións- blaðnum. Bókin byrjar 14. mai og endar 22. juni í 1995. Lea Juul skrivar í inn- ganginum, at kristni- boðsarbeiðið, sum Kirkjuliga Missiónsfe- lagið rekur í Etiopia, hevur havt hennara stóra áhuga frá ungum árum av. Hon hevur hoyrt nógv um landið og fólk- ið ígjøgnum Elsu Jacobsen úr Norðragøtu og Doris Heinesen úr Klaksvík, sum hava starvast sum kristniboð- arar harúti. Bókin er at fáa í bók- handlum, og kann eisini keypast beinleiðis frá forlagnum. Bókin kostar 150 krónur. HÚSABYGGING Ingrid Bjarnastein Fyri nakað av tíð síðani var talan um at Høgni Mikkel- sen skuldi byggja nøkur hús í Øksnagerði har gamla bilupphøggingin var fyrr. Tó bar ikki til at byggja beinanvegin av tí at økið var dálkað av olju. Nú er byggingin tó byrj- að og økið rundan um er alt frítt fyri dálking. – Dálkingin spældi væl av, sigur Høgni Mikkelsen. – Tað var ikki so ógvus- ligt, sum tað varð blást upp til at vera. Býráðið stóð fyri at reinsa økið, og alt er nú gravað vekk. Kanningar eru gjørdar og økið er heilt reint. Talan er um 16 raðhús, sum eru umleið 100 m2 hvørt. Høgni sigur sjálvur, at tey verða ongantíð ov skjótt liðug. Øll húsini eru longu umbiðin. Annars liggur ein onnur verkætlan niðri hjá bý- ráðnum í løtuni. Her er tal- an um 62 íbúðir uppi í Berjabrekku. Hendan verk- ætlan er tó ikki góðkend enn. Endamálið við stevnuni er at lýsa førleikar hjá før- oysku KT-vinnuni í dag, og hvussu teir bestu karmarnir fyri eini burðardyggar KT- vinnu kunnu verða skaptir. 19. og 20. apríl í ár 2002 fara Norðurlandahúsið og Útvarpshøllin at hýsa eini stórari KT-stevnu. KT-felagið stendur aftan- fyri stevnuna. Fyrri part- urin av málsetninginum er ætlanin at náa við eini framsýning, meðan seinni parturin skal ætlandi røkk- ast við eini minni ráð- stevnu. Næstan allar KT-fyri- tøkur í Føroyum fara hesar báðar dagarnar at sýna fram tað tær hava at bjóða. Umframt egnar básar, verð- ur eisini møguleiki hjá fyri- tøkunum at gera brúk av einum sokallaður show- rúmi. Nakrar útlendskar fyri- tøkur vera eisini við, og er longu onkur tilsøgnin kom- in frá onkrum av teimum stóru aktørunum á altjóða marknaðinum. Norðurlandahúsið kemur at virka sum framsýningar- høll, meðan Útvarpshøllin verður nýtt til fyrilestrar, har bæði føroyskir og út- lendskir fyrilestrahaldarar koma at greiða frá nøkrum av tí, sum rørir seg innan KT-heimin í dag. Høvuðs- fyrilestrahaldararnir eru út- lendingar, men eisini verða føroyskir fyrilestrahaldarar á skránni. Tann fyrri av teimum báðum døgunum, verður skipaður sum ein Business to Business dagur, har neyðugt verður at melda seg til fyri at vera við. Hesin dagurin hevur eina neyva skrá, og byrjar hann við, at stevnan verður sett, helst av landstýrismannin- um í vinnumálum. Seinni dagurin er al- mennuur, og av tí hann er leygardagur verður roknað við nógvum vitjandi hend- an dagin. Stóra KT-stevnan rundar av við einum stórum galla- kvøldið, og vóna fyrireik- ararnir at hetta kemur at vera ein góð samanumtøka av stevnuni. KT-felagið hevur heitt á Virkisráðgeving Spf úr Runavík, ið samskipaði stóru altjóða fiskivinnu- stevnuna, North Atlantic Fish Fair, um at taka sær av samskipanini í sambandi við hetta átak. -ib ÚTGÁVA Ingrid Bjarnastein Fløgan hjá útisetabólkinum LuciNation kom í gjár í handlarnar kring landið. Hetta er fyrsta fløgan bólk- urin gevur út. LuciNation er mannaður við royndum tónleikarum. Malan Eyð- unsdóttir, Tróndur Bogason Hansen, Torkil Olsen, Jógvan Joensen og Petur Dalsgaard, ið øll hava verið við at mynda føroyska tónleikapallin eru tey, ið eru við í LuciNation. Tón- leikararnir hava spælt við í kendum føroyskum bólk- um, sum til dømis Mark No Limits, Revival, MC-Hár og øðrum. Bólkurin hevur spælt saman síðani 1996 undir ymsum nøvnum, sum til dømis Malan Eyðunsdóttir Band, AfterMath og nú LuciNation. Tá bólkurin hevur spælt til dans í Danmark og Før- oyum hava tey kalla seg Malan Eyðunsdóttir Band, men tá tey hava spælt konsertir við egnum løgum hava tey rópt seg Luci- Nation. Í 1998 vóru tónleikarnir við í kappingini »Emer- genza« har tey komu við til annað umfar, og í ár 2000 vóru tey undir navninum AfterMath, við í kappingini »Amager Spot 2000«. Í tí kappingini kom bólkurin heilt til finaluna, men tíverri eydnaðist teimum ikki at vinna, men gjørdist nummar tvey, sum eisini má sigast vera eitt gott úrslit. Kappingin »Amager Spot 2000« svarar til Prix Føroyar í Føroyum, tó er hon meira umfatandi og fleiri bólkar luttaka. Og var tað eisini henda kappingin, ið gav bólkinum áræði til at fara í holt við at gera eina fløgu – serstak- liga tí donsku áhoyrararnir tóku so væl ímóti tónleik- inum. Bólkurin hevur havt leysar ætlanir um fløgu- útgávu síðani 1998, men í ár valdi bólkurin so at gera álvara av ætlanini. Fløgan er innspæld í nýggjum føroyskum upp- tøkuhøli í Keypmannahavn, har bólkurin 200 og Annika Hoydal eisini hava gjørt og gera upptøkur. Slagið av tónleiki bókurin spælir er ringt at seta í bás. Harður modernaður rockur er helst besta boðið, men hóast hetta »heitið« er tónleik- urin nógv meira umfatandi. Gallarí Oyggin á Tvør- oyri hýsir millum ár og dag mongum listamanni. Hesuferð er túrurin so komin til Palla Julsgart. Palle hevur í hesum døgum listaframsýning í Gallarí Oyggin. At tað stundar móti jólum setir eisini sín serliga dám á listaframsýningina. Møguleiki er at keypa gløgg og holukøkur í Café Art. Framsýningin við Palla verður fram til 31. desember og opið er hvønn dag frá klokkan 15.00 til klokkan 20.00. -ib Í Sosialinum hósdagin stóð at lesa um bøkurnar Bókadeild Føroya Lær- arafelags júst hevur givið út. Har kom av misgáv- um at standa, at Astrid Andreassen var rithøv- undur, og at hon hevði skrivað bókina um Kuffa. Hetta er tó ikki rætt. Rætti rithøvundurin er Brynhild Andreassen. Vit biðja orsaka mis- takið. -ib LuciNation givið út fløgu Útisetabólkurin LuciNation gav í gjár út fløgu Framtíðarvinnan í brennideplinum: Stór KT-Stevna í ár 2002 Úr dagbók Leu í Etiopia Palle Julsgart sýnir fram í Gallarí Oyggin Rætting Høgni Mikkelsen byggir í løtuni 16 raðhús í Øsknagerði í Havn Mynd: Jens Kr. Vang Dálkingin spældi væl av C M Y K 27 26