hósdagur 7. januar 2010síða 10

10 tíðindi Nr. 4 - 7. januar 2010 SamferðSla Snorri Brend snorri@sosialurin.fo Myndir: Jens Kristian Vang Nólsoy: - Jú, vit kunnu gott bíða 1-2 minuttir aftrat!, sigur Mortan Mortensen. Klokkan er farin at nærk- ast átta gjáramorgunin, og skipari og manning umborð á Rituni eru til reiðar at loysa frá landi á Bursatanga klokkan 7:55 eftir galdandi ferðaætlan. Eitt av ferðafólkunum hevur júst heitt á skiparan um at bíða eitt lítið bil aftr- at. Hesin veit nevniliga um eitt annað ferðafólk sum er ávegis, men er seinkað nak- að orsakað av vánaligum koyrilíkindum og nógvari ferðslu. Tænastan hjá manningini umfatar eisini tað at vera lagaligur, og tí er einki óført í tí at bíða hesa stuttu løtuna aftrat. Mortan Mortensen er ann- ars stýrimaður umborð, men nú hin skiparin, Kar- mal Olsen er í feriu, er tað hann sum stendur við róðrið henda morgunin. Hann hev- ur annars siglt við Rituni seinastu seks árini. - Ritan er eitt gott skip, og eg haldi eisini at fólk eru sera glað fyri hana, slær hann fast. Samd Tey sum best kenna til far- leiðina millum høvuðsstaðin og Nólsoynna eru nólsoy- ingarnir sjálvir. Í samrøðu við Sosialin í gjár greiddi eitt av ferða- fólkunum frá fyrimunum og vansum við at hava eitt slíkt strandfaraskip sum Rit- una sum teirra ferðasamband við umheimin. Vígdis Bjarnadóttir úr Nólsoy legði í samrøðuni dent á, at Ritan er bæði óhøglig og ótíðarhóskandi við nógvum larmi og vána- ligari inniluft. Í salongini var so nógvur larmur, at tað var ikki meiri enn at ein hoyrdi mannamál. Samstundis vísti hon á, at tað neyvan fanst eitt meiri álítandi strandfaraskip enn Ritan. Hon kundi sigla í so at siga øllum veðri, og tað var ikki meiri enn tað kom fyri, at hon avlýsti ein túr. - Men vit bíða framvegis eftir teirri endaligu loysnini uppá eitt nýtt skip, sum er skræddarseymað til okkara tørv, legði hon dent á. Í øllum hesum er mann- ingin neyvan ósamd! Í øllum veðri Ritan varð bygd í 1971, og hevur røkt sigling á ymisk- um farleiðum kring landið, bæði til Sandoynna og tey seinnu árini burturav til Nólsoyar. Mortan Mortensen ger púra greitt, at hóast Ritan hevur 39 ár á baki, so er hon eitt sera gott skip. Og, sum hann leggur dent á: - Ritan klárar seg í øllum veðri! Besta tekinið um at so er, er tað at ferðafólkini til eina og hvørja tíð hava kent seg, og framvegis kenna seg trygg umborð á ferjuni. Hóast tað mangan kann vera baldrut um Nólsoyar- fjørð, kemur tað nærum ikki fyri at fráferðir verða avlýstar. Og hetta ger sjálv- andi sítt til, at fólk altíð hava vitað at tey kunnu sleppa til og frá arbeiði. Betri umstøður Høvdu nólsoyingar ikki Rit- una, hevði neyvan borið so væl til hjá teimum at kunna búð í oynni og havt arbeiðs- stað sítt í Havn ella aðra- staðni. Ferðaætlanin hjá Rituni er skipað so, at siglt verður millum fimm og átta ferðir um Nólsoyarfjørð um dag- in, soleiðis at fólk kann sleppa til og frá arbeiði sum teimum lystir. - Jú, eg haldi at nólsoying- um dáma Rituna sera væl. Men eingin ivi er um, at atkomumøguleikarnir kundu verið betri, leggur skiparin dent á. Hann vil tó – sum vera man – ikki úttala seg um politisk viðurskifti í hesum sambandi, men fá munnu vera ósamd við honum í, at umstøðurnar at sleppa umborð og í land kundu verið betri. Bilar og farmur Ikki tí, hesar umstøðurnar eru batnaðar almikið í Nólsoy við teirri rampuni sum nú er komin at standa á bryggjuni. Men framvegis mugu fólk, sum annaðhvørt eru til gongu ella fara í land við barnavogni á Bursatanga í Havn eftir eini smalari og óhøgligari landgongd. Ein annar vansi við hes- um umstøðum er, at til ber ikki at fáa eitt nú bilar flutt- ar við Rituni, eins og fólk við breki ella sjúku ikki sleppa so væl umborð. Tá Ritan siglur um Nóls- oyarfjørð er talan fyri tað mesta um ferðafólk. Men av og á er eisini tørvur á flutningi av farmi. Teir vanligu túrararnar eru ikki stundir til stórvegis lasting av farmi, men fyri at bøta um hesar umstøðurnar eru skipaðir nakrir fastir farmatúrar um vikuna – mánadag, mikudag og fríggjadag. Ritan avlýsir næstan ongatíð Bæði ferðafólk og manning eru á einum máli um, at Ritan er eitt gott skip til farleiðina um Nólsoyarfjørð. Skiparin umborð á Rituni, Mortan Mortensen er samdur í hesum. – Ritan er eitt sera gott sjóskip, slær hann fast ” Eg haldi at nólsoyingum dáma Rituna sera væl. Men eingin ivi er um, at atkomumøguleikarnir kundu verið betri NÓLSOYARLEIÐIN Umstøðurnar í Nólsoy eru batnaðar, nú ein serstakur rampi er gjørdur til ferðafólk sum eru illa gongd ella hava barnavogn við sær Umborð á Rituni er bert tann eina salongin til ferðafólkini. Her hoyrist nærum ikki mannamál fyri larminum frá maskinuni Royndi hópdráp Í USA hevur eitt nevningating gjørt av, at nigeriski maðurin Umar Farouk Abdulmutallab skal ákærast fyri drápsroynd og hópdrápsroynd, tí hann royndi at spreingja eitt amerikanskt ferðamannaflogfar uppi yvir býnum Detroit jóladag. Upprunaliga varð tann 23 ára gamli maðurin ákærdur fyri at hava roynt at spreingja flogfarið í luftina, men nevningatingið broytti ákæruna, so hon nú umfatar bæði drápsroynd og hópdrápsroynd. Málið hevur fingið nógva umrøðu í USA, og Barack Obama, forseti, hevur kravt, at eftirlitið verður hert, so at tílíkt ikki skal henda aftur.