fríggjadagur 8. januar 2010síða 26

nr. 5 · 8. januar 2010 10 VIKUSKIFTI Til arbeiðis Eirikur í Jákupsstovu eij@sosialurin.fo Bipparin hjá Osvaldi Schiller Johansson er farin í gongd. Hann veit ikki enn hvørji boðini eru, men hann er greiðir yvir, at tað er eitt álvarsmál. Tað er óljóð har brandmaðurin er, og tí hoyrir hann ikki, hvat bipparin sig ur. Hinvegin er hann veit hann, at hann skal vera uppi á støðini um fimm min uttir. Osvald nærum loypur út í bilin, setir í gongd og spælir boðini av bipparanum aftur. So koma boðini: Tað er ein ferðslu­ vanlukka, har trý fólk sita føst í einum bili, sum er farin út av vegnum í Kald­ baksbotni. Tey eru lutfalsliga væl fyri. Tað lætnar fyri sløkkiliðs mann inum. – Eg taki altíð svørtu málinga spann­ ina fram, tá boð koma yvir bipparan, greiðir Osvald Schiller Johansson frá. Á støðini fara menninir í myrkabláu og gulu draktirnar. Reyðu bilarnir fara blunkandi av­ stað við bláu ljósunum og larmandi sirenum. Stutt eftir koma sløkkiliðsfólkini á staðið. Fólkini verða klipt úr bilinum við stóru tongini og verða bjargað. 60 reyð uppkall Líknandi støður – sum omanfyri nevnda – koma fyri umleið 60 ferðir ár liga. Tá ringir reyða telefonin og sløkk iliðs fólkini, sum ikki longu eru á støð ini verða í skundi boðsend. Men soleiðis er ikki í dag. Í dag er ongin svørt málingaspann. Vit sita nevniliga inni í kaffistovuni á brandstøðini í Havn, og menninir sita róligir og eta nýbakaðu av skonsunum, sum brandmenninir sjálvir hava bakað. Millum menninar er Osvald Schiller Johansson. Hann skal beint nú út við MBF bilinum, tí fólk av Virkni í Berja­ brekku skulu oman í SMS. Vit fara spakuliga út í reyða mini­ bussin. – Vit gera so øgiliga nógv ymiskt. Eg havi enntá tikið ein kettling úr ein um instrumentbrettið á einum bili einaferð, sigur brandmaðurin og peik ar á kilometurvísaran í rúmliga bil inum, meðan vit koyra oman eftir Oyggjar­ vegnum. – Eg plagi eisini at siga tað. Veitst tú ikki hvar tú skalt ringja, ring so til brandstøðina, tí vit kunnu taka okkum av tí mesta, flennir sløkkiliðs­ maðurin. Blíva kyniskir Men lívið sum brandmaður er ikki bara at bjarga kettlingum, koyra fólk við breki og at hjálpa gomlum fólki á føt ur. Tað eru eisini hendingar, sum upp á seg eru nógv meiri álvarsligar, og tá verða sløkkiliðsfólkini bjóðað av. – Vit koma eisini út til vanlukkur, og tá vit eru farnir í gongd er ein ávís kynisma. Vit loysa bara uppgávuna, og eg minnist eisini eina ferðsluvanlukku, har eg fann kjøtpettir, sum ongin annar hevði sæð. Tá segði eg tað bara við portør ararnar og so tóku teir eisini tey pettini við, greiðir sløkkiliðsmaðurin í 19 ár frá. Flenna tað burtur Men tað eru ávísar uppgávur, sum hóast alt nerva sløkkiliðsmannin. Tað er ser liga, tá yngri fólk eru við. – Tað ljóðar eitt sindur løgið, men eru tað fólk, sum eru yngri enn eg, sum eru úti fyri vanlukku, so er tað nógv verri, fortelur Osvald. Hann leggur afturat, at ávísar hend­ ingar við smáum børnum hava havt við sær, at sløkkiliðsmenninir hava fingið sálarliga fyrstuhjálp. – Men hinvegin haldi eg, at vit brandmenn duga rættiliga at flenna hendingar burtur, sigur sløkkiliðs­ maðurin álvarsligum brá, beint áðrenn hann fer út úr bilinum at hjálpa fólk­ unum í koyristóli inn í bilin. – Nú hopi eg, at onkur av tykkum keyp ir mær bomm, tí annars komi eg ikki aftur eftir tykkum, staðfestir Osvald flennandi. – Ja, ja. Kanska fært tú, suffar ein av monnunum á Virkni, áðrenn tey fara út úr bilinum. Síðan 1991 hevur Osvald schillEr JOhanssOn verið sløkkiliðsmaður í havn. í heSi tíðini, har eiSini Stórar vanlukkur, hevur brandmaðurin funnið útav einum: – veitSt tú ikki, hvar tú Skalt ringja, ring So til brandstøðina, tí vit kunnu taka okkum av tí meSta, greiðir hann millum annað frá um Sítt fjølbroytta arbeiði Ring til brandstøðina 46 ára gamli Osvald Schiller Johansson minnist, at hann nærum altíð hevur ynskt at vera sløkkiliðsmaður. – Fyrr var tað, tí tað var eitt spennandi starv, men nú er tað meira fyri at hjálpa fólki, sigur hann myndir: álvur Haraldsen til arbeIðIs navn: Osvald Schiller Johansson arbeiðspláss: Brandstøðin í Havn starv: Sløkkiliðsmaður besta við starvinum: At tað er fjølbroytt. Alt frá at hjálpa gomlum fólkum, sum er dottin heima, til at fara út til stórar vanlukkur ringasta við starvinum: At koma til vanlukkur við ungum fólkum størsti dreymur við starvi: Tað dugi eg ikki at siga. Vit hava tað so gott størsta frambrot: Dugi eg ikki at siga starvstíð: 19 ár Lívsstarv: Ja starvsfólk: 20 við mekanikarum og eini 20 partíðarbrandfólk sett á stovn: 1. oktobur 1933 staður: Oyggjarvegur 34 stjóri: Kartni Jacobsen fakta osvaLd