mikudagur 13. januar 2010síða 7

7 tíðindi Nr. 8 - 13. januar 2010 Higartil hava fyritøk­ urnar, ið hava størsta partin av føroyska marknaðinum við bjargingarútgerð, selt øll trý sløgini av bjargingarringum, sum kunnu søkka. Men nú upplýsa stjórin á Gummi­ bátatænastuni og stjórin á Fønix, at teir í framtíðini ikki fara at selja ivasomum merkini Bjargingarringar Eirikur í Jákupsstovu eij@sosialurin.fo Tað hevur verið gjørligt at keypa bjargingarringar av ivasomu merkjunum Eval, Perrybuoy og Altura – sum í Svøríki eru staðfestir at kunna søkka – frá fyritøkun­ um, sum selja mest bjarg­ ingarútgerð í Føroyum. Men soleiðis verður ikki í framtíðini. Fønix hevur millum onn­ ur selt merkini Perrybuoy úr Onglandi og Altura úr Italia, men sambært stjóranum fer hetta ikki at halda fram. – Vit hava til samans tríggjar ringar eftir av hes­ um sløgunum, og eru í veru­ leikanum longu skiftir til merkið Lalizas, sum ongin feilur er funnin við, stað­ festir Alfred Hummeland, stjóri og eigari á Fønix. Støðan er tann sama hjá Gummibátatænastuni. Teir hava selt nakrar ring­ ar av merkinum Eval, men Dánjal Jóhan Thomsen, stjóri á Gummibátatænast­ uni sigur seg sjálvandi ikki vilja selja ringar við feilum. – Vit selja nógv mest av ringunum, sum eita Viking, og tí fara vit at halda fram við, sigur stjórin á Gummi­ bátatænastuni. Taka ringar inn Í gjár fekk Alfred Humme­ land bræv frá Valeria San Giorgio í Italia, sum gera Altura ringarnar. Í brævinum stendur, at fær fyritøkan defektar ring­ ar aftur, sum serliga eru framleiddir í januar 2004, so verða teir endurgoldnir, tí fyritøkan vil ikki hava fleiri feilir at henda, og ann­ ars greiðir brævið frá, hvussu ringarnir skulu hand­ farast, so teir halda so væl sum gjørligt. – Eg havi enn ikki fingið nakað bræv um Perrybuoy, so vit fáa at síggja, hvussu teir gera, sigur Alfred Hummeland. Hann leggur afturat, at hann er um at senda bræv út til allar sínar kundar, um hvussu teir kunnu fyrihalda seg við hendan trupulleikan, sum sær út til at vera. Hjá gummibátatænastuni verða eisini tiltøk sett í verk. – Vit hava bara selt 12 ringar av slagnum Eval, og nú fara vit at taka teir allar inn til kanningar, sigur Dánj­ al Jóhan Thomsen, sum er um at geva hesi boðini út til teir ymisku kundarnar. Skift ringar út Hóast tað ikki var fyrr enn mánadagin, at tað kom alment fram í Føroyum, at feilir eru í ávísum sløgum av bjargingarringum, so hava partar av skipavinnuni verið greiðir yvir ivasomu ringarnar í eina tíð og hava tikið avleiðingarnar av tí. – Vit hava dømi um skip, sum longu hava skift allar ringarnar umborð út, sigur Alfred Hummeland. Ein einfaldur feilur Báðir stjórarnir á fyritøkum, sum selja bjargingarútgerð, staðfesta, at tað ikki er nógv at halda um hetta mál. – Tað er ikki óvanligt í øðr­ um vinnum, sum til dømis í matvøruvinnuni, at ávís mis­ tøk henda framleiðsluni. – Hetta er eftir øllum at døma ein einfaldur produk­ tiónsfeilur, og tí er tað bara gott, at tað verður uppdagað, sigur Dánjal Jóhan Thom­ sen. Alfred Hummeland á Føn­ ix sigur, at tað er eitt øgiliga lítið tal av ringum, sum feilur er í, men at avleiðingar sjálvandi mugu takast. 400 krónur Ein bjargingarringur kostar vanliga einar 400 krónur uttan meirvirðisgjald, so tað er ikki tann størsta íløg­ an at broyta bjargingar­ ringar, sambært stjórunum á Fønix og á Gummibáta­ tænastuni. Gevast at selja ivasom merki Ivasomu merkini Tað eru trý merki av bjargingarringum, sum tað í Svøríki er funnið fram til, at tað er møguleiki fyri at teir søkka, tí skúmið inni í ringunum tódnar. Merkini eru: Altura úr Italia. Eval úr Grikkalandi. Perrybuoy úr Onglandi. Smyril sent ringar til kanningar Bogi Mortensen, stjóri á Strandfaraskipum Landsins, staðfesti á Rás2 í gjár, at skriv er sent til avvarðandi myndugleikar, um at fáa greiðu á, hvussu støðan er við ringunum umborð á Smyrli, eftir at Sosialurin mánadagin avdúkaði, at ringarnir umborð eru av merkinum Eval, sum í Svøríki er funnið fram til at kunna søkka, tá teir skulu brúkast. Málið hevur á Álandi millum annað havt við sær, at Viking Line hevur skift ein triðing av øllum sínum ringum til annað merki. Merkið eitur Eval Í Sosialinum mánadagin stóð skrivað, at merkið úr Grikkalandi, sum Smyril hevur umborð er av merkinum Aval, men hetta er ikki heilt rætt, tí ein stavur er komin skeivt fyri í bjargingar­ ringunum Eval úr Grikkalandi. Sak um Madeleine Dómsvaldið í Portugal er farið undir at viðgera eitt rættarmál ímóti fyrrverandi løgregluyvirmanninum Goncado Amaral, sum hevur skrivað eina bók um málið, tá enska gentan Madeleine McCann hvarv í Portugal. Í bókini skrivar høvundurin, at Madeleine doyði, og at foreldrini beindu hana burtur. Foreldrini avsanna skuldsetingina, og tey hava kravt fleiri milliónir sterlingpund í endurgjaldi fyri ærumeiðing. Tey hava sagt, at endurgjaldið skal brúkast til at halda fram við leitingini eftir Madeleine, skrivar Reuters. Campbell í hoyring Alastair Campbell, sum var ráðgevi hjá fyrrverandi bretska forsætisráðharranum Tony Blair, segði í einari hoyring í London í gjár, at eins og George W. Bush, forseti, vildi Blair hava Saddam Hussein úr forsetaembætinum í Irak. Hann legði tó afturat, at Blair ætlaði sær ikki at leypa á Irak í óðum verkum fyri at fáa Saddam av vegnum. Í hoyringini segði Campbell, at eftir hansara tykki eiga bretar bretar at vera stoltir av, at teir vóru við til fáa stjórnarskifti í Irak. Alastair Campbell var samskiftisráðgevi hjá Tony Blair frá 1994 til 2003 og hevði stóra ávirkan á frágreiðingina um tey iraksku hópoyðingarvápnini, sum vístu seg ikki at vera til. Mánadagin avdúkaði Sosialurin, at fleiri skip í Føroyska flotanum hava bjargingarringar av merkjum, sum eru avdúkað, at kunna søkka. Í dag kunnu vit staðfesta, at ivasomu merkini higartil hava verið seld av størstu veitarunum av trygdarútgerð, men nú fara teir báði at gevast við hesum