fríggjadagur 15. januar 2010síða 12

nr. 10 · 15. januar 2010 12 VIKUSKIFTI Hvat er tað fyrsta tú minnist? Eg minnist millum annað, tá fyrsta elperan tendraði á Kjalnesi í 1953. Hvat minnist tú best frá skúlatíðini? At vit roknaðu fer- og rúmrøtur við hond í barna- skúlanum í Kolla firði hjá Djurholmi. Hvussu ert tú sum bilførari? Eg eri ein góður bilførari, sum stundum hevur skund. Hvat ger teg bangnan? Lívshóttandi støður. Hvussu nógv tjenar tú um mánaðin? Umleið 40.000 krónur. Hvør er tín yndisdessert? Har eru fleiri. Men sitrónfromasja er serliga góð. Hvar/nær hevði tú viljað verið ein fluga á vegginum? Nei, eg havi onki ynski tann vegin. Fortel um tín fyrsta muss: Hann fekk eg frá mammu míni 9. juli 1950. Hvat sigur tú, tá næmingar verða sendir inn til stjóran? Eg sigi teimum orsøkina til prátið og lurti væl eftir teirra frágreiðingum. Orðaskifti og avtali við teir um veruleikakent mennandi framhald í skúlagongdini. Hvat er flóvisligt? At verða mintur á tað sjálvsagda. Hava tú og frúan felagsøkonomi? Ja. Hvør jólakaramella er best? Tær í blákollutu bjálvingini. Hvørjum hevur tú ein veikleika fyri? Góðum mati og strongdum støðum. Hvat ert tú glaðast fyri, við tíni egnu útsjónd? Nøgdur við heildarstøðuna. Hvør núlivandi føroyingur er ordiliga kulur? Kulur - so meinar tú ung fólk, giti eg. Kundi nevnt fleiri av okkara næmingum, men taki kortini tveir burturúr fyri serliga djúphugsið, dúgligt og miðvíst arbeiði: Helgi Ziska, altjóða meistari í talvi, og Mattias Kapnas, klaversnillingur, sum báðir tóku víðkað fólkaskúlaprógv í Kommunuskúlanum í 2007. Hanus Joensen, skúlastJóri Skúlastjórin, sum elskar sitrónfromasju lagt tIl rættIs: Rigmor Dam Fakta hanus joensen Navn: Hanus Joensen Aldur: 59 ár Heimstaður: Tórshavn Yrki: Skúlastjóri Familja: Giftur við Brynhild Mohr Joensen, og børnini eru Anna Mohr Holm, Heini Hanusarson og Tummas Pauli Hanusarson. mynd: JENs KrisTiAN vANG