týsdagur 19. januar 2010síða 9

9 tíðindi Nr. 12 - 19. januar 2010 Mladic er í Serbia Amerikanski diplomaturin Raffi Gregorian, sum er altjóða umboðsmaður í Bosnia-Herse- govina, vil vera við, at tann eftirlýsti bosnia- serbiski generalurin Ratko Mladic fjalir seg í Serbia. Raffi Gregorian sigur við bosnisku tíðindastovuna FENA, at Mladic fær hjálp frá vinum og kenningum til at fjala seg. Serbiska stjórnin hevur fleiri ferðir sagt, at hon veit ikki, hvar Ratko Mladic er. Krígsbrotsmannadómstólurin fyri gamla Jugoslavia hevur skuldsett fyrrverandi generalin fyri fólkamorð og brotsverk ímóti mannaættini í borgarakrígnum í Bosnia frá 1992 til 1995 og krevur at fáa hann útflýggjaðan. Fleiri jarðskjálvtar Bara átta dagar aftan á jarðskjálvtan í Haiti hava tríggir jarðskjálvtar afturat verið á vestaru jarðarhálvu. Í gjárkvøldið var ein jarðskjálvti við kyrrahavsstrondina í miðamerikanska landinum Guatemala. Hann var 6,0 á Richter-stiganum, men skaði var eingin, skrivar AP. Nakrar tímar frammanundan skrásetti jarðfrøðistovnurin í Argentina ein jarðskjálvta í Andesfjøllunum. Hann var 5,5 á Richter-stiganum, men heldur ikki haðani er frætt um nakran skaða. Fyrradagin skrásetti argentinski jarðfrøðistovnurin ein jarðskjálvta undir havbotninum úti fyri eystur- strondini. Hann var 6,3 á Richter-stiganum, men gjørdi ongan skaða. Toskur er vorðin ein alsamt veksandi partur av inntøk­ unum hjá føroyska heimaflotanum. Hetta vísa sølutølini hjá Fiskamarknaði Føroya Fiskasølur Vilmund Jacobsen vilmund@sosialurin.fo Fiskamarknaður Føroya seldi í gjár 192 tons av fiski fyri slakar 2,8 miljónir krónur. Helvtin av øllum nøgdun- um - ella eini 100 tons - var toskur, sum fór fyri slakar 2 miljónir krónur tilsamans. Sølan í gjár vísir, at tó at toskur var helvtin av saml- aðu nøgdunum, stóð toskur- in fyri meiri enn tveimum triðingum av samlaða sølu- virðinum. 36 tons vóru av toski 2, sum fór fyri miðalprísin 25 krónur og 30 oyru - og 38 tons vóru av toski 3, sum fekk miðalprísin 14 krónur og 98 oyru fyri kilo. Næst størstu nøgdirnar á Fiskamarknaði Føroya í gjár vóru hýsa. Talan var um eini 35 tons, og miðal- prísurin á bestu hýsuni var 9 krónur og 46 oyru. Eini 20 tons vóru av brosmu, sum lá upp ímóti 9 krónum fyri kilo, og eini 13 tons vóru av longu, har besti miðalprísurin var 14 krónur og 38 oyru fyri kilo. Toskur stendur fyri stórum parti av søluvirðinum Samlaða sølan á Fiskamarknaði Føroya í gjár gav slakar 2,8 miljónir krónur. Ein stórur helmingur av seldu nøgdini var toskur, sum stóð fyri meiri enn tveimum triðingum av søluvirðinum ­ Tjóðin savnast undir flagginum, og Merkið er ímyndin av tjóðini ­ í gleði eins væl og í sorg. Tí er hetta eitt av teimum málum, sum eg gleðist mest um í míni tíð sum løgtingsmaður, sigur Kári P. Højgaard Merkið Vilmund Jacobsen vilmund@sosialurin.fo Í dag hongur føroyska flagg- ið fyri fyrstu ferð í tingsalin- um, eftir at løgtingið í heyst við teprum meiriluta sam- tykti, at Merkið skal hava sítt pláss á tingi. Tað var Sjálvsstýrisflokk- urin, sum 3. august í fjør legði uppskot til samtyktar fyri løgtingið um at fáa flaggið í tingsalin. Nógv umrøða var av hes- um máli, men við teprum meiriluta samtykti løgtingið umsíðir, at Merkið skal hava sítt pláss í tingsalinum. Fegin formaður Kári P. Højgaard, formaður í Sjálvstýrisflokkinum, sig- ur, at hetta er eitt mál, sum hann gleðist eina mest um í síni tíð sum løgtingsmaður. - Hini londini í útnorði, Ísland og Grønland, hava síni fløgg í tingsalinum, og í mínari verð er tað ófatiligt, at tað skal hava gingið so striltið at fáa okkara Merkið í tingsalin, sigur hann. Kári P. Højgaard vísir á, at tjóðin savnast undir flagg- inum, og Merkið er ímyndin av tjóðini - í gleði eins væl og í sorg. - Eg eri sera fegin um, at Merkið nú er komið í ting- salin, og hetta mál vísir, at tað kann geva úrslit at stríð- ast, sigur formaður Sjálvs- stýrisfloksins. Blankt Tjóðveldi Atkvøðugreiðslan á Føroya løgtingi vísir, at eingin av tinglimum Tjóðveldisins við endaligu atkvøðugreiðsluna atkvøddi fyri uppskotinum um at fáa Merkið í tingsalin. Kári P. Højgaard hevur ikki hug at gera viðmerking- ar til tepru samtyktina, men fegnast heldur um, at Merkið nú hongur í tingsalinum. - Skal flaggið úr aftur tingsalinum, má ein nýggj løgtingssamtykt taka støðu til tað, leggur formaður Sjálvsstýrisfloksins aftrat. Merkið hevur nú heiðurs­ pláss á Føroya løgtingi Fiskiveiða Vilmund Jacobsen vilmund@sosialurin.fo Landsstýrismaðurin í fiski- vinnumálum, Jacob Vester- gaard, segði í útvarpinum hjá Kringvarpinum í morg- un, at fiskiskapurin undir Føroyum er burðardyggur, og at vit tí saman eiga at lata útlendsku fiskakeypar- arnar vita hetta, so føroysk- ar fiskavørur ikki verða boykottaðar, eins og vit hava sæð tað við føroyskari hýsu á bretska marknaðin- um seinastu tíðina. Landsstýrismaðurin segði, at føroyska fiskiveið- iskipanin er burðardygg, og at vit tí kunnu lata útlendingar vita, at vit ikki niðurfiska fiskastovnarnar meiri, enn ráðiligt er. - Fiskiveiða hevur altíð verið skiftandi. Tað vísa fiskiveiðihagtøl langt aft- ur í tíðina. Jacob Vestergaard segði, at lond uttan um okkum eisini hava merkt sær, at fiskiveiðan er skiftandi, tó at tey kanska hava fylgt fiskifrøðiligari ráðgeving í enn størri mun enn før- oyingar. - Eg haldi ikki, at roynd- irnar aðrastaðni hava víst, at tað ber til at goyma fisk, sum hann tók til. Løgtingsmaðurin, Kári P. Højgaard, hevur sett lands- stýrismanninum í fiski- vinnumálum, Jacobi Vester- gaard, munnligan fyrispurn- ing um, hvat landsstýrið ætlar at gera, nú føroysk hýsuframleiðsla verður boy- kottað í Bretlandi. Spurningarnir hjá løg- tingsmanninum eru tríggir í tali. Í fyrsta lagi vil Kári P. Højgaard hava at vita, hvørji stig politiski mynd- ugleikin saman við vinn- uni higartil hevur tikið til tess at kunna útlendskar keyparar av føroyskum fiskavørum, at vit fiska burðardygt. Í øðrum lagi spyr hann, um landsstýrismaðurin veit, hví hýsa, sum verður veidd undir Føroyum, verður boykottað, sam- stundis sum hýsa veidd undir Íslandi, verður rokn- að sum burðardygg, tó at hýsa undan Íslandi ikki hevur góðkenning. Í triðja og seinasta lagi spyr Kári P. Højgaard, hvørji stig landsstýrismað- urin fer at taka til tess at samskipa vitanina og frøðina á sjógvi og landi, so tilmælini til politisku skipanina eru greið – og at vit saman úteftir marknað- arføra eina burðardygga fiskiveiði. Á tingfundi í morgin skal landsstýrismaðurin, Jacob Vestergaard, svara løgtings- manninum, Kára P. Højgaard. Okkara fiskiveiða er burðardygg Nú hongur føroyska Merkið á løgtingi, eins og merkini gera hjá hinum báðum londunum í útnorði, Íslandi og Grønlandi Mynd: Kári P. Højgaard