týsdagur 19. januar 2010síða 14

14 Nr. 12 - 19. januar 2010 Stýrið fyri Kringvarp Føroya Att: Rúni Heinesen, formaður Tíðindadeildin í Kring­ varpinum fekk mikudagin 13. januar svar frá stýris­ formanninum, Rúna Heine­ sen. Í stuttum er svarið, at stýrið havnar ynski okkara um at fáa í lag ein fund við stýrisformannin. Vit á tíðindadeildini hava tó framvegis ta fatan, at tað er týdningarmikið, at vit fáa greitt stýrinum frá okkara síðu av sakini. Rúni Heinesen vísir í svarinum til tíðindadeildina á, at málið um játtanina til tíðindadeildina verður á skrá á fyrstkomandi stýris­ fundi. Tað fegnast vit sjálv­ sagt um, men í kæruni til stýrisformannin um stjór­ an, Anniku Mittún Jacob­ sen, staðfestir tíðindadeild­ in, at stjórin hevur ikki neyðugu førleikarnar at meta um, hvussu tíðinda­ deildin skal rekast á ein fakliga forsvarligan hátt og í samsvari við kringvarps­ lógina og fjølmiðlaábyrgd­ arlógina. Skal stýrið fáa eina full­ fíggjaða mynd av hesum máli, mugu tit hoyra báðar partar. Kjarnin í málinum er sum kunnugt, at stjórin heldur, at til ber at halda fram við verandi fram­ leiðslu fyri uppskotna fíggjarkarmin, meðan vit sum fakfólk staðiliga ávara ímóti hesum, tí at úrslitið verður fakliga og menni­ skjansliga óforsvarligt. Hoyra tit í stýrinum bert stjóran, fáa tit bert innlit í ta einu síðuna av málinum. Vandi er fyri, at stýrið og stjórin kunnu taka avgerðir, ið eru illa grundaðar og sum sostatt koma aftur um aftur. Vit á tíðindadeildini hava ilt við at skilja, at tit ikki vilja taka ímóti slíkari upplýsing. Stýrið hevur sambært §5 í lógini um kringvarp yvir­ skipaðu ábyrgdina av Kring­ varpinum. Tað er okkara metan, at stýrið kann bróta sínar skyldur við ikki at lurta eftir fakligu vitanini á tíðindadeildini. Tískil halda vit tað eina­ sta rætta vera, at stýrisfor­ maðurin kemur á fund við tíðindadeildina í Kring­ varpinum. Rúni Heinesen vísir á í svarinum til tíðindadeild­ ina: “…at stýrisformaðurin hevur fund við ávísar starvsfólkabólkar uttan um dagligu leiðsluna á stovn­ inum, er ikki nøkur gongd leið og ei heldur í tráð við ásetingarnar í kringvarps­ lógini.” Til hetta er at siga, at starvsfólkið á tíðindadeild­ ini er ikki bara ein ávísur starvsfólkabólkur. Starvs­ fólkið á tíðindadeildini er beinleiðis nevnt í lógini um kringvarp. Tað er eitt krav, at tað altíð eru tvær tíðindaeindir á stovninum og haraftrat eru journalist­ iskir førleikar nevndir í sambandi við starvssetanir á tíðindadeildini. Hetta eru júst somu førleikar og sakkunnleiki, sum stjórin nú velur at forkasta. Í triðja lagi vísir Rúni Heinesen á, at tað er ein ósiður, at stýrisformaðurin fer uttan um dagligu leiðsl­ una. Starvsfólkið á tíðinda­ deildini hevur verið á fundi við Anniku Mittún Jacob­ sen um hesi viðurskifti. Vit hava greitt henni frá okk­ ara sjónarmiðum, so vit hava einki at goyma. Orða­ skiftið kann verða skert, um stjórin er til staðar, men um tað er eitt krav, so kunnu vit ganga við til, at Annika Mittún Jacobsen er til staðar á fundinum við stýrisformannin. Við hesum vilja vit heita á stýrisformannin um at umhugsa støðuna einaferð enn. Tíðindadeildin í Kringvarpinum Tað er neyðugt at koma á fund við tíðindadeildina Í samband við tíðindini at ísraelska stjórnin hevur tikið avgerð um at gera múr fram við egyptiska markin­ um við havnarbýin Elat og fram við markinum við Gaza, fekk hetta teknaran av »Aktuella horninum« at gera eina antijødiska tekn­ ing í Dimmalætting 12. januar. Eg átali hesa tekning og serstakliga tekstin til tekningina, sum er ein efturgjørd láturgering av niðrandi tekstinum yvir eina ta herviligastu av týningar­ legum nazista, sum undir seinna heimsbardaga drópu 6 milliónir jødar, av teimum hálvonnur millión børn. Tvær ferðir havi eg vitjað Auschwitz­týningarleguna í Póllandi og kenni enn kulda­ gjóstur fara gjøgnum mønu og merg bert við hugsanina um hesi stræti og hesar lonir deyðans. Láturgeran stríði Ísraels ímóti yvirgangi Ein slík tekning er eisini láturgeran av stríði Ísraels ímóti yvirgangi og sjálv­ morðsbumbufólki, sum islamistar royna at senda inn um landamark Ísraels – ein­ ans fyri at drepa tey, ið fyri eru. Múrurin, sum ísraels­ menn hava kent seg noyddar at byggja, og nú fara at gera við Reyðahavsstrond Elats og við Gaza, er einans fyri at verja sínar borgarar. Júst hesin múrur, sum bygdur er við Judea og Samaria, hevur víst seg at vera ein sera virkin forðan av yvirgangsat­ sóknum inn í Ísrael. Vildu drepa blaðteknaran hjá danska blaðnum »Jyllandsposten« við øks Undirteksturin í tekningini, at Ísrael við hesum múri avbyrgir seg frá umheimin­ um er leyst tos og hevur einki við veruleikan av gera. Ísrael avbyrgir seg frá yvirgangsfólki og heila­ vaskaðum islamistum, sum teimum, ið rændu flogfør­ ini í Amerika í 2001 og rendu tey inn í høgu bygn­ ingarnar í New York og drópu 3000 sakleys fólk við køldum blóði, og hvørs drápslið reika kring heimin at drepa so mong ósek sum gjørligt, og sum herfyri vildu drepa blaðteknaran hjá danska blaðnum »Jyllandsposten« við øks. Ferðafólk kenna seg tryggari í Ísrael enn øðr­ um londum í miðeystri Einki annað land er so opið mótvegis útheiminum sum Ísrael, sum hevur samvinnu við øll heimsins lond. Ísrael er helst heimsins fremsti framleiðari og útflytari av framkomnari tøkni til allan heimin, umframt alt tað, ið hevur við landbúnaðarfram­ leiðslu og nógv annað at gera. Fá onnur lond taka árliga ímóti so nógvum milliónum av ferðafólki sum Ísrael, og vit ferðafólk kenna okkum tryggari í Ísrael enn í nøkrum øðrum landi í heimi­ num, júst vegna átøk síni móti yvirgangi. Ísrael millum tey fyrstu londini at senda hjálp til Haiti Sama dag, sum jarðskjálvt­ in var í Haiti, sendi Ísrael eitt úrvalslið av 200 bjarg­ ingar­ og hjálparfólki við 64 av heimsins fremstu lækn­ um, sjúkrarøktarfrøðingum og serfrøðingum í bjarging­ artøkni til hetta vanlukku­ stadda landið. Hesi settu eftir eini løtu upp eitt sjúkra­ hús, ið kundi taka 500 særd til viðgerðar. Samstundis hevur Ísrael fluttin hópin av mati og aðrar neyðsynjar­ útgerð til Haiti. Mánadagin frættist av Haiti, at ísraelska hjálparliðið hendan dagin hevði bjargað 8 lesandi úr toftunum av einum niður­ rapaðum skúla. Ísraelskir tónleikarar í heimsflokki í Norður­ landahúsinum Í seinastu viku vóru trý tónleikafólk úr Ísrael og framførdu tónleik ymsa­ staðni kring landið. Eg var í Norðurlandahúsinum og lurtaði eftir hesum úrmæl­ ingum. Ongantíð í lívi mínum havi eg hoyrt so vakurt framførdan klaver­, cello­, og fióltónleik. Tað var eins og eitt stórt orkest­ ur, ið fylti Norðurlanda­ húsið upp í tróðrið og út í hvørja sprungu úti undir vaðingini. Vit áhoyrarar sótu sum negldir í gólvið og bergtiknir inn at sálini. Hesir jødisku tónleikaúr­ mælingar vóru russiskir jødar, ið vóru komnir til Ísrael fyrst í 1990­unum – tríggir av eini heilari milli­ ón av jødum, sum eru fluttir úr fyrrverandi Sovjettsam­ veldinum seinastu 20 árini – og sum Ísrael hevur tikið ímóti við opnum ørmum og opnum landamørkum. Nei, Ísrael avbyrgir seg ikki, men er eitt fyrimyndarliga opið land – einasta veruliga opna landið í Miðeystri. Um skemtiteknarin hjá Dimmalætting bert hevði havt sovið eina nátt í suður­ ísraelska býnum Sderot, har islamisku Hamas­rekettirnar hava regnað oman yvir býin í mong ár til dagin í dag, hevði hann neyvan teknað hesa tekning. Hann kann tekna niðrandi tekningar um Ísrael, uttan at tað fær avleiðingar fyri hann ella húsfólk hansara, men hevði hann teknað eina líknandi tekning um pro­ fetin Mohammed, veit allur heimurin, hvørjar avleiðing­ ar hetta hevði fingið. Jødafíggindalig tekning í »aktuella horninum« í Dimmalætting Svenning av Lofti Hvør man ætlanin verða við farleið­ ini um Nólsoyarfjørð? Skal tað vera talan um eykaskip, ið verður tikið úr sigling okkara, tá ið Sam, Teistin, Smyril ella onnur skip hava teknist brek ella skulu til sýn? Nú Ternan verður sett í stand, er vert at hava í huga at hetta er fyri­ bilsloysn, ið SSL og landsstýris­ maðurin seta í verk, soleiðis, at Strandferðslan hevur eykaskip tøkt, tá ið á stendur. Tí er alneyðugt at arbeiða áfram við nýggjum skipi at røkja farleið­ ina um Nólsoyarfjørð. Skip, ið kann tryggja sambandið og skumpa undir at stig verða tikin, soleiðis at fólk støðast og soleiðis at fólk flyta til Nólsoyar. Tá krevst eisini at hugsað verður um húsasølu og húsabygg­ ing, men sambandið hevur sín av­ gjørda týdning óansæð um bankar veita trygd og lán at keypa/byggja hús. Lat okkum sláa rimmar fast (ella fáa opið svar her og nú), at hetta at seta Ternuna í stand, er ikki bert fyri at nøkta tørvin um Nólsoyar­ fjørð. Sjálvsagt er talan um, at Strandferðslan fær sær loyvt eyka­ skip, samstundis sum møguleiki er at selja Ternuna, um onkur liggur framvið ­ men so stendur felagið við ongum eykaskipið. Tað er sjálvsagt, at hetta at seta Ternuna í stand er røtt avgerð: Strandferðslan má hava eykaskip at seta inn fyri Sam og Teistan, og tað eykaskipið skal ikki verða álitið um Nólsoyarfjørð! Hetta at flyta eina manning av Teistanum umborð á Ternuna, er ikki fyri at betra um farleiðina um Nólsoyarfjørð ­ men tað er betri at seta manningina á hesa farleið, enn at siga teir úr starvi. Hvør veit, kanska finnur SSL eina "felags manningarætlan"? Sjálvsagt ynskja nólsoyingar at fáa møguleikan at taka bilin við sær, eins væl og møguleiki skal vera at flyta farm og byggitilfar til Nólsoyar. Tunga takið at flyta líkbil og sjúk er sjálvsagt eisini avger­ andi. Men taka vit orkuprát og rusksavning, so er hetta eisini lutur, ið kann og skal loysast, tá ið nøktandi skip røkir farleiðina. Alt í alt, er avgerandi, at farleiðin er tryggjað við møguleikanum at flyta lítlan, stóran og tungan farm um fjørðin ­ á hjólum. Hetta verður avgerðin, ið saman við møguleik­ anum at endurskoða ferðaætlanina, verður grundarlagið fyri framhald­ andi trivnaði í oynni. Nólsoy hevur sítt romantiska og bleyta umhvørvið at bjóða øllum vitjandi. Men samstundis skal Nólsoy eisini bjóða nólsoyingum og tilflytarum møguleikar og avbjóðingar, ið hóska tíðini til. Eitt er at ganga við trillibøru í bygdini, men tað skal eisini verða møguleiki at taka bil til bygdina.. Nú er "bert" eftir at fáa skil á hvar bilarnir skulu verða, so bygdasliga, romantiska og barnavinaliga umhvørvið verður skatt minst møguligt. Lat hesa áheitan verða opna og beinleiðis til landstýrismannin: Bygg skip til farleiðina um Nóls­ oyarfjørð, soleiðis at vit menna skipabygging, know­how, og møgu­ leikan at byggja á kunnleikan føroyskir veitara hava ment sær í mong ár. Lat eisini hesa áheitan verða á landsins kosnu kvinnur og menn: Bygg skip til farleiðina um Nóls­ oyarfjør, soleiðis at tit seta tykkara fingramerki á framburð, vitan og menning ­ Føroyum at frama! At seta verkætlan í gongd á 2x20 mió. er neyðugt fyri at tryggja fram­ gongd í skipabygging og at tryggja nøkrum arbeiðsplássum. Góðu fólkavaldu! Stuðli fram­ burði og trivnaði í Nólsoy: Stuðli verkætlanini at byggja skip at røkja farleiðina um Nólsoyarfjørð! Við ynskjum um dagførda og trygga farleið. Ternan: Fyribilsloysn til Nólsoyar og eykaskip til aðrar leiðir? Jákup av Skarði viðmerkingar