mikudagur 20. januar 2010síða 19

Nr. 13 - 20. januar 2010 19 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Johannes Dahl Hovgaard, vanliga nevndur Johannes hjá Hassa, ættaður úr Vági, búsitandi í Haderslev, andaðist hósdagin, 62 ára gamal. Jarðarferðin verður úr Åstrup Kirke, Åstrup Allé 21 í Haderslev fríggjadagin kl. 11. Hjalti Joensen, Hvannasund, andaðist mánadagin, 74 ára gamal. Iva Saloma Hansen, fødd Olsen, ættað úr Hósvík, búsitandi við Norðskála, andaðist mánadagin 18. januar á Landssjúkrahúsinum, 88 ára gomul. Mary Margreth Jacobsen, vanliga nevnd Pat, gift við Klæmint Jacobsen, Tórshavn, andaðist í New­castle Upon Tyne, sunnudagin, 90 ára gomul. Reynhold Nielsen, Tvøroyri, andaðist á Ríkissjúkra­ húsinum, mánadagin, 62 ára gamal. Andlát og jarðarferðir Kunngjørt verður fyri ætt, vinum og kenningum, at kæra móðir, vermóðir, omma og langomma okkara Anna Hansina Elisabeth Samuelsen andaðist á Eldrasambýlinum í Kollafirði týsdagin 19. januar, 97 ára gomul. Jarðarferðin verður úr Zion í Kollafirði fríggjadagin 22. januar kl. 13.00. Familjunnar vegna Trygvi Dagurin 20. januar. Brøðramessa. Hildin til minnis um teir báðar Fabianus og Sebastianus. Teir eru ikki brøður, men vórðu fyri trúar sakir tiknir av døgum sama dag í árinum, Fabanus, sum var pávi, umleið ár 250, og Sebastianus – kristin hermaður – umleið ár 288. Tað sigst, at teir báðir eru jarðaðir undir tí núverandi kirkjuni San Sebastian í Róm. Fabianus er rómverskt ættarnavn. Sebastianus er upprunaliga grikst navn, ið merkir heiðurverdur. (Axel Tórgarð: Dagar og nøvn í álmanakkanum, 2. broytta útgáva 2008) Góða Ingibjørg! Tá ið ein er í familjuni, sum dugir væl at halda røðu, so hevur restin av familjuni ein trupulleika, tá ið røðarin skal feirast. Mær nýtist ikki at siga tykkum, hvussu nógvar góðar røður Ingibjørg hevur hildið, og tá ið eg plagi at siga við hana, sum tú dugir væl at halda røðu, so svarar hon, tað er tí eg havi so góða tíð. Tit gera alla rest­ ina, og so kann eg halda røðu. Hon plagar eisini at siga, tit skulu ikki stúra, tað kann eg taka mær av. Eg má so siga í dag, at eg havi ikki fingið serliga góða tíð, tí Ingibjørg hevur alla tíðina sagt, at hon fór ongan føðingardag at halda, men knappliga í síðstu viku ringir Gunnvør til mín og sigur, at mamma sigur nú, at hon heldur tað hevði verið so hugnaligt at hildið ein føðingardag. Av tí at vit kenna so nógv fitt fólk, so hevur eydnast okkum at stápla henda dagin upp á beinini. Ingibjørg er stórasystir hjá mær. Hon er 9 ár eldri, og sum eg minnist Ingibjørg, hevur hon altíð verið vaksin. Tjenti pengar, eg fekk onkuntíð oyra frá systur míni, tað vóru tað ikki nógvar av vinkonunum hjá mær, sum fingu. Ingibjørg var álitið hjá mammu, tá ið pápi fall frá, og eg havi hugsað seinni, tá ið eg sjálv gjørdist vaksin, at Ingibjørg var ikki meir enn 23 ár, tá ið hon fekk alt tað fíggjarliga hjá mammu í eina legu, so mamma kundi gjalda hvørj­ um sítt. Eg ivist ikki í, at Poli eisini var ein hjálp, men eg haldi tað var væl klárað av Ingibjørg og mammu. Serliga minnist eg, hvussu væl hon dugdi og dugir at klæða seg, og hvør minnist ikki, tá ið Ingibjørg og Pole fóru sveimandi eftir dansigólvinum. Ja minnini, tey eru altíð vøkur, og eitt er vist, at hóast Ingibjørg hesi seinastu árini hevur fingið nógvar smeitir, so eru fleiri góðar enn ringar løtur at minnast aftur á. Ingibjørg búði heima, til hon og Pole í 60­unum fluttu í Gundadal. Har komu Einar, Jórun og Gunn­ vør hvør aftan á øðrum, og hjá okkum, mammu og mær, var tað gott, at børn komu, og at vit sluppu at vera partur av teirra lívi. Eg minnist, at eg passaði Einar eitt skifti, tí tá var barns­ burðarfarloyvi bert 5 vikur, og av tí at eg gekk so nógv í býnum við vogni, helt onkur, at eg átti hann. Men tit skilja meg, eg tímdi ikki at sita uppi í Gundadali allan dagin, tað var alt ov uttanhandað. Eg flutti heim við mínari familju í 1979, og tað var ein stór hjálp hjá Tollaki og mær, at Ingibjørg og Pole vóru í Havnini. Poli hevði umboðað okkum í sambandi við grundstykki, sum mann tá ið tíðini ikki mátti lata gleppa sær av hondum, og Ingibjørg legði mær eina við trý ting, tá ið vit teknaðu hús. Góðar trappur niður í kjallaran, góðan vaskikjall­ ara, og at sleppa frá at fara út, tá ið eg skuldi í hjallin. Vit eiga, sum tit vita, eina systur afturat, hon er nr. 2, og eg havi lisið onkrastaðni, at tað er ræðuligt at verða genta nr. 2. Grundin til, at mamman er so glað, tá ið genta nr. 2 kemur, er, at so kann hon brúka avlagda toy­ ið hjá stórusystur. Hetta var helst galdandi fyrr. Mær dámar betur mynd­ ina, at stórasystir sigur tær, hvat tú ikki skal, men um onkur annar ger tað sama, so forsvarar hon teg av øll­ um alvi. Eg fari at enda við at ynskja tær hjartaliga til­ lukku við degnum, eg vildi ynskt, at tíni eftirlønarár vóru lættari, men vit eru ikki harrar yvir lagnuni. Karin Ingibjørg Jacobsen 70 ár Ingibjørg og Karin 60 ára føðingardagur Leygardagin 23. jan. fyllir Tummas Lauritsen seksti. Dagurin verður hildin við hús á Tvørgarði 31 í Miðvági frá kl. 18. Vælkomin. Diamantbrúdleyp 28. jan. kunnu hjúnini Diana og Alfred Klein, Fuglafirði, halda diamantbrúdleyp. Dagurin verður hildin í bygdarhúsinum í Leirvík leygardagin 30. jan., kl. 16, har øll eru vælkomin. Fólk verða biðin um at siga frá í seinasta lagi 23. jan. á tlf. 444092. Diamantbrúdleyp Fríggjadagin 26. feb. hava hjúnini Heinina og Sigurd Gaard Hansen diamantbrúdleyp. Dagurin verður hildin leygardagin tann 27. feb. kl. 17 í Royndarhúsinum í Nólsoy. Tey, sum vilja gleðast saman við okkum, verða biðin um at siga frá á tlf. 327145 ella 527145 innan 7. feb. Silvurbrúdleyp Týsdagin 2. feb. hava Jóhan Petur S. og Lis Olsen silvurbrúd­ leyp. Dagurin verður hildin í kafeteria í Kelduni í Skálafirði týskvøldið 2. feb. frá kl.18. Øll eru hjartaliga vælkomin. Brúdleyp Leygardagin 16. jan. giftust Birita Petersen og Bjarni Hansen, Nólsoy. Brúdleyp Leygardagin 23. jan. kl. 15 giftast í Hoyvíkar Kirkju Tóra Simon­ sen, Saltangará, og Herbert í Lon Jacobsen, Hoyvík. Vælkomst verður heima við hús frá kl. 19, har øll eru hjartaliga vælkomin. Merkisdagar Á baksíðuni á Sosialinum leygardagin 18. januar 1975 stendur, at ikki færri enn 10 innbrot hava verið í Havn síð­ an 4. januar, upplýsir Hjalgrím Magn­ ussen, støðleiðari á Politistøðini í Havn, fyri blaðnum. Brotið hevur ver­ ið inn í kioskir og handlar í býnum. Støðleiðarin nevndir t.d. at miku­ náttina varð brotið inn í kioskina hjá Poul Lamhauge á Vaglinum, har góð­ gæti fyri 400 krónur varð stolið, og fyrri í vikuni varð brotið inn í Móta­ búðina í Sverrisgøtu, har nakrar task­ ur vóru stolnar. Kelda: Sosialurin leygardagin 18. januar 1975 Fyri 35 árum síðan: Tíggju innbrot í tvær vikur