hósdagur 28. januar 2010síða 14

14 Nr. 19 - 28. januar 2010 Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. nøvn SAMBAND MAgNuS guNNArSSoN MAggi@SoSiAluriN.fo tlf 341800 fAx 341801 Oddmar Hansen, Vestmanna, ættaður úr Skopun, andaðist á Landssjúkrahúsinum týsmorgunin 26. januar, 76 ára gamal. Aska Maria Jensen fer til gravar úr Kirkjugarðs­ kapellinum í Havn fríggjadagin kl. 13. Tey, ið vilja minnast Asku, kunnu lata Sclerosufelagnum eina gávu. Hensar Ellingsgaard, fyrrverandi landsskúla­ stjóri, Tórshavn, andaðist sunnudagin, 75 ára gamal. Jarðarferðin verður úr Vesturkirkjuni hós­ dagin kl. 13. Tey ið vilja minnast Hensar, kunnu lata KFUM­skótunum eina gávu, konta í peninga­ stovnunum. Gudrun Schanke, vanliga nevnd Gudde, andaðist í Stavanger leygardagin 23. januar, 85 ára gomul. Jarðarferðin verður fríggjadagin 29. januar frá Utstein kloster við Stavanger. Andlát og jarðarferðir Dagurin 28. Januar. Karlamagnus keisari, deyður í 814. Eini 400 ár eftir deyða sín varð hann eftir uppskoti frá týska keisaranum Fríðriki Barbarossa skírdur halgimenni, men heitið varð ikki viðurkent av pávanum í Róm. Karlamagnus hevur annars verið høgt í metum, ikki minst í Føroyum. Karl er germanskt navn og merkir maður, og Magnus er latínskt og merkir stórur. (Axel Tórgarð: Dagar og nøvn í álmanakkanum, 2. broytta útgáva 2008) Løgið at vita teg farnan til Jesus Hann, sum tú elskaði meiri enn alt Hann, sum teg myndaði uppgávu lívsins Fjálgaði heimið sum var tær so kært. Tøkk kæri bróður, tú spardi teg ikki, Stuðul ómissandi verkinum var Legði títt oyra til Frelsarans ynski, Framdi júst tað, ið Hann ætlaði tær. Mong eru tey, sum sakna teg sáran Vandu seg til tína hjálpandi hond, Bóðu til Jesus og upplivdu síðan, Reinhold at uppfylla tørvin hjá sær. Eisini virki títt her á foldum Menninir allir, sum arbeiddu har Kendu á sær tá tú var um leiðir Jesusar nærveru sjónska í tær. Sjáldsamt at virða so annara gávur Síggja av øðrum Hans virkandi hond Altíð at draga fram virði av Gudi Í hinum einstaka kom tær í nánd. Var okkurt, fólk virdu lítið hjá onkrum Knappur tú viðmerkti einstaklings dygd Segði at eingin av góðum var sørur Hómaði okkurt frá Skaparans hond. Tí vart tú menniskja­veiðimaður Evnaður til tað av Frelsarans hond Síðani røkti tú øll hesi glaður Komu við gleði tá tú vart í nánd Nú eingin Reinhold er meiri á foldum Farin úr likamið – dýrdini í­ Fyri at skoða hvat virði var í tí Harranum tæna avmálda tíð Anna við børnunum Jón og Charlotta, Saknurin nívir nú tykkara heim Vit drýpa høvur í samkenslu játta Maður ei kemur í hansara stað. Loyndarmál lívsins vit sóu í honum Kristus var sjónskur tá hann var í nánd Sjóneyku tørvaði tá eingin maður Kristus at skoða Reinholdi í. Nú er so kvirt í hjartanum inni Hann næm teir streingir, sálina við, Sum eingin annar spældi í sinni Samljóði fullkomið var tær við lið. Poul Færø Hugarensl um vinin Reinhold Nielsen Merkisdagar 60 ára føðingardagur Mánadagin 25. jan. fylti Jóna Borg Dahl, í vági, 60 ár. Dagurin verður hildin í Billardhúsinum leygardagin 30. jan. frá kl. 13 til 17, har øll eru vælkomin. 80 ára føðingardagur 1. feb. verður Hans Poulsen, Klaksvík, ættaður av Eiði, 80 ár. Føðingardagurin verur hildin 6. feb. hjá dótturini í Kristiansgøtu 37, Hoyvík frá kl. 17. 90 ára føðingardagur Hósdagin 28. jan. fyllir Eigil Gunnarsson í Havn 90 ár. Føðingardagurin verður hildin í hølunum hjá Starvsmanna­ felagnum, J. H. Schrøtersgøta. 9, millum kl. 16 og 20, har øll eru hjartaliga vælkomin. 90 ára føðingardagur Sunnudagin 31. jan. fyllir Anna Louisa Jacobsen í Skálafirði 90 ár. Dagurin verður hildin í Kelduni í Skálafirði frá kl. 18. Øll eru hjartaliga vælkomin. Silvurbrúdleyp Týsdagin 2. feb. hava Jóhan Petur S. og Lis Olsen silvurbrúdleyp. Dagurin verður hildin í kafeteria í Kelduni í Skálafirði týskvøldið 2. feb. frá kl.18. Øll eru hjartaliga vælkomin. Gullbrúdleyp Fríggjadagin 29. jan. hava Ingibjørg og Olfert Debes á Oyri gullbrúdleyp. Dagurin verður hildin saman við familju, leygardagin 30. jan. Gullbrúdleyp Leygardagin 30. jan. hava hjúnini Anny og Pole Klein, Vestmanna, gullbrúdleyp. Tey, ið vilja heilsa uppá gullbrúðarparið, eru vælkomin millum kl. 11 og 15 til morgunmat í kaffistovuni inni á Fjørð. Gullbrúdleyp Sunnudagin 31. jan. hava hjúnuni Sonja og Hans Olaf Andersen í Lopra gullbrúdleyp. Tey eru burturstødd. Gullbrúðleyp Mánadagin 1. feb. hava Guðrun og Poul Øregaard, Kollafjørð, gullbrúðleyp. Dagurin verður hildin í Danmark saman við børnunum. Diamantbrúdleyp Hósdagin 28. jan. hava Frida og Andrew Thomsen í Porkeri diamantbrúdleyp. Dagurin verður hildin saman við familjuni. Diamantbrúdleyp Fríggjadagin 5. feb. hava Aðalbjørg og Sigurd Joensen í Oyndarfirði diamantbrúðleyp. Dagurin verður hildin í bygdarhúsinum í Leirvík leygardagin 6. feb., kl. 15, har øll eru hjartaliga vælkomin. Brúdleyp Leygardagin 6. februar. giftast Niza Pardillo, av Filips­ oyggjunum og Hans Hilmar Johannesen av Toftum. Vækomst verður á Svangaskarði kl. 19. Tey, ið ynskja, at gleða okkum við at koma, verða vinarliga biðin um, at siga frá á tlf. 748134/448134 innan 2. februar. Kunngjørt verður fyri ætt, vinum og kenningum, at kæri pápi, verpápi, abbi og langabbi okkara Thorbjørn Lisberg Trongisvágur andaðist í heiminum týsdagin 26. januar, 88 ára gamal. Jarðarferðin verður úr Tvøroyrar kirkju leygardagin kl. 13.00. Fyri tey avvarðandi Jens og Marner