fríggjadagur 29. januar 2010síða 9

nr. 20 · 29. januar 2010 9 VIKUSKIFTI Plástur skal á tatoveringina Vit mugu síggjast Stjóranir eru fínast ílætnir Flogterna er eitt av snotiligastu størv­ inum ein kann hava. Í øllum førum um ein hugsar um hvussu tær eru klæddar. Annika Jespersen er kabinuovasti hjá Atlantic Airways og hevur ábyrgd av, at flogternurnar síggja soleiðis út, sum felagið vil. – Vit hava uniformsreglar, sum vit mugu fylgja. Har stendur millum ann­ að, at hárið skal vera stutt ella upp sett. Oyraringar skulu vera uppeftir oyr­ anum, eftirsum ringar kunnu hanga fastir um neyðstøða verður, greiður Annika Jespersen frá. Reinan uniform Hon hevur eitt sokallað »linecheck« við jøvnum millumbilum, har hon er við á eini flogferð og kannar, hvussu flogternurnar síggja út. – Tá kanni eg, at uniformurin er reinur, og at alt sær út, sum tað skal. Stílurin hjá flogternunum skal verða diskretur og klassiskur. – Um tær hava sjónligar tatoveringar, skal plástur setast á, sigur Annika. Orsøkin til, at allar flogternur eru so væl smurdar, sigur Annika, er vegna tað sterka ljósið í kabinuni, ið tekur allan lit úr andlitinum. Í svimjihøllini fáa starvsfólkini útflýggjað klæði, ið eru serliga gjørd til svimjihøll. – Vit eru øll í hvítari blus og reyðum buksum. Vit kunnu velja ímillum stuttar buksir ella tríkvart buksir, sigur Jón í Haraldstovu. Um neyðugt er at leypa í hylin eru klæðini gjørd til endamálið og eru løtt at svimja í. Í banka­ og tryggingarheiminum er tað skjúrta og slips, sum eru vanligastu klæðini. Hóast ongar reglar eru niðurskrivaðir, eru tað óskrivaðar reglur, ið stýra, og flestu stjórarnir eru í klædningi, og undursáttarnir eru í skjúrtu og slipsi ella einari fínari troyggju. – Tað viktiga er at fokusera upp á, hvat kundin vil síggja, tá hann kemur inn til okkum, sigur Jean Djurhuus, stjóri á Trygd. Tá sýningsmennirnir hjá Trygd eru úti og kanna skaðar, eru teir í jakkum, har tað sæst, hvaðani teir koma, – Á skrivstovuni kann man ganga, sum man vil, men tey flestu mann fólk­ ini eru í skjúrtu, og nakrir eru í klædn­ ings jakka – harímillum eg sjálvur, sigur Jean Djurhuus, stjóri. Taka teg í allvara Finn Damberg fíggjarstjóri á Eik hevur onki slips hendan dagin, vit tosa við hann. – Tá eg veit, at eg ikki skal taka ímóti nøkrum gestum ella fara út til nakað, lati eg slipsi hanga heima, sigur hann. Hann er nógv uttanlands í arbeiðs­ ørindum, og tá er hann altíð í skjúrtu, slipsi og klædningi. – Klæðini signalera, at fólk skal taka teg í álvara. Tað ber ikki til hjá mær at dukka upp í ketildrakt til ein vikt igan fund, sigur hann. Finn heldur ikki, at føroyingar standa aftan fyri útlendingar, tá tað kem ur til klæði. ­ Kanska brúka tey fleiri uniformar, tí fyritøkurnar eru størri uttanlands. Atlantic Airways Svimjihøllin í Gundadali Trygd og Eik Starvsfólkini í svimjihylinum eru klødd so at tey síggjast. Flogternurnar skulu vera reinar og snotuligar. Tey sum starvast í banka eru fínt klødd, men stjórarnir eru fínast. Her eru tað fýra starvsfólk úr Eik í Havn.