mikudagur 3. februar 2010síða 23

ÍTRÓTTARBLAÐIÐ Sosialurin 3. februar 2010 Tvær vikur til upp still­ ingina Mikukvøldið 17. februar er seinasta freist at skjóta upp nøvn til nevndar­ og forsetaval í Fótbóltssambandinum Tað hevur verið lítið at hoyrt frá føroysku fótbóltsfeløgunum, síðani tey á fundi í november mánaði søgdu FSF-nevndini, hvar skápið skuldi standa í mest sum endaleysu trætuni, sum stóð í ljósum loga í málinum um aðalskrivaran. Tað málið endaði fyribils við, at aðalskrivarin og FSF gjørdu eina fráfaringaravtalu, men samstundis ljóðaði í krókunum, at fleiri broytingar helst vóru í væntu á aðalfundinum. Hesin verður hildin tann 27. februar, men tað einasta, sum enn stendur greitt, er, at nýtt andlit skal veljast fyri Svein Tróndarson, sum hevur boðað frá, at hann ikki stillar uppaftur. Magnus á Stongum, Rúni Heinesen og Høgni í Stórustovu standa eisini fyri vali á aðalfundinum. Í mun til gomlu reglugerðina, so er tað nú soleiðis, at teir ikki uttan víðari kunnu boða frá, at teir taka við afturvali, men skulu teir aktivt fáa felag ella feløg at skjóta seg upp til ávíkavist nevndar- og forsetavalið. Og hetta skal altso gerast í seinasta lagið annan mikudag. Reglurnar siga, at freistin fyri at seta fram uppskot til nevndar- og forsetaval, er 10 dagar undan aðalfundinum. Sunnudagin verður lutur kast aður um, hvussu spælast skal til komandi EM­undankappingina í fótbólti. Og eingin ivi er um, at spenningurin í fót bólts­ sam bandinum er øgiligur, nú londini skulu dragast úr pottinum Tað er nevnliga stórur munur á útlitunum fyri pengakassan í FSF, um mótstøðuliðini úr ovasta styrkis- bólki eita eitt nú Ongland ella Russ- land. Sama søgan er galdandi fyri í øllum førum teir tríggjar ovastu styrkis bólkarnar, har lond sum Ong- land, Danmark og kanska Írland kunnu roknast við at fylla Tórsvøll ella Svangaskarð. Hinvegin er spurningurinn, um Russ land, Rumenia og Bosnia- Herze govina kunnu fylla Gundadal, sum jú eisini kann nýtast, um FSF ynskir at gera sær dælt av altjóða góð kenningini, sum bæði undirlag og stadion hjá høvuðs staðar feløg- unum nú hava fingið. Lutakastið fer soleiðis fram, at níggju bólkar verða drignir. Í seks av hesum eru seks lið, meðan fimm av bólkunum bara telja fimm lið. Hetta fyri at fáa matematisku kabalina at ganga upp. Lutakastið fer fram í pólverska høvuðs staðnum, Warszava, sunnu- dagin klokkan 11 okkara tíð. Fyri FSF eru Høgni í Stórustovu, forseti, Brian Kerr, landsliðsvenjari, Magnus á Stong um, formaður í landsliðs- nevnd ini, og Virgar Hvidbroe, aðal- skrivari, við á ferðini. Langt millum ynski­ dreym og marru Chelsea hevði í gjárkvøldi møguleikan at leggja fýra stig millum seg og Manchester United, men hetta miseydnaðist Undan dystinum var Chelsea eitt stig framman fyri verjandi meistararnar, og teir áttu ein dyst til góðar. Hesin gav tó ikki ætlaða sigurin, hóast Chelsea hevði greiða yvirvág og nógvar royndir móti málinum. Hull legði seg á odda á hálva tímanum, tá Steven Mouyokolo stútaði hornaspark í netið. Undan steðginum javnaði Didier Drogba, sum spældi sín fyrsta dyst fyri Chelsea eftir nú lidna African Nations. Chelsea kundi og skuldi kanska eisini skorað avgerandi málið eftir steðgin, men hóast royndirnar vóru nógvar, so eydnaðist hetta ikki. Eisini skuldu West Ham og Wolverhampton spæla í gjárkøldið, men tann dysturin varð útsettur vegna veður. Hull argaði Chelsea jakup@sosialurin.fo Jákup Mørk jakup@sosialurin.fo Jákup Mørk jakup@sosialurin.fo Jákup Mørk Soleiðis eru liðini styrkismett Bólkur 1: Spania, Týskland, Holland, Italia, England, Kroatia, Portugal, Frakland, Russland Bólkur 2: Grikkaland, Tjekkia, Svøríki, Sveis, Serbia, Turkaland, Danmark, Slovakia, Romenia Bólkur 3: Ísrael, Bulgaria, Finland, Noreg, Írland, Skotland, Norður Írland, Eysturríki, Bosnia-Herzegovina Bólkur 4: Slovenia, Letland, Ungarn, Litava, Hvítarussland, Belgia, Wales, Makedonia, Kypros Bólkur 5: Montenegro, Albania, Estland, Georgia, Moldova, Ísland, Armenia, Kazakhstan, Liechtenstein Bólkur 6: Azerbaijan, Luxembourg, Malta, Føroyar, Andorra, San Marino FAKTA Seinastu tríggjar undankappingarnar hevur Frakland verið partur av føroyska bólkinum, og hetta er eisini ein møguleiki hesaferð