fríggjadagur 12. februar 2010síða 12

12 tíðindi Nr. 30 - 12. februar 2010 Lova grikkum hjálp Grikska stjórnin fekk í gjár vissu fyri, at landið fer ikki á húsagang. Aftan á ein ríkis- og stjórnarleiðarafund í ES í gjár segði ES-forsetin, Herman Van Rompuy, at evrulondini hava veitt vissu fyri, at tey eru til reiðar at lata grikkum ta neyðúgu hjálpina, so landið ikki fer av knóranum. Grikkaland skal rinda meiri enn 70 milliardir krónur í avdrøgum í ár. So nógvar pengar hevur landið ikki, og tað má tí fáa hjálp til at endurnýggja skuldina. Sum skilst verða tað Týskland og Frakland, sum skulu veita trygd fyri teimum nýggju lánunum. Keypa ikki SAS Nú skandinaviska flogfelagið SAS enn eina ferð hevur kunngjørt eitt vánaligt roknskaparúrslit, hevur tað ljóðað, at onkur útlendsk feløg hava áhuga í at keypa SAS. Millum tey nevndu feløgini er tað týska Lufthansa, men ein talsmaður fyri felagið sigur, at Lufthansa ætlar sær ikki at keypa SAS. Aage Dünhaupt, sum er samskiftisstjóri hjá Lufthansa, sigur við Berlingske Business, at felagið hevur úr at gera við at samansjóða móðurferlagið og dótturfeløgini Austrian Airlines, Brussels Airlines og BMI. Men felagið hevur ongar ætlanir um at fáa SAS sum dótturfelag, sigur hann. Uttanríkisráðið hevur sein- astu tíðina verið fyri ákoyr- ingum í sambandi við frá- greiðingina um kappingar- samleika Føroya, sum bretski serfrøðingurin Sim- on Anholt hevur skrivað fyri Uttanríkisráðið. Atfinningar- nar snúgva seg í høvuðs- heitum um, at Uttanríkis- ráðið skal hava noktað al- ment innlit og dylur frágreið- ingina. Hetta er ikki rætt. Innlit Ein og hvør kann biðja um, og fær, innlit í frágreiðingina um kappingarsamleika Før- oya, ið bretski serfrøðingurin Simon Anholt hevur skriv- að. Nógv hava longu nýtt henda møguleika. Annað er, at Uttanríkisráðið í sam- bandi við játtan av innliti hevur boðað frá, at frá- greiðingin verður latin til egna nýtslu, og ikki má end- urprentast ella leggjast á alnótina. Hetta er tó bert galdandi fyri enskt mæltu útgávuna. Tað er ein skylda, ið vit hava mótvegis høv- undanum. Uttanríkisráðið hevur gjørt ta avtalu við Simon Anholt, at við fyriliti fyri hansara copyright verður upprunaliga enskt mælta útgávan av frágreiðingini ikki løgd á heimasíðuna. Hetta er ein spurningur um rættin til andsverk (fíggjar- lig áhugamál hjá høvind- inum). Tó hevur Uttanríkisráðið sjálvsagt tryggjað sær, at ráðið kann leggja eina før- oyska týðing á heimasíðuna, soleiðis at føroyski almenn- ingurin lættliga kann lesa frágreiðingina. Frágreiðingin verður eftir ætlan tøk á heima- síðuni hjá Uttanríkisráðnum www.mfa.fo) í næstu viku. Íverksetan Vit hava fingið nógvan lær- dóm í tilgongdini og eina áhugaverda frágreiðing at arbeiða víðari við til tess at menna og fremja eitt gott føroyskt brand, eina meira miðvísa og strategiska marknaðarføring av Føroyum. Slíkt hevur leingi verið umbiðið av nógvum ymsum pørtum í vinnuni. Nú hava vit eitt grundarlag, og so er upp til bæði almenna og privata geiran at fáa okkurt munagott burt- urúr. Uttanríkisráðið er farið undir næsta stig av verkætl- anini og arbeiðir í løtuni við at skipa eina arbeiðsskrá fyri at marknaðarføra Føroyar. Samband fer at verða tikið upp aftur við viðkomandi stjórnarráð og vinnupartarnar fyri at fremja eina skilagóða og miðvísa marknaðarføring av Føroyum og føroyskum vørum og tænastum. Eitt fyrsta stig á leiðini verður at gera eina handbók, sum fyri- tøkur, einstaklingar og felags- skapir kunnu brúka, tá tey skula marknaðarføra Føroyar uttanlands. Uttanríkisráðið fer fram- haldandi at kunna um hetta arbeiði. Áhugaði eru eisini vælkomin at seta seg í samband við Deildina fyri Alment Diplomati, um tey ynskja nærri kunning um verkætlanina. Sigmundur Ísfeld Deildin fyri Alment Diplomati Uttanríkisráðið Uttanríkisráðið gevur enn sum áður innlit í frágreiðingina hjá Simon Anholt Sigmundur Ísfeld Ja takk! Eg ynski at tekna meg sum haldara av Sosialinum, og fái blaðið borið út 5 ferðir um vikuna Navn: Bústaður: Bygd / býur: Telefon: Undirskrift: Verður sent ópostað. Sosialurin rindar postgjaldið 64 Boks 76 · FO-110 Tórshavn Haldið Sosialin Tekna teg sum haldara nú 495,- um ársfjórðingin ...blaðið, øll lesa! Spar 560,- í mun til leysasølu