fríggjadagur 21. desember 2001síða 4

6 Nr. 247 - 21. desember 2001 Nr. 247 - 21. desember 2001 7 Hendir ikki okkurt heilt óvæntað, er dagurin í dag seinasti arbeiðsdagurin hjá 18 sjúkrasystrum á B 6 á Landssjúkra- húsinum LANDSSJÚKRAHÚSIÐ Áki Bertholdsen – Nú fara vit í jólafríð. So má leiðslan á Landssjúkra- húsinum og Landsstýrið um rest. Á B 6 á Landssjúkrahús- inum eru tey farin at ásanna, at allar royndir at finna semju við leiðsluna á Landssjúkrahúsinum, eru slitnaðar. Ikki færri enn 18 av teim- um 23 sjúkrasystrunum, sum arbeiða á B 6 á Landssjúkrahúsinum hava sagt upp og fara úr starvi 31. desember. Nakrar royndir eru gjørd- ar at finna semju ímillum partarnar, so at uppsagn- irnar verða tiknar aftur, men alt hevur verið til fá- nýtis. Sjúkrasystrarnar á B 6 á L a n d s s j ú k r a h ú s i n u m standa við sítt: Tær vilja hava fleiri fólk. Samstundis stendur leiðslan á Lands- sjúkurahúsinum eisini við sítt: Tað verða ikki fleiri fólk sett a B 6. Ingun Gaardbo, álitisfólk hjá sjúkrasystrunum á B 6, sigur, at sostatt standa upp- sagnirnar við. Mikudagin var ein stuttur fundur ímillum sjúkrasystr- arnar og leiðsluna á Lands- sjúkrahúsinum, men Ingun Gaardbo sigur, at hann broytti onki. – Leiðslan endurtók, at fleiri fólk verða ikki sett á B 6 og so er onki at gera. Sambært útvarpinum mikukvøldið hevði leiðslan á Landssjúkrahúsinum fingið ta fatan, at sjúkra- systrarnar nú vóru meiri vælviljaðar, enn tær hava verið. – Eg veit ikki, hvussu leiðslan hevur fingið ta fatanina, tí støðan hjá okk- um er heilt avgjørt óbroytt, sigur álitisfólkið á B 6. Hon sigur, at merkist eisini á sjúklingunum, at teir stúra fyri gongdini og tað er kanska tað ringasta av øllum, leggur hon aft- urat. Seinasti arbeiðsdagur Hóast sjúkrasystrarnar fara úr starvi 31. desember, er dagurin í dag teirra seinasti arbeiðsdagur. Ætlanin var, at B 6 skuldi lata aftur í dag og so verða afturlatin um árrskiftið. Hon skuldi lata uppaftur 7. januar. Sostatt fara sjúkrasystr- arnar heim í dag og koma ikki aftur. Heldur ikki til blaðið í dageydnaðist at fáa við- merking frá leiðsluni á Landssjúkrahúsinum. Men Marin Vang, røkt- arfakligur stjóri, hevur áður sagt, at farast skuldi bein- anvegin undir at umskipa B 6 og tey hava longu søkt eftir nýggjum sjúkra- systrum og sjúkrarøktarum. Sí annars viðmerkingar til støðuna frá Sjúkrasystra- felag Føroya á síðu 10 í blaðnum í dag. Har vísir Jana Dalsgaard, forkvinna í felagnum á, at tað fer at fáa óbótaligan skaða fyri sjúklingin, starvsfólkið og samfelagið, um tað ikki eyndast at finna semju um arbeiðsviður- skiftini á B 6. Hon heldur eisini, at nú er stundin komin til, at po- litiski mynduleikin vaknar og tekur um endan. – Landsstýrismaðurin í almanna og heilsumáluum, Sámal Petur í Grund, hevur fyrr sagt, at málið ikki var búgvið hjá honum at leggja seg út í, men nú er tað væl hansara skylda, sigur sjúkrasystrafelagið. Hetta verður seinastu ferð í langa tíð, at høvi verður at hoyra okkara fremsta dansibólk, All That Rain RIMMAR DANSUR Áki Bertholdsen Okkara fremsti dansibólk- ur, All That Rain, hevur ikki verið so nógv at hoyrt seinastu mánaðirnar. Men í annaðkvøld verður so ein av hesum sjáldsomu møgu- leikum at hoyra teir á palli, tá ið teir spæla í Royn- høllini í Hvalba. Hetta verður samstundis seinastu ferð í langa tíð, at All That Rain spælir til dans, men tað verður ikki við mýkindum, tí teir hava meiri royk og størri ljós og kraftigari fýrverk enn teir nakrantíð áður hava havt Trummusláarin í bólkin- um, Henning Nicodemus- sen, er farin til Keyp- mannahavnar á tekniska skúla a í samband við út- búgving sína, og hann verð- ur ikki aftur í Føroyum, fyrrenn í summar. – Tað er ov strævið at ferðast heim hvørt viku- skifti at spæla. Og haraft- urat er veðrið ofta ringt um veturin, so flogsambandið kann verða óregluligt. Tí hava vit gjørt av at halda ein steðg nú, til eg eri komin heimaftur, sigur trummusláarin. – Tí er ilt at siga, nær vit fara at spæla aftur og enn minni, nær vit fáa høvi at vitja Suðuroynna aftur, leggur hann afturat. Aðru ferð Annar hevur All That Rain ikki verið so nógv at hoyrt seinastu tíðina. Teir hava fingið nýggjan sangara og gittarspælara, sum skuldi spælast inn í bólkin og teir hava givið fløgu út. –Vit hava verið í venjingarhølinum síðani mitt í september við nýggja sangaranum og gittarspæl- aranum, Hans Ravnsfjall, og vit hava bara spælt einaferð til stóran dans , síðani hann kom uppí. Tað var síðsta leykarkvøld, tá ið vit spældu í ítróttarhøllini í Kambsdali. Tað var eitt sera væleydnað tiltak, við fleiri enn 600 áhoyrarum, sigur Henning Nicodemussen. Annars hevur bólkurin spælt á ymsum, smærri tiltøkum, jólaborðhaldum o.sa.fr, men ikki alment í teimum stóru hallunum, sum teir plagdu. Men nú fáa so suður- oyingar høvi til at heilsa uppá nýggja mannin í All That Rain. – Dansurin í hvalba í annaðkvøld er fyrstu ferð, vit spæla í Suðuroynni við nýggja sangaranum og gittarspælaranum, so vit gleða okkum ómetaliga nógv at lata suðuroyingar sleppa at hoyra okkum við nýggjari manning. Annars hevur All That Rain ikki spælt í Suðuroy síðani í juli mánaða í fjør, tá ið teir spældu í Trong- isvági saman við Tangz. Fjølbroytt tilfar Í Hvalba fer All That Rain at spæla fjølbroytt tilfar. Teir spæla løg, teir sjálvir hava gjørt, men teir spæla eisini nógv kend, eldri løg, sum altíð eru aktuell, men sum teir hava peppað upp. Men tað er eisini nógv, spildurnýggj løg, sum eru á hittlistunum í løtuni og All That Rain spælir bæði Limpkin Park og Alien Ant Farm. All That Rain sigur nú farvæl fyribils. Tað gera teir við rimmar dansi í Hvalba í annaðkvøld við meiri royki, størri ljósum og kraftigari fýrverki enn nakrantíð. Aftast frá vinstru eru teir Henning Nicodemussen, Jens Tummas Næs og fremst er nýggi sangarin og gittarspælarin, Hans Ravnsfjall Seinasti arbeiðsdagur á B6 á Landssjúkrahúsinum Dansur í Hvalba við royki og fýrverki Í dag verða ljósini sløkt á B 6. Deildin letur aftur í dag og hendur ikki eitt undur ein av fyrstu døgunum, letur hon ikki uppaftur Byggifelagið Arcticon í Havn hevur keypt Byggi Service á Skála. Hóast leiðslan í fram- tíðini verður tann sama í báðum feløg- unum, fer virksemið at halda fram sum áður hjá hvørjum felagnum sær BYGGIVINNA Edvard Joensen Byggifelagið Byggi Ser- vice á Skála hevur skigft eigara. Teir báðir Kaj Olsen og Hjørleif Gaard hava selt felagnum Arcticon í Havn Byggi Service. Arcticon, sum nú hevur keypt Byggi Service, er nýtt byggifelag. Tað varð stovnað í vár, og stjóri er Jón Danielsen, sum fram til 31. mars í ár var stjóri á Skipasmiðjuni á Skála. Jón Danielsen var á Skipasmiðjuni á Skála í tvey ár, og undan tí var hann átta ár í starvi hjá byggifelagnum J&K Peter- sen, har hann millum annað hevði ábyrgdina av arbeið- inum, felagið gjørdi í Ís- landi. Jón Danielsen sigur, at nú bæði feløgini koma undir sama hatt, so at siga, verður betri møguleiki fyri sam- starvi. Eitt nú fer at bera betri til at gagnnýta ta vit- an, sum neyðug er í vinn- uni, enn um bæði feløgini skuldu havt til dømis bæði verkføðingar og arkitektar. Byggi Service fæst við vanligt byggiarbeiði á landi, eins og felagið hevur gjørt nógv av at arbeiða umborð á skipum, eitt nú fyri Skipasmiðjuna á Skála. Nevnast kann, at Byggi Service hevur verið við til at umbyggja vaktarskipið Thorland, sum Esvagt-Thor hevur latið umbyggja á Skála. Av virksemi, Byggi Ser- vice hevur í dag, nevnir Jón Danielsen Tinghúsið og Føroya Sparikass í Horna- bø í Havn, eins og felagið eisini ger eina handilshøll í Rituvík fyri Klement Peter- sen í Runavík. Arcticon, sum mest fæst við jørð og betong arbeiði, hevur tó eisini okkurt størri byggiarbeiði í gongd. Teir eru í løtuni við at leggja seinastu hond á nýbygging- ina hjá Elektron á Hálsi, greiðir Jón Danielsen frá. Tað næsta stóra arbeiðið, sum Arcticon fer undir, er ein nýggjur smiðjubygn- ingur hjá Tórshavnar Skipasmiðju. Hann skal reisast har, Fiskacentralurin í síni tíð var. Gamla Fiska- centralin hevur Arcticon tikið niður. Jón Danielsen sigur, at leiðin, vit skulu ganga, er at leggja slíkar fyritøkur samn undir ein hatt. Soleiðis ger- ast vit sterkari á marknað- inum og kunnu veruliga byrja at kappast við útlend- ingar um størri arbeiði. Bæði her hjá okkum sjálv- um og úti í heimi. Smáar fyritøkur við 8-10 monnum duga ikki í slíkum høpi, vísir hann á. Tað fer ov nógv tíð til annað enn tað, tann ávísi skal gera. Eitt nú at teknikararnir brúka upp í hálvar dagar at ganga ørindi, meðan annað so má bíða, ber ikki til. Nú Arcticon og Byggi- service fara at samstarva, er tað júst eitt stig á teirri leið- ini, sigur hann. Tað arbeiða umleið 20 fólk hjá hvørjum av hesum báðum byggifeløgunum, sum Jón Danielsen nú er stjóri fyri, og tey fara at halda fram í sama starvi, tey eru í. Annar av gomlu eigarun- um av Byggi Service, Kaj Olsen, er framvegis ar- beiðsformaður í Byggi Ser- vice, meðan Hjørleif Gaard í framtíðini fer at arbeiða sum handverkari, skilst. Byggi Service skift eigara Jón Danielsen verður í framtíðini stjóri hjá bæði Arcticon og Byggi Service Mynd: Edvard Joensen Vestmenningar mótmæla, at fútin ætlar at flyta sýslumansembætið úr Vestmanna til Havnar. Tingmenn í Norðurstreymoy hava lagt málið fyri Løgtingið FLYTING Edvard Joensen Í Norðurstreymoy dámar teimum illa, at tosað verður um at flyta sýslumannin til Havnar. So illa, at bæði Vestmanna Bygdarráð og løgtingsmenninir hava mót- mælt alment. Í meira enn 100 ár hevur sýslumaðurin búð í Vest- manna, og vestmenningar kenna seg líkasum hava hevdsrætt upp á hann. Hann er, og hann skal verða verandi í Vestmanna, meina teir. Tá tað her fyri frættist, at fútin var farin at hugsa um at flyta sýskumansembætið til Havnar, gjørdi Vest- manna Bygdarráð vart við seg og mótmælti hesum beinanveg. Tey halda tað ver løgið, nú almenn fyrisiting annars skal leggjast út í ymisk øki, at fútin fer at draga annan veg. Í hesum teldu- og internettíðum má tað bera til at hava eina slíka umsit- ing í Vestmanna, hóast høv- uðsskrivstovan hjá fútanum er í Havn, heldur Vest- manna Bygdarráð. Bygdarráðið ger í mót- mælinum eisini vart við, at tey kunnu als ikki góðtaka, at eingin løgreglumaður kemur at hava starv við Vestmanna sum støði, um flytingin verður, sum fútin ætlar. Hans Pauli Strøm, ting- maður Javnaðarfloksins í Norðurstreymoy, tekur undir við bygdarráðnum og hevur á Løgtingi spurt, um ríkisumboðið kann greiða Løgtinginum frá, um fútin hevur slíkar ætlanir. Eisini ein annar Norð- streymoyar tingmaður, Jógvan Durhuus úr Tjóð- veldisflokkinum, hevur tik- ið málið til sín. Hann hevur sent Høgna Hoydal, lands- stýrismanni við lógarmál- um, bræv, har heitt verður á landsstýrismannin um beinanveg at gera fútanum og danska Løgmálaráðnum greitt, at hendan ætlanin eigur at steðgast alt fyri eitt. Høgni Hoydal hevur sent áheitanina víðari til danska løgmálaráðharran Lenu Espersen. Mótmæla flyting C M Y K 7 6