mikudagur 17. februar 2010síða 13

13 tíðindi Nr. 33 - 17. februar 2010 Seinasta heyst fingu menn fleiri túsund vanskaptar toskar í gørnum á Stor­ firð­inum í Troms í Noregi. Síð­ani hava serfrøð­ingar kannað­ nakrar av toskunum við­ DNA­royndum, men myndugleikarnir vilja ikki kunngera úrslitið­ Fiskivinna Árni Joensen arni@sosialurin.fo – Vit kunnu ikki kunngera úrslitið av DNA-kanning- unum, tí talan kann vera um próvtilfar, um tað vísir seg, at toskurin er vorðin vanskeplaður av umhvørvis- kriminaliteti, sigur Gunnar Trulssen, økisleiðari hjá fiskivinnustýrinum í Troms við norska kringvarpið. Teir lokalu fiskimenninir halda, at talan er um tosk, sum er sloppin úr ringunum hjá alistøðini Storfjord Torsk, sum er tann einasta alistøðin av sínum slagi í umráðnum. Men leiðslan í felagnum vísir skuldseting- ini aftur og vísir á, at júst hendan støðin hevur serliga tryggar aliringar. Er talan um aldan tosk, má hann vera sloppin úr alistøðum aðrastaðni, sigur Storfjord Torsk. Felagið vil tí hava myndugleikarnar at al- mannakunngera úrslitið av DNA-kanningunum, so tað kann staðfestast, hvaðani tann vanskapti toskurin kom. Men tað vilja myndug- leikarnir ikki. – Frágreiðingin kann hava upplýsingar, sum kunnu hava týdning fyri tað, sum er eftir av kann- ingararbeiðinum. Er talan um lógarbrot, kunnu vit ikki kunngera kanningar- úrslitið, sigur Gunnar Truls- sen í fiskivinnustýrinum við NRK. Hann leggur aft- urat, at talan kann verða um eitt mál um umhvørvis- kriminalitet. Fekk 1500 toskar Søgan um teir vanskaptu toskarnar á Stórfjørðinum byrjaði í september í fjør, tá ein maður fekk 1.500 av- skeplaðar toskar í gørnum á fjørðinum. Síðani hava menn fingið meiri enn 3.000 slíkar toskar afturat. Maðurin, sum fekk teir fyrstu vanskaptu toskarnar, ivast ikki í, at teir stava frá alistøðini á fjørðinum, men tað avsannar stjórin á ali- støðini. Sjálvur hevur hann eina aðra hugsan um mál- ið: – Vit mistu 150.000 yngul í ódnarveðri í 2006, og tað kann vera hesin fiskurin, sum framvegis heldur til á fjørðinum. Men talan kann eisini vera um villan tosk ella tosk, sum er sloppin út úr einari alistøð onkra aðra- staðni, sigur stjórin í Stor- fjord Torsk við Noirdlys. Vilja ikki almannakunngera frágreiðing um vanskaptan tosk Sambært norsku myndugleikunum kann tað vera umhvørviskriminalitetur, sum hevur avskeplað toskin Myndir: NRK Náttin er Ung 2010 Leygardagin 20.feb verður ársins fyrsta Náttin er Ung, feita rúsfría tiltakið fyri ung í øllum landinum. Hesu ferð er stórur dentur lagdur á dansitónleikin, sum DJ Ollietuutausend stendur fyri; og fyri at geva eitt serligt ‘club vibe’ er tiltakið flutt í Perluna. Tiltakið bjóðar okkurt til øll ung; bólkarnir, sum framføra spæla alt frá róligum pop tónleiki, doom metal til festligan upbeat tónleik; teir eru Dánial & Bjarki, Hamferð og Nikolina´s Rage. Reinsaríið verður umgjørt til eitt chill out stað, við sølu av pizza, slush ice og øðrum góðgæti. Møguliga verður eisini okkurt eyka undihald. Í sambandi við at føstulávint-vikuna, verður onkur festligur básur ella annað festival undihald á útiøkinum.