týsdagur 23. februar 2010síða 22

22 Nr. 37 - 23. februar 2010 Á heysti 2008 kom fløgan »The Palace« hjá Dánjal á Neystabø út í Føroyum. Fløgan gjørdist væl umtókt kring oyggjarnar, og nú hevur hon eisini vunnið frama í útlondunum. Úr Týsklandi hevur Dánj al áður fingið bjóða plátu­ sátt mála, men ongan, sum var nøktandi fyri unga føroyingin. Nú hevur tað eydnast honum at fáa ein sáttmála, sum lúkar øll krøvini, og fløgan »The Palace« verður í næstum útgivin í Týsklandi, Sveis, Eysturríki, Hollandi, Belgia, Luksemborg, Fraklandi, Bretlandi, Italia, Turkunum og Spania. – Seinastu tvey árini havi eg arbeitt við mínum egna tónleiki sum komponistur og rithøvundur. Eftir at The Palace kom út, fekk eg eina avtalu við eitt týskt booking felag, og sum úrslit av hesum samstarvi havi eg verið á trimum konsert­ ferðum í Týsklandi, sigur Dánjal á Neystabø, sum fegnast um, at tað umsíðir hevur eydnast at fáa eina góðan sáttmála í hús. Ætlanin hjá týska plátufel­ agnum er ikki bert at geva »The Palace« út á nýggjum – ætlanin er eisini, at Dánjal skal útgeva enn eina fløgu á vári 2010. – Í sáttmálanum stendur, at tey útgeva fløguna »The Palace« í vár og eina fløgu aftur næsta vár. Tað vil siga at eg má fara í holt við miðvíst at arbeiða við komandi fløguni. Av tí at mín tónleikur altíð hevur til endamáls at ganga nýggjar leiðir og at vera nýskapandi, er tað sera tíðarkrevjandi og avbjóðandi arbeiði, sigur Dánjal á Neystabø. Dánjal skal í næstum á konsertferð í Týsklandi, men í hesum døgum er hann í Føroyum og leygarkvøldið komandi fer Dánjal at framføra í Sjón­ leikarhúsinum í Havn klokkan 21.00. Fortíðin talar fyri seg Dánjal hevur drúgvar royndir innan tón­ leik, bæði sum lags­ miður og ikki minst sum framførari. Hann hevur nevni­ liga bæði framført sum einstaklingur, men eisini við fleiri ymiskum bólkum. Hann hevur virkað innan fleiri tónleikasjangrur – eitt nú popp/rokk, jazz, fólkatónleik og worldmusic. Hann hevur lokið master­ útbúgving í tónleiki frá Lærda háskúlanum í Malmø. Umframt hetta, so hevur hann eisini gingið á Groningen Conservatorie of Music eitt tíðarskeið og verið í Gambia, har hann hevur nomið sær royndir innan slagverk. Dánjal fingið sáttmála í Týsklandi Føroyski tónleikarin Dánjal á Neystabø hevur undirskrivað umfatandi sáttmála við týskt plátufelag, sum í næstum fer at geva fløgu hansara út í 11 londum Fløguútgávur hjá Dánjali Tangz 1999 Prix Føroyar 1999 Prix Føroyar 2001 Ævintýraferðin 2004 Rókur 2005 Ævintýraferðin 2005 Ævintýraferðin 2006 Ævintýraferðin 2007 Ævintýraferðin 2010 Dánjal ­ The Palace 2008