fríggjadagur 26. februar 2010síða 15

nr. 40 · 26. februar 2010 15 VIKUSKIFTI Noyðast at brenna góð klæðir Burturmist Randi Jacobsen randi@sosialurin.fo Javnan koma fólk í ymiskum ørindum inn í móttøkuna á polisttøðini í Havn, og av og á kemur eisini onkur at spyrja eftir einum bururmistum luti ella við einum luti, sum viðkomandi hevur funnið onkrastaðni. Oftari koma lutir inn, enn teir fara útaftur. Í móttøkuni stendur eitt stórt skáp fult av funnum lutum. Politisturin Tóri Midjord vísir fram, hvat liggur í skuffunum í hesum stóra skáp inum. Ein kassi er fullur av fartelefonum. Poli tiið kann í summum førum finna fam til eigaran, men verri enn so altíð. Ofta koma fólk inn at spyrja eftir eini burtur mistari fartelefon, men tey fáa hana bara, um tey duga pinkoduna. – Ein maður, sum kom at spyrja eftir síni fartelefon, sum var her, var ovur­ fegin um at fáa telefonina aftur, tí tað lógu so nógvar mndir inni á henni, og hesar myndir vildi hann ikki, at onn ur fólk skuldu síggja, sigur Tórði Mid jord. Hann og starvsfelagin Helgi Magn­ us sen hava ábyrgdina av funnu lut­ unum. Heilt nógvar telefonir koma í land av Norrönu. Nógvir lyklar Politiið goymir bara telefonirnar í tríggjar mánaðir. So verða tær fyri­ beindar. Ein annar kassi er dýrandi fullur av lyklum, stórum og smáum. Har liggja fleiri lyklasett. Eru system­lyklar ímill­ um, spyr politiið seg fyri hjá Ruko­fyri­ tøkuni, sum kann upplýsa, hvar lykilin hoyrir til. Heilt nógvir billyklar eru í skuffuni, og Tórði Midjord heldur tað vera løgið, at ikki fleiri bileigarar spyrja seg fyri hjá politinum, tá ið teir hava mist billyklin burtur. Annars er tað rætt iliga vanligt, at fólk koma inn og spyrja eftir burturmistum lyklum. Brillurnar eru eisini nógvar, og tað er ógjørligt at vita, hvør eigur tær. Men ein stórur partur av brillunum fer út aftur, tí fólk, sum brúka brillur, kunnu illa vera tær fyriuttan, og tí spyrja fólk seg fyri hjá politinum eftir brillunum. Gull­ og silvursmúkkur eru nakrar, og so er ein stórur kassi við pungum og smáum taskum. Tá ið einki navn er í, liggja pungarnir og rtaskurnar bara og bíða, til onkur kanska spyr eftir teimum. Krusifiks á uppboðssølu – Eina ferð kom inn eitt krusifiks, sum heilt vist varð stolið úr onkrari kirkju ella onkrum missiónshúsi. Vit lýstu við, at tað var her, men eingin spurdi nakrantíð eftir tí. Endin var, at tað varð selt á uppboðssølu, og ein smágenta keypti tað fyri 50 krónur, sigur Tórði Midjord. Sama var, tá ið ein snøggur virðis­ mikil grindaknívur kom inn. Knívurin varð funnin á vestaru bryggju í Havn, beint eftir at tað hevði verið grind. Knív urin, sum var verdur fleiri túsund krón ur, varð seldur á uppboðssølu fyri 1000 krónur. Higartil eru 60 lutir komnir inn. Í fjør vóru teir 473. Okkurt um 70 prosent fara útaftur. Klæðir úr øllum ættum Í kjallaranum á politistøðini er eitt rúm við størri eigaraleysum lutum. Har standa fýra sekkir av klæðum, sum kioskin í Steinatúni í Havn hevur lat ið inn. Hetta eru klæðir, sum fólk hava gloymt í bussunum. Í einum horni standa fimm sekkir við klæðum av Norrönu. Nakrir sekkir eru fullir av klæðum, sum eru komin úr Badmintonhøllini og Gundadalshøllini. Mest eru tað góðir ítróttarskógvar og troyggjur, sum eru nógv verdar. Alt hetta hava børn og ung fólk átt, tí nummarið á skónum ligg ur millum 35 og 42. Tórði Midjord harmast um, at eing in spyr eftir hesum virðismiklu klæðunum, og hann harmast iki minst um, at tá ið klæðini hava ligið eitt ár á politistøðini, verða tey koyrd á brenni­ støðina. Politiið hevur ikki loyvi til at geva klæðini burtur. Á gólvinum stendur ein eldsløkkjari, sum eingin kenst við, og við síðuna av eitt ølfat. Hetta má vera stolið onkra­ staðni. Tað skvaggar eitt sindur í. Føroya Bjór eigur einki í ølfatinum, og áskrift in er Carlsberg. Neyvan kemur nak ar og spyr eftir tí. Góðar súkklur Undir einum hálvtaki í garðinum standa og hanga súkklurnar í stórum tali. Tær innaru eru allar úr Havn. Uttast standa fýra góðar barnasúkklur, sum í ett ár hava staðið á politistøðini í Klaksvík. Nú eru tær komnar til Havnar, og tær verða seldar á komandi uppboðssølu hjá politinum. Tann uppboðssølan plagar at vera nakað heilt serligt. Nógv fólk møtir, og summi eru heppin og ogna sær eitt nú eina súkklu fyri lítlan pening. Tað er einki mark fyri, hvaT politið fær inn av funnum luTum. nakað verður selT á uppboðssølu, men ein sTórur parTur fer buRtuR. kosTnaðarmikil góð klæðiR hevur poliTiið ikki loyvi Til aT geva øðrum Tórði Midjord og starvsfelagi hansara Helgi Magnussen brúka nógva tíð til at leita eftir teimum, sum eiga allar funnu lutirnar myndiR: jens kristian vang