mánadagur 1. mars 2010síða 32

32 tíðindi Nr. 41 - 1. mars 2010 - Tað eru tey, sum halda seg vera klókari enn vísundin, men upp á longri sikt er tað vísundin, sum hevur vitanina. Okk- ara politikarar eiga at verða stoltir sum pávar av Havstovuni og tí arbeiði, sum hon ger, segði rektari á Fróðskaparsetri Føroya, Jóan Pauli Joensen, tá móttøka fríggjadagin var fyri Hjalta í Jákupsstovu og Eilifi Gaard Móttøka Orð & myndir: Vilmund Jacobsen vilmund@sosialurin.fo Seinnapartin fríggjadagin var almenn móttøka á Hav­ stovuni í sambandi við stjóraskiftið á stovninum. Hjalti í Jákupsstovu, sum hevur verið stjóri á Hav­ stovuni í 22 ár, er nú farin frá vegna aldur. Eftirmaður hansara er Eilif Gaard, doktari í havlív­ frøði. Hann hevur starvast á Havstovuni síðan 1987. Soleiðis hava Hjalti og Eilif eisini verið starvsfelagar gjøgnum mong ár. Væl av fólki var til móttøk­ una. Røður vórðu hildnar, og gávur og blómur handaðar nú fyrrverandi stjóranum og eftirmanni hansara. Umframt Hjalta og Eilif, søgdu eisini landsstýrismað­ urin í fiskivinnumálum, Jac­ ob Vestergaard, formaðurin í Føroya Reiðarafelag, Viberg Sørensen, Jóan Pauli Joensen, rektari á Fróðskaparsetri Føroya og Bogi Hansen, sum eisini er doktari og starvsfelagi hjá Hjalta og Eilifi gjøgnum mong ár, nøkur orð. Hjalti í Jákupsstovu fekk nógv rósandi orð fyri sín leiðandi leiklut á Havstovuni gjøgnum hesi 22 árini, eins og vónirnar um, at Eilif Gaard fer at roynast hollur, eru stórar. Út at ferðast Skemtandi segði Bogi Han­ sen, at nú verður Hjalti í Jákupsstovu ikki longur Føroya størsti syndabukkur, sum hann tók til. Her sipaði Bogi ivaleyst til, at Hjalti ikki longur verður garrant­ urin fyri burðardyggari før­ oyskari fiskiveiði, sum eftir øllum at døma kemur at merkja skert fiskidagatal. ­ Hendan leiklutin tekur nú Eilif Gaard yvir, legði hann aftrat. Bogi segði, at øll eru fegin um, at Eilif er settur stjóri á Havstovuni, og hann helt fyri, at hetta er eitt tað týdningarmesta starv í land­ inum. Starvið krevur dirvi, og tað hevur Eilif. Vegna starvsfólkini á Havstovuni og manningina við Magnusi Heinasyni handaði Bogi Hansen Hjalta eitt skjal sum sigur, at hann eigur eina ferð til eitt nú Prag, París og Rom. ­ Nú skalt tú fara út og njóta hesa ferðina og lívið saman við konu tíni, segði Bogi Hansen. Gott samstarv Jóan Pauli Joensen, rektar á Fróðskaparsetri Føroya, vísti á tað stóra granskingar­ arbeiði, sum Havstovan gjøgnum árini hevur gjørt, og hann vísti eisini á góða samstarvið, sum er millum Havstovuna og Fróðskapar­ setrið. ­ Tað eru tey, sum halda seg vera klókari enn vísund­ in, men upp á longri sikt er tað vísundin, sum situr við vitanini. Rektarin helt fyri, at polit­ ikararnir eiga at verða stoltir sum pávar av Hav­ stovuni og tí arbeiði, sum hon ger. Jóan Pauli Joensen segði, at Eilif byrjaði sína útbúgv­ ing á Fróðskaparsetrinum. ­ Eilif hevur nógv at liva upp til, men eg ivist onga løtu í, at hann verður ein góður leiðari. Starvsfólkini verða leidd av tí sum leiðir, men tey skulu eisini ansa eftir, at leiðarin ikki kemur í óføri, segði rektari á Fróð­ skaparsetri Føroya. Ikki altíð samdur Formaðurin í Føroya Reið­ arafelag, Viberg Sørensen, segði eisini nøkur orð við móttøkuna. Hann rósti Hjalta í Jákups­ stovu fyri hansara verk hesi árini, hann hevur verið stjóri á Havstovuni. ­ Vit hava ikki altíð verið samdir, men vit hava ong­ antíð verið óklárir. Onkuntíð er ketan lopin av millum partarnar, sum hann tók til. Viberg ásannaði, at bæði fiskimenn og ráðgeving ynskja tað sama – at fiska­ stovnarnir skulu vera so væl fyri, at mest møguligt kann fáast burtur úr teim­ um. ­ Vit eru samdir um týdn­ ingin av at ansa eftir fiska­ stovnunum, nú tað treingir saman um, og vit eru frá reiðarafelagsins síðu altíð til reiðar til gott samstarv. Formaðurin í Føroya Reiðarafelag gav eisini til kennar, at partarnir seinastu tíðina eru komnir nærri hvørjum øðrum í spurning­ inum um fiskidagar. ­ Vit gleða okkum til at Hjalti er ikki longur Føroya størsti syndari Tað var landsstýrismaðurin í fiskivinnumálum, Jacob Vestergaard, sum handaði Hjalta í Jákupsstovu málning – og Eilifi Gaard eina bók - Eilif Gaard hevur nógv at liva upp til, men eg ivist onga løtu í, at hann verður ein góður leiðari, segði Jóan Pauli Joensen, rektari Skal leggja av Í USA hevur Barack Obama, forseti, fingið tey ráð, at hann eigur at leggja av at roykja. Ráðini fekk hann, tá hann um vikuskiftið var til kanningar hjá sínum persónliga lækna, Jeffery Kuhlman. Undir valstríðnum segði Obama, at hann ætlaði sær at leggja av at roykja aftan á valstríðið, men seinni hevur hann viðgingið, at hann hevur fest sær í av og á, síðani hann kom í Hvítu Húsini. Hann sigur, at hann hevur næstan lagt av nú, men at hann stríðist við ta seinastu trongdina. Jeffrey Kuhlman sigur, at burtursæð frá roykingini hevður hann onga viðmerking til heilsustøðu ella livihátt forsetans.