týsdagur 9. mars 2010síða 10

10 tíðindi Nr. 47 - 9. mars 2010 Heldur altjóða skráseting Danska stjórnin er ikki nøgd við avgerðina hjá kanadisku stjórnini um, at øll skip, sum sigla ta sokallaðu Útnyrðingsleiðina millum Atlantshavið og Kyrrahavið, skulu lata seg skráseta hjá kanadisku myndugleikunum. Danski uttanríkisráðharrin, Lene Espersen, sigur við Berlingske Tidende, at einki einstakt land skal hava eina tílíka skráseting, tí slíkt skal gerast í altjóða høpi, sigur hon. Danmark hevur tí biðið Kanada um eina frágreiðing um málið, og partarnir hava avtalað at tosa um tað, sigur Lene Espersen við blaðið. Blóðug hevnd Fleiri hundrað fólk eru deyð í ógvusligum ágangi í trimum bygdum í landspartinum Jos í Nigeria. Tíðinda­ stovurnar skriva, at tað eru muslimar, sum hava lopið á tað kristna fólkið í bygdunum, og at talan helst er um hevnd fyri álop á muslimar í sama landsparti fyri nøkrum vikum síðani. Eingin veit við vissu, hvussu mong kristin eru deyð, men sagt verður, at talan er um minst 200. Álopsmenninir brúktu svørð og onnur gomul vápn, og teir vóru eirindaleysir, verður sagt. Í áganginum fyrr í ár, tá muslimarnir stóðu fyri skotum, lótu meiri enn 300 fólk lív, skrivar AFP. – Útlitini hjá teimum, sum lesa okkara út ­ búgvingar á Vinnu­ háskúlanum, sera góð. Valið hjá monnum at taka eina maskin­ meistara útbúgving er eitt sera gott val, sum gevur hin besta pallin at stand á. Tit eru faktiskt gullfiskar, sum øll vinnan í heiminum ynskir at fáa fatur á, segði stjórin á Vinnu­ háskúlanum, Hans Jóhannes á Brúgv, tá hann helt gestarøðu á aðalfundi í Maskin­ meistara felagnum Vinnuháskúli Vilmund Jacobsen vilmund@sosialurin.fo Á aðalfundi hjá Maskin­ meistarafelagnum seinasta leygardag, hevði felagið fingið Hans Jóhannes á Brúgv, stjóra á Vinnu há­ skúlanum, at siga nøkur orð. Í byrjanini av sínum røðu vísti stjórin til bókina hjá Finni Johansen um Maskin­ meistaraskúlan, har hesin sigur, at hendan útbúgving byrjaði í Føroyum í 1965. Hann helt fyri, at soleiðis eru eisini nógvir av limun­ um í Maskin meistara felag­ num útbúnir maskinistar og maskinmeistarar á Maskin­ meistaraskúlanum, sum nú er ein partur av Vinnuhá­ skúl anum. Stjórin vísti á, at henda útbúgving er broytt nakað, og í dag hanga maskinist­ og maskin meistara útbúgv­ ingarnar ikki saman, eins og tær gjørdu fram til ár 2004. – Útbúgvingarnar eru nú tvær ymiskar útbúgvingar. Í dag eitur einki víðkað maskinmeistarútbúgving. Tann víðkaða maskin meist­ arapróvtøkan varð burtur í lógini frá 1988. Hans Jóhannes á Brúgv kunnaði um, at maskinist­ útbúgving í dag tekur níggju mánaðir, og maskin­ meistara útbúgvingin tekur trý ár. Í hesum viðfangi nevndi hann eisini, at skip­ ara­ og skipsføraraút búgv­ ingarnar eru samanhangandi og taka hálvt annað ár hvør. Stjórin segði, at í dag eru tilsamans 254 lesandi á Vinnuháskúlanum. Av hesum eru 110, sum lesa til maskinmeistara og 24, sum lesa til maskinist. Stórur áhugi – Hesi seinastu árini hava fleiri reiðarí verið á skúl­ anum fyri endapróvtøkuna, eins og setanarsamrøður hava verið próv handanar­ dagin. Hetta skapar álit og stoltleika um fakið og vísir, at limirnir í Maskin meist­ arafelagnum hava eina eftirspurda útbúgving. Stjórin vísti á, at heims­ búskaparkreppan ávirkar okkum øll og harvið eisini teir nýútbúnu á Vinnuhá­ skúlanum. – Tó haldi eg meg kunna siga, at broytingin er, at lidnu næmingarnir nú bíða nakrar fáar mánaðir – og so býtir á, sum hann tók til. Hans Jóhannes á Brúgv nam við, at vit í 2009 hava hoyrt um, at tey størru donsku reiðaríini hava sagt upp yvirmenn fyri síðan at seta fólk úr øðrum tjóðskapi umborð. – Men her er longu broyt­ ing við at koma í. Stór reiðaríir hava í februar í ár sett seg í samband við Vinnuháskúlan við áheitan um at fáa fatur á teimum, sum fingu prógv á jólum. Eisini ynskja reiðaríini at tosa við teir, sum eftir ætlan fáa prógv í juni í ár, segði hann. Stjórin á Vinnuháskúl­ anum vísti eisini á nøkur áhugaverd tøl hjá DREWRY, og her verður mett, at longu í 2013 verður ein tørvur á 56.000 offiserum kring um heimin. – Harvið eru útlitini til tey, sum lesa okkara út ­ búgv ingar á Vinnuhá skúl­ anum, sera góð, helt hann fyri, Hetta viðførir sjálvandi eisini, segði Hans Jóhannes á Brúgv, at korini gerast enn betri og koma orðini í lýsingum skúlans ­ makt, frítíð og pengar ­ at vera enn sjónligari í framtíðini. Stjórin á Vinnuháskúl­ anum helt, at valið hjá monn um at taka eina maskin meistaraútbúgving er eitt sera gott val, sum gevur hin besta pallin at stand á. – Tit eru faktiskt gull­ fiskar, sum øll vinnan í heiminum ynskir at fáa fatur á, legði hann aftrat. Broytingar ávegis Hans Jóhannes á Brúgvi vísti á, at broytingar eru fyri framman. – Í øllum londum kring okkum eins og í øðrum londum við, eru útbúgv­ ingarnar fyri maskin meist­ arar og skipsførarar broyttar til útbúgvingar á bache lor­ støði. Sum dømi um hetta kann nevnast, at allar maskin meistara útbúgving­ arnar í Danmark vórðu broyttar til proffessions­ bache lor í 2004. Soleiðis eru tað seks ár síðan, at danir framdu hesa broyt­ ing. Stjórin vísti á, at Vinnu­ háskúlin setti niður ein arbeiðsbólk, og í 2006 varð álit sent landsstýrismann­ inum í mentamálum, har skúlin vísti á, at neyðugt er at fylgja við rákinum. – Útbúgvingarráðið fyri útbúgving av fólki á sjó­ num, ið er mannað við umboðum frá Maskinmeist­ ara felagnum, SEV, Reið­ arafelagnum fyri farmaskip, Føroya Reiðarafelag, Skipa eftirlitinum og Skipar­ og Navigatørfelagnum, hava viðgjørt hetta mál. Niðurstøða er gjørd og sendi útbúgvingarráðið hin 21. apríl í 2008 tilmæli til Mentamentamálaráðið, har heitt varð á lands stýris­ kvinnuna um at skipa maskinmeistara­ og skips­ føraraútbúgvingarnar á bachelorstøði. Hans Jóhannes á Brúgv segði, at fyrimunirnir við bachelorstøði eru, at vit tá fáa ein enn betri kvali fiser­ aðan maskinmeistara og skipsførara. – Skipini veksa, motorar­ nir veksa, teknikkurin veks­ ur, ábyrgdin økist og harvið krøvini til yvirmenninar. Samstundis økjast krøvini til aðrar tilknýttar fakbólkar Maskinfólkini eru gullfiskarnir, sum vinnan spyr eftir – Stór reiðaríir hava í februar í ár sett seg í samband við Vinnuháskúlan við áheitan um at fáa fatur á teimum, sum fingu prógv á jólum. Eisini ynskja reiðaríini at tosa við teir, sum eftir ætlan fáa prógv í juni í ár, segði Hans Jóhannes á Brúgv, stjóri á Vinnuháskúlanum, á aðalfundi í Maskinmeistarafelagnum Mynd: Snæbjørn í Dali