leygardagur 29. desember 2001síða 6

10 Nr. 250 - 29. desember 2001 Nr. 250 - 29. desember 2001 11 Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Tíðindaleiðari: Jústinus Eidesgaard justinus@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Anja Weihe anja@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Turið Kjølbro turid@sosialurin.fo Stefan í Skorini stefan@sosialurin.fo Heri á Rógvi heri@sosialurin.fo Ítróttur: Jákup Mørk jakup@sosialurin.fo Myndamenn: Jens Kristian Vang jensk@sosialurin.fo Álvur Haraldsen alvur@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1 700 Klaksvík tel. 458686 fax 458687 e-post: klaksvik@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Nú tygum sita við tí seinasta blaðnum í ár, kunnu vit gera støðuna íføroyska samfelagnum upp í stuttum: Fyri jól frættu vit frá Hagstovu Føroya, at føroyskir løntakarar hava forvunnið meiri enn fimm milliardir krónur frá januar til november. Talan er um heimsmet í búskaparvøkstri, ásannaði stjórin í Landsbanka Føroya. Eftir fáum árum eru lønarútgjaldingarnar í Føroyum nærum tvífaldaðar. Frá tí ringastu kreppuni í nýggjaru søgu Føroya fyri bara 10 árum síðani, ríður føroyska samfelagið ídag á einum búskaparligum aldukambi. Somuleiðis síggja vit í Hagtíðindunum, hvussu nógv fiskiveða føroyingar er økt seinastu árini. Ikki minst tá tað snýr seg um tann dýrara fiskin. Men tað er tann økta veiðan og teir methøgu fiskaprísirnir, sum er grundarlagið fyri búskaparvøkstrinum. Taka vit so tað meiri dagliga, so siga handilsfólk, at tey hava ongatíð selt so nógv til jóla sum í ár. -Fólk spyrja slettis ikki um prísir. Tey bara fylla í kurvar og vognar, og keypa fyri bæði 1000, 2000 ella 3000 krónur í mati og gávum, siga tey. Sjálvandi fegnast allir føroyingar um, at tað eftir fáum árum eydnaðist at venda búskapargongdini frá hóp arbeiðsloysi, armóð, fátækradømi, trotabúgvum, húsagangi, ampa og trega til støðuna í ár, nú alt tykist ganga sum eftir ánni? Men ger tað nú tað, og hava vit ikki líkasum gloymt allar ávaringarnar vit fingu í nítiárunum um “gull- kálvadansin” í áttatiárunum? Nógv hava gloymt tað, men hóast alt er samfelagið betri fyri nú, siga m.a. búskapar- og samfelagsfrøðingar. Hóast allan viðburð mugu vit kortini ásanna, at ongatíð stendur so illa til, tá vit hugsa um pensjónistar okkara. Pensjónin er lág. Eldrarøktin er vánalig. Eingin tíð og peningur til eina líkinda heimahjálp. Fleiri hundrað - kanska 500 - eru á bíðilista fyri at sleppa á ellis og røktarheim! Á Landssjúkrahúsinum er so knívskorið, at 18 sjúkrasystrar siga upp, tí tær orka ikki meira - ja, hópuppsagnir í heilsuverkinum í 2001. Fólkaskúlin hevur ongantíð ment seg eftir kreppuna. Á bústaðar- marknaðinum er nærum lógloysi. Einki forðar himmalhøgum prísum á sethúsum og íbúðum, og eingin leigulóg at seta karmar upp fyri einum leigumarknaði. Henda støðan og vantandi ansingar- pláss gera, at fólk venda ikki aftur til Føroya og setir mong fólk í eina tronstøðu. Vit fara inn í eitt nýtt ár við góðum byri, men nógv lýti eru í føroyska vælferðarsamfelagnum. Lýti, sum landsins myndugleikar ikki gera nóg mikið við fyri at fáa burtur. Við vón um, at komandi ár fer at vera gott og eydnuríkt hjá upp aftur fleiri føroyingum, ynskja vit tykkum alt tað besta í komandi tíð! DAGSINS MEINING Sosialurin Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Góðan byr - mong lýti VIÐMERKINGAR Høgni Hoydal Føroyski javnaðarflokk- urin má koma burturúr síni støðu, har hann er ímóti øllum samstarvi og framburði, ið miðar móti fullum sjálvstýri. Allir aðrir javnaðar- flokkar í heiminum stuðla tjóðarfrælsi og javnbjóðis samstarvi millum lond. Vit samstarva væl við javnaðarfólk í Grønlandi og Íslandi, og tey taka sjálvsagt undir við fullum sjálvstýri. Og hetta er prógvað við tí søguliga samstarvinum á fólka- tingi í Norðuratlantsbólk- inum. Heldur enn at grenja um hetta, átti javnaðar- flokkurin í Føroyum at lært av formatinum hjá okkara frændum í Norð- uratlantshavi. Eitt søguligt samstarv mill- um grønlendingar og føroy- ingar er skipað á fólkatingi. Vit hava skipað Norður- atlantsbólkin. Vit vilja í felag stríðast fyri viður- kenning av føroysku og grønlendsku tjóðini og teimum rættindum, vit hava sum fólk. Tað sum uppi í hesum hongur er m.a.: Okkara ognarrættur til undirgrund og ráevni. Okk- ara tjóðarmál, sum hava ment seg við tógvið stríð, men sum Danmark hevur lýst sum minnilutamál. Okkara rættur til at sam- skifta við heimsins tjóðir uttan at spyrja Danmark um loyvi. Okkara rættur til at fáa fult innlit í hernaðar- viðurskifti og sjálvi gera avtalur um hetta. Okkara rættur til at skipa sjálvstøð- ugar tjóðir uttan peninga- ligt trýst og hóttanir. Og vit vilja í felag við grønlendingar stríðast fyri upplýsing og kunning til danir um sjálvstýrisstríðið í londunum báðum. Hetta eru eisini júst tey endamál, sum vit løgdu fram í valstríðnum. Gott samstarv við Grønland og Ísland Vit hava eisini eitt sera gott samstarv við íslendskar po- litikarar uttan mun til floks- lit, og íslendskir javnaðar- menn stuðla sjálvsagt før- oyska sjálvstýrisstríðnum. Hetta eru øll fegin um í Grønlandi, Íslandi og helst í Føroyum við. Tí hetta er jú tað, sum allir flokkar siga seg taka undir við og standa saman um. Hetta kann bert gagna samstarv- inum í Norðuratlantshavi, at vit kunnu samstarva sum sjálvstøðugar tjóðir. Føroyski javnaðar- flokkurin í øðini Men í Føroyum sita Jó- annes Eidesgaard og før- oyski javnaðarflokkurin. Teir eru í øðini. Teir for- klaga tey, sum samstarva um sjálvsøgd rættindi – rættindi, sum javnaðar- flokkurin enntá sigur seg taka undir við. Hov, hov, sigur føroyski javnaðarflokkurin. Tað eru bara teir politikarar, sum eru valdir í Danmark, sum hava rætt til at siga nakað um føroysk viðurskifti. “Tað er ikki vanlig sið- venja, at politikarar leggja seg út í viðurskifti í einum øðrum landi”(!), sigur Jó- annes Eidesgaard. Skulu vit flenna ella gráta? Hetta sigur hann samstundis sum hann hevur biðið danskar politikarar ferð eftir ferð um at leggja seg beinleiðis út ímóti løgtingsmeirilutanum í Føroyum. Hvør minnist ikki Ole Stavad og Poul Nyrup, sum vórðu bodnir til Føroya at hótta við ein- um og øðrum, um føroying- ar tóku undir við sínum egna landsstýri? Hvør minnist ikki, hvussu allar hóttanir og krøv frá donsku stjórnini hava verið vard av Jóannesi Eidesgaard og javnaðar- flokkinum? Bara danir skulu blanda seg uppí Fólkatingið hevur ein 21- mannabólk, sum skal við- gera samráðingar við Før- oyar. Neyvan kennir nakar av teimum donsku politik- arum nakað til Føroyar. Teimum skulu vit lurta eftir, sigur Jóannes Eides- gaard, og tey skulu siga okkum, hvat vit skulu og ikki. Men dittar ein grønlend- ingur, sum lógliga er valdur á fólkating, sær at siga nak- að um Føroyar, so er tað ikki fyri mark, heldur Jó- annes Eidesgaard. Og dittar ein íslendingur sær at spyrja danir um teirra føroyapolitikk, sum ein íslendingur gjørdi á Norðurlandaráðsfundi, so skal hann fáast at tiga, segði ein føroyskur javnað- armaður á sama fundi. Hvat er hetta fyri hug- burður? Eg gleðist í hvussu er um, at Lars Emil Johansen og aðrir grønlendskir po- litikarar bert flenna at hesum lótum. Teir hava format og bera seg fram sum statsmenn. Ikki sum fornermaðir skúladreingir. Javnaðarflokkurin isolerar seg “Umboðið á fólkatingi hjá tjóðveldisflokkinum um- boðar ein minniluta í Før- oyum, sigur Jóannes Eides- gaard.” Hvussu veit hann tað? Og vil tað siga, at Jó- annes ikki tekur undir við, at føroyingar og grønlend- ingar eru tjóðir við sjálv- søgdum tjóðarrættindum? Vit kunnu so spyrja før- oyska javnaðarflokkin, hvagar hann fer? Finst bara eitt samstarv – nevniliga tað, har danskir javnaðar- menn siga teimum før- oysku, hvat teir skulu gera? Ætlar javnaðarflokkurin fullkomiliga at isolera seg í heiminum? Javnaðarflokkurin hevur nú í 4 ár trúttað niður í før- oyingar, at tjóðveldismenn vilja ikki samstarva. Men veruleikin er, at vit hava eitt framúr gott samstarv við politikarar og ikki minst við javnaðarpolitikarar í okkara grannalondum og víða um heim. Ongin av teimum skilur, at í Føroyum finst ein flokkur, sum rópar seg javnaðarflokk, men sum stríðist ímóti tjóðarfrælsi og fullum fólkaræði í Før- oyum. Ongin av teimum skilur, at í Føroyum finst ein flokkur, sum sigur, at føroyska verkamannafjøld- in skal kenna seg bundnan av pengum úr einum øðrum landi. Hvørki sosialt ella demokratiskt Hetta gongur jú beint ímóti javnaðarhugsjónini. Hetta er jú hvørki sosialt ella demokratiskt. Aðrastaðni í heiminum eru javnaðar- flokkar bygdir á hugsjón- irnar um fólkaræði og eitt javnt býti av virðunum millum fólk í einum landi. Ikki á, at ein fjøld skal vera heft av pengum frá øðrum og afturfyri lata sítt sjálv- ræði og síni rættindi frá sær. Tí skal mín áheitan á javnaðarflokkin vera, at hann fer undir at samstarva og hugsa longur enn til nalvastrongin til Danmark- ar. Tá hevði nógv kunnað komið burturúr. Hvussu hevði tað verið at lært nakað av Lars Emil Johansen? Tað kundi verðið eitt gott nýggjárslyfti. Er javnaðarflokkurin farin í sjálvbodna isolasjón? VIÐMERKINGAR Jóannes Eidesgaard Men munurin millum okk- um og Tjóðveldisflokkin er, at vit virða tey, sum eiga avgerðina. Í sjálvstýrismál- inum er tað okkara egna fólk, sum eigur avgerðina og hvørki danskir ella grøn- lendskir javnaðarmenn ella annað gott fólk. Vit seta ikki skrivstovur á stovn fyri danskar pengar fyri síðan at biðja aðrar stríða tað góða stríðið, nei hetta stríðið eiga vit sjálvir, og stríðs- vøllurin er her heima á klettunum. Vit útflyta ikki málini til onnur at taka avgerðir um. Makan til snaran og reingjan av veruleikanum, sum Høgni Hoydal ger seg til talsmann fyri í greinini “Er javnaðarflokkurin farin í sjálvbodna isolasjón?” skal man leita leingi eftir. Hevði satt at siga ikki trúð, at ein politikkari kundi fara so lætt um sannleikan og søguliga veruleikan, sum formaður tjóðveldisflok- sins ger i hesi greinini. Alt verður vent á høvdið fyri síðan at gera tað annars í øðrum samanhangum so kendu niðurstøðuna, at bara teir og teir einsamallir sita við sannleikanum og tí verululigu sakini. Øll vit onnur eru lyguvættir, grenj og fullkomiliga uttan evnir til at síggja, hvussu mál skulu loysast. Hann fer enntá so langt sum at siga, at tað eru teir sum standa fyri samstarvi og framburði. Hugsi tykk- um til, hesin flokkur, sum ikki hevur gjørt annað enn at ferðast frá tí eina sam- anbrestunum til tann næsta, nú eru teir knappliga vorðnir eitt við samstarvið sum rættir friðarapostlar. Og so eru tað vit onnur, sum ikki virða aðrar po- litikkarar úr øðrum lond- um, ja væl at merkja um teir ikki eru úr Danmark fyri at brúka Høgnasa egnu orð. Aftur ein kolasvørt lygn, tí neyvan nakar annar flokkur hevur so glæsiligt samstarv við aðrar flokkar í Norðurlondum at vísa á, sum júst føroyski Javnaðar- flokkurin. Men munurin er, at vit vita, hvat vit skulu samstarva um og ikki. Vit fara ikki til teirra við tí, sum vit ikki sjálvur megna. Vit fara ikki og biðja teir loysa teir trupulleikar, sum vit ikki koma á mál við her heima. Tað er ivaleyst aðal- munurin. Ætla tit kanska eisini at fáa Lars Emil og Kuupik Kleist at loysa trupulleikar- nar á B6, innan eldraøkið, íbúðarviðurskiftini, heima- røktina, skúlaverkið o.s.fr.? Bræv mítt til Lars Emil verður sjálvandi eisini mistulkað. Uttan dropan av sakligheit, so verður alt annað lagt í hetta skriv. Skrivið sigur stutt og greitt, at tá Lars Emil ger seg til talsmann fyri Høgna og Torbjørn, so ger hann seg til talsmann fyri ein minni- luta í Føroyum, og at hetta tykir okkum at vera sera óheppið. Høgni, Torbjørn og Tjóðveldisflokkurin um- boða 24,9% av føroysku veljarunum, men als ikki hini 75,1%. Og harðrenda og lítið semjusøkjandi støða teirra leiðir teir út í isolasjónina, sum teir ann- ars spáa okkum. Føroyska sjálvstýristil- gongdin er hvørki eitt danskt, grønlendskt ella eitt íslendskt mál. Tað er snøgt sagt okkara egna mál. Tað skulu eingir aðrir enn vit føroyingar siga, hvar skáp- ið skal standa í hesum máli. So kunnu vit annars sam- starva so galt vit vilja um onnur mál. Og hví gjørdist Høgni ikki limur í Føroya-nevnd- ini? Honum stóð jú sessurin í boði, sum eisini rímiligt var, men hann takkaði nei og bað Lars Emil átaka sær uppgávuna fyri seg. Óhefta føroyska røddin vildi ikki sjálvur umboða Føroyar, men valdi ein annan til tað.Og hann fekk ikki sessin í boði frá einum donskum bólki, sum eg gjørdi, men teirra egni bólkur fekk hann tillutaðan. Tað eru ótrúliga mong við mær, sum ikki skilja hasa støðutakanina. Nei, Høgni - Javnaðar- flokkurin hvørki isolerar seg her heima ella aðra- staðir. Vit hava gjørt vart við nøkur viðurskifti, sum átti at verið øllum sjálv- søgd, men opinbart ikki eru tað, tá samanum kemur. Og hví hevur løgmaður eisini skrivliga latið nýggju føroysku fólkatingsumboð- ini vita, at tey ikki hava nakað mandat til at tosa landsstýrisins søk? Hetta er fyrstu ferð í søguni, at løg- maður hevur tikið slíkt stig. Og hví slær løgmaður fast á tingi, at Norðuratlantiski bólkurin ikki er talsmaður fyri landsstýrið? Jú, tí løg- maður skilir millum, hvat er partapolitikkur, og hvar er landsstýrisins politikkur. Og løgmaður skilir ímill- um, hvat vit sjálvir skulu taka okkum av, og hvat vit samstarva við aðar um. Og uttan iva tí at løgmaður er í iva um, um nú aðrir eisini skilja tað. Nú gevur tú Javnaðar- flokkinum góð ráð um nýggjárlyftið, men tað fara vit at finna útav sjálvir. Besta nýggjárslyftið vit kunnu geva føroyingum er, at vit verða menn fyri at loysa eisini hetta stórmál. Ikki við at brúka aðrar sum skotbjálvar og enn minni at brúka aðrar stríðsvallir enn tann føroyska Avgerðina eiga bert vit sjálvi - og takk fyri, at so er. Javnaðarflokkurin fer inn í tað nýggja árið við opnum sinni til samstarv ikki bert fyri at loysa hetta málið, men sanniliga eisini øll hini, sum liggja og bíða. Fyrst og fremst samstarv her í Føroyum, men eisini samstarv um røttu málini í altjóða høpi. At enda vil eg ynskja tær og øllum føroyingum eitt gott nýggjár. Javnaðarhugsónin byggir alt á samstarv og loysnir Helena Dam á Neystabø tingkvinna Fíggjarlógin fyri næsta ár er nú samtykt í Løgtingin- um. Men hóast nógvar royndir vóru gjørdar at hækka pensjónirnar, bleiv ikki ein króna játtað afturat til pensjónir næsta ár, ikki ein króna. Tað vóru mong sum fegnaðust fyri tveimum árum síðani, tá ið næstan hvør einasti pensjonistur av álvara sá á lønarseðlinum, at nú var ein bati at hóma. Tá fekk hann ella hon, sum bara hevði sína fólkapen- sjón at liva fyri, út ímóti 1000 kr meira hvønn mán- aða. Mong høvdu vónað, at fíggjarlógin fyri 2002 skuldi gera tað møguligt, at fremja eina líka góða hækking næsta ár. Men so var ikki. Tá ið triðja við- gerð av fíggjarlógina var av, vóru uppskotini um at hækka pensjónirnar feld. Tað stóð ikki á at játta milliardir Tað stóð annars ikki á at játta pening – og nógvan pening til ymisk endamál. Umframt eina fíggjarlóg uppá uml. 3,5 milliardir krónur. So samtykti Løg- tingið at byggja eitt nýtt strandfaraskip og ein undirsjóvartunnil afturat, sum koma at kosta eina slaka milliard tey næstu trý árini. Hetta eru nógvir pengar. Ein og sama dag samtykti Løgtingið at játta allar hesar pengar. Men 29 milliónir til pensjonistarnar orkaði man ikki at atkvøða fyri. Av einari fíggjarlóg uppá 3.5 milliardir krónur eru 29 milliónir ein dropi í havið. Tað er minni enn eitt pro- sent. Men til akkurát hesar pengarnar, má man hava ekstra nógva tíð at umráða seg. Hóast tørvurin er tann størsti hjá júst hesum fólkum. Men at játta eina milliard til stórar íløgur uppá nakrar fáar dagar er einki problem. Tað skuldi helst verið soleiðis, at eisini pensjonistarnir hava ráð at sigla við Strandfersðluni, ella at fara gjøgnum tunl- arnar. Ein giftur fólkapensjon- istur fær í dag í mesta lagi 4.678 kr um mánaðin í pensjón. Tað sigur seg sjálvt, at soleiðis sum alt er blivið dýrari seinastu tíð- ina, so eru ikki nógvir pengar eftir, tá ið allar fastar útreiðslur eru goldn- ar. Tað átti ikki at verið trupult at sannført Løgting- ið um, at ein hækking er neyðug. Framvegis alt ov stórur munur Tað er framvegis alt ov stórur munur á, hvørjar umstøður folk hava á ellisárum sínum. Saman- borið við búskaparvøkstur og útreiðsluvøkstur og lønarhækking hjá øllum øðrum føroyingum, er tað Løgtingsins skylda at tryggja eina hækking í fólkapensjónini, sum mun- ar. Annars koma tey gomlu bara at kenna búskapar- framgondina sum eina stóra byrðu. Eingin hevur meiri enn tey gomlu uppiborið lut í tí framburði, sum er í samfelagnum í dag. Hvat er tað so sum skal gerast ? Fyri tað fyrsta skal samlaða útgjaldið t.v.s. grundarupp- hædd og viðbøtur verða hægri. Í ár 2000 varð henda upphædd hækkað við uml. 1000 kr. um mánaðin. Ein samsvarandi hækking ber væl til at fremja eina ferð afturat nú. Fyri tað næsta skulu vit miða eftir at minka og heilt taka burtur munin millum pensjónina hjá giftum og ógiftum. Tað er mannmink- andi og í móti øllum hug- burði um javnstøðu millum manna og millum kvinnur og menn, at varðveita henda munin. Løgtingið kann samtykkja at minka henda munin burtur yvir eitt áramál - t.d. trý ár. Henda broyting eigur sjálv- sagt at vera galdandi fyri øll, bæði fólkapensjónistar og fyritíðarpensjónistar. Fyri tað triðja skulu vit tryggja, at ein fólkapen- sjónistur kann forvinna sær nakrar krónur, uttan at hann ella hon harfyri missir burt- urav pensjónina. Í dag ber til at forvinna 21.400 kr. um árið, áðrenn pensjónin minkar. Hetta er ikki meira enn ein góð mánaðarløn. Henda upphædd átti at verið hægri, í hvussu so er 50.000 kr. beinanvegin. Felags fyri allar ábøtur, sum verða gjørdar, er, at ansast má eftir, at ábótin hvørvur ikki í einum hægri skattatrýsti. At gera eina fíggjalóg er ein spurningur um at prioritera – at raðfesta. Hesa ferð vóru onnur ting raðfest fram um pensjón- irnar. Men tað ber til at raðfesta øðrvísi. Pensjónir við sviðið soð Fíggjarlógin samtykt – men ikki ein króna afturat til pensjónir Aftur í ár skipar samkoman Filadelfia í Havn fyri einum nýggjárstiltakiHetta er triðja árið á rað, at sam- koman skipar fyri konsert nýggjársaftan. Undanfarin ár hevur tiltakið verið í Badmintonhøllini í Gunda- dali, men í ár hevur sam- koman bílagt Ítróttarhøllina uppi á Nabb. Tiltakið byrjar eins og hini árini kl. 01.00, t.v.s. júst eftir midnátt, og fyrireikararnir siga, at júst hetta tíðspunktið hóskar sera væl, tí tá eru øll liðug at skjóta, og síðani kunnu fólk hóskandi leita sær til eina rimmar konsert. Undanfarin ár hevur dentur verið lagdur á lov- sang, men í ár verður til- takið víðkað. Umframt lov- sangshópin hjá Filadelfia, luttekur eisini bólkurin “Liquid Gravity”, og har- umframt fer evangeliski felagsskapurin 1800, ella one eigthy, sum hann eisini verður róptur, at býta út suppu. Suppan er vorðin kend í náttarlívinum í Havn um vikuskiftini. One eigthy hevur í einar 4 mánaðir staðið niðri í miðbýnum hvørt vikuskifti um náttina og býtt út suppu til tey mongu ungu, sum eru í býnum um vikuskiftið. Tiltakið hevur verið sera væl móttikið, og á henda hátt er suppan vorðin kend sum “Jesus-suppan”. Fyri- reikararnir fegnast um, at “one eigthy” hevur játtað at luttaka á konsertini, og teir ynskja at kunna væl um hetta, so at tey mongu, sum kenna suppuna, skulu leita sær niðan á Nabb júst eftir midnát nýggjársaftan. Fyrireikaranir siga, at øll sjálvsagt eru vælkomin, men samstundis gera teir vart við, at konsertin í síni heild er mest ætlað til tað unga fólkið. Fyrireikararnir siga eis- ini, at tiltakið sum so ikki er bert fyri at skapa undir- hald, men líka nógv fyri at gera eina positiva ávirkan á støðuna í landinum og ikki minst í Havnini. Møguleiki verður eisini at keypa sær sodavatn, chips o.a. undir konsertini. Talan er um ókeypis atgongd. Nýggjárstiltak við Jesus-suppu C M Y K 11 10