mikudagur 24. mars 2010síða 14

14 Nr. 58 - 24. mars 2010 tíðindi Tórshavnar Býráð hevur nú sett skjøtil á arbeiðið at gera eina brúgv um Sandá, sum skal binda saman ringvegin um Havnina og Glyvursvegin út á Argir FERÐSLA Eirikur Lindenskov eirikur@sosialurin.fo Tórshavnar Býráð boðar frá, at nú Glyvursvegur er um at verða liðugur, er næsta stigið at gera brúnna um Sandá, so nýggja far­ leiðin út á Argir frá ring­ vegnum uttan fyri kirkju­ garðin við Velbastaðvegin út í Glyvursvegin, kann takast í nýtslu. Bygginevndin fyri brúnna um Sandá er nú mannað, og í nevndini eru sjey limir, fýra limir eru úr kommunalu umsitingini, teir eru Boði Haraldsson, býarverk frøð­ ingur, Mikael Viderø, býar­ arkitektur, Heri Olsen, roknskaparleiðari, Michael Jacobæus, landskaps arki­ tektur. Tey trý politisku um ­ boðini í bygginevndini eru, Marin Katrina Frýdal, forkvinna í teknisku nevnd, Sjúrður Olsen, nevndarlimur í teknisku nevnd og Bogi Andreasen, formaður í byggi­ og býarskipanar­ nevndini, sum øll síggjast á myndini. Ymsar brúgvaloysnir hava verið umrøddar, tó eru politisku umboðini samd um, at brúgvin skal verða snøgg, einkul og skal vera eitt prýði fyri økið. Brúgvin skal ikki fylla óneyðuga nógv í landslagnum, tí landslagið og áin eru vøkur frá náttúrunar hond, og tí skal ikki stjalast nakað frá henni við eini yvir dimen­ sionerari brúgvaloysn. Eisini eru politisku umboðini samd um, at áin ikki skal rørast og at tað skal vera møguleiki at ganga fram við áarbakk­ anum. Ein slík brúgv er rættiliga dýr at byggja, og enn er peningur ikki settur av til verkætlanina, men meiningin er at fáa hana inn í langtíðar íløguætlanina hjá kommununi. Nevndin fer nú at arbeiða við fyrireikingini av at gera brúnna, tá ið tað er langt ímillum at brýr av slíkari stødd verða bygdar í Før­ oyum er fyrireikingar­ arbeiðið drúgt og neyðugt er at søkja sær servitan. Eisini skulu friðingar mynd­ ugleikarnir góðtaka brúgva­ loysnina. Dokumentarfilmur og fyrilestur um svenska dramatikaran Lars Norén MENTAN Tíðindaskriv Hóskvøldið verður sera áhugaverd filmssýning við fyrilestri og orðaskifti í Norðurlandahúsinum. Tað er Per Zetterfalk úr Svøríki, ið fer at sýna sín doku­ mentarfilm KALL um Lars Norén, ið verður roknaður fyri at vera ein hin fremsti svenski dramatikarin síðan Strindberg. Leikirnir hjá Lars Norén eru nógv leiktir runt um í heiminum, og hann er ein á allan hátt ein sera kreativur persónur. Í tvey ár fekk Per Zetterfalk loyvi at sleppa handan leiktjøldini og fylgja við tí annars so fjøl­ miðlasmæðna Lars Norén og fáa eitt innlit í norensku skapanartilgongdirnar, sum eingin undan honum hevur megnað. Um dokumentarfilmin KALL hevur kendi danski dokumentarframleiðarin Jørgen Leth sagt: »Ein týdningarmikil filmur. Norén er ein risi, og Zetterfalk letur hansara heilt serstøku arbeiðis til­ gongdir upp fyri okkum«. Hóskvøldið verður høvi at síggja dokumentarfilmin og hoyra Per Zetterfalk greiða nærri frá um Lars Norén og filmsfram­ leiðsluna annars. Eisini verður høvi at skifta orð við Per og seta honum spurn­ ingar. Tiltakið er alment og ókeypis og byrjar kl. 19.30. Ein dýr og vøkur brúgv skal gerast um Sandá Uppskot um, hvussu brúgvin um Sandá kann síggja út Politisku umboðini í bygginevndini fyri brúnna um Sandá, eru Marin Katrina Frýdal, Sjúrður Olsen og Bogi Andreasen Lars Norén í Norður landahúsinum