fríggjadagur 4. januar 2002síða 6

10 Nr. 2 - 4. januar 2002 Nr. 2 - 4. januar 2002 11 Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Tíðindaleiðari: Jústinus Eidesgaard justinus@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Finnbjørg Nattestad finnbjorg@sosialurin.fo Anja Weihe anja@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Turið Kjølbro turid@sosialurin.fo Stefan í Skorini stefan@sosialurin.fo Heri á Rógvi heri@sosialurin.fo Ítróttur: Jákup Mørk jakup@sosialurin.fo Myndamenn: Jens Kristian Vang jensk@sosialurin.fo Álvur Haraldsen alvur@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1 700 Klaksvík tel. 458686 fax 458687 e-post: klaksvik@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 311820, Fax 314720 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Eftir at hava hoyrt um óhugnaligar vanlukkur í fjallatunlum í Alpunum nú fleiri ferðir, har mong menniskju eru brend í hel, hava helst mangir føroyingar gjørt sær tankar um, at hetta eisini kann henda her heima hjá okkum. Og hetta hevur so fingið fólk at spyrja um trygdina í okkara tunlum. Tað vísir seg tíanverri at verða so, at einki ítøkiligt hendir, fyrr enn ein vanlukka er hend. Hetta kenna vit alla staðni frá. Nú hendi so ein vanlukka í einum av okkara tunlum, men til alla lukku kom eingin til skaða. Men vrakið av tí fullkomiliga útbrenda buss- inum stendur tó sum ein álvarsom ávaring til avvarandi myndugleikar. Spurningurin er so, um henda ávaring er nóg stór til, at málið verður raðfest hægri. At eldur kemur í ein buss er nakað, sum kann henda. Men spurningurin tá er, um trygdarútgerðin er í lagi og um starvsfólk eins væl og ferðandi vita, hvussu man skal fyrihalda sær í slíkari vandastøðu. Uppá fólkatalið hava vit í Føroym sera nógvar tunlar, og nú tveir undirsjóvartunlar koma aftrat er greitt, at trygdin í sambandi við tunlar eigur og má setast í hásæti. Men hvussu er tá stætt við trygdini í verandi tunlum og hvussu hava myndugleikarnir tryggjað komandi undirsjóvartunlar móti slíkum vanlukkum. Hetta eru spurningar, sum eiga at verða viðgjørdir her og nú. Fyri at hetta ikki bara skal blíva eitt upplop hevði tað verið rætt, um t.d. stjórin á Ráðnum fyri Ferðslu- trygd tók telefonina og ringdi til stjóran í Norðurlandahúsinum og bað um innivist tíðliga í vár til eina ráðstevnu um trygdina í okkara verandi og komandi tunlum. At sakkøn fólk komu úr út- landinum at greiða frá, og at gjørd var ein fullkomin gjøgnumgongd av øllum verandi tunlum í landinum. At sakkøn fólk og vanligir brúkarar av tunlunum kundu sitið saman og viðgjørt hetta álvarsmálið og harvið fyribyrgt eini møguligari komandi vanlukku. Tað er líkasum ikki nokk bara við einum orðaskifti í miðlunum, tí har er so nógv annað, sum upptekur fólk, eitt nú komandi val. Eftir okkara tykki er hetta so mikið álvársligt og stórt evni, at tað átti at fingið innivist á ráðstevnu ella hoyring í Norðurlanda- húsinum tíðliga í vár. Um ikki Ráðið fyri Ferðslutrygd heldur hetta vera nóg stórt evni til slíkt tiltak, so kanska Vinnu- málatýrið og Landsverkfrøðingsstovnurin taka tað upp. Miðlarnir vilja eisini geva sítt íkast. At valár er átti so eisini at gjørt, at okkara politikarar settu umrøddu trygd ovarliga á evnislistar sínar. DAGSINS MEINING Sosialurin Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Ráðstevna um trygd og tunlar VIÐMERKINGAR Jóhan Petur Davidsen Leiðandi yvirlækni Landssjúkrahúsið hevur í mong ár verið nýtt sum politisk kastibløka, sum politikarar javnan hava gjørt sær dælt av, væl stuðl- aðir av fakfeløgum, sum hava nýtt Landssjúkrahúsið til fakfelagspolitiskan stríðsvøll. Sjúklingar verða tiknir til gíðsla í hesi eirindaleysu orrustu fyri at røkka snævurskygdum málum. Slík framferð hev- ur verið darvandi fyri ar- beiði á okkara størsta ar- beiðsplássi. Eftir langt og tógvið stríð eydnaðist tað, við politisk- ari fyriskipan, at tilevna ein leiðslubygnað á LS, sum allir partar tóku undir við. Hesin íbirti vónina um, at nú fór friður at valda, so orka og tilfeingi betri kundi gagnnýtast til at menna arbeiðsplássið, sjúklingin- um at gagni. Fyritreytirnar fyri hesum var sjálvsagt, at leiðslubygnaðurin fekk loyvi at virka, og at starvs- fólk respekteraðu hendan. Leiðslubygnaðurin á LS bleiv viðtikin fyri at skapa støðuleika, sum grundarlag fyri menning og framburði. Ikki skuldi ganga long tíð, fyrr enn ein bólkur, í størstu vanvirðing fyri ar- beiðsplássinum, við nýtslu av fjøðlmiðlunum og polit- iskum ágangi royndi at kroysta ígjøgnum ultimativ eginkrøv. Flest allar deildir og virkisøki á LS kenna, at teimum væntar starvsfólk og ábøtur, hvat leiðslan hevur verið vælvitandi um. Trupulleikin er bert, at verður játtanin hækkað einastaðni, skal sama upp- hædd skarvast av onkra aðra staðni, tá tann samlaða játtanin skal haldast. Ein ófrávikilig skylda hjá einari leiðslu er at tryggja, at tann tøki peningurin verður nýttur á skilabestan hátt, so sum mest fæst burtur úr til endamálið fyri stovnin (heilsufremjan). Tað er jú skattaborgarin, sum í síðsta enda skal gjalda. Tí má grundstøði altíð verða, ongantíð at geva meirjáttan, fyrr enn tey strukturellu viðurskiftini eru kannað og funnin hóskandi. Eftir øllum at døma eru tað fleiri, sum ikki rættiliga hava fatað, hvat leiðslu- bygnaðurin inniheldur. Hetta kemur týðiliga til sjóndar í dulnevndum les- arabrævi frá »nøkrum sjúkrasystrum á B6«, sum letur skína ígjøgnum sjón- armiðið, at sjúkrarøktar- stjórin, eftir teirra tykki, er longdi armurin hjá Sjúkra- systrafelagnum á Lands- sjúkrahúsinum. Hetta er grundleggjandi skeiv fatan. Sjúkrarøktarstjórin er fyrst og fremst leiðari í eini trímannaleiðslu við sjúkra- røktarfakligum innliti, somuleiðis sum læknastjór- in ikki umboðar fakfelags- politisk sjónarmið hjá læknabólkinum, men er leiðari við læknafakligum innliti. Sum arbeiðstakari hevur ein altíð rætt at gera vart við óhóskandi arbeiðsvið- urskifti. Um áheitanin ikki gevur gætur, er tað upp til ein sjálvan at taka per- sónligu fylgjurnar av hes- um. Velur ein at siga seg úr starvi, eru viðurskiftini við arbeiðsgevarin at enda komin. At uppsøgnin verð- ur nýtt í eini neyðtøku av arbeiðsstaðnum er at fara út um, hvat ein kann loyva sær, og átti ikki at vunnið frama nakrastaðni. Sum leiðandi yvirlækni á skurðdeplinum eri eg í villareiða, hvussu eg fram- yvir skal ráðgeva innan mítt øki. B5 er størsta seingjardeild í deplinum, har starvsfólk knossast dagin langan og veita eina dygdargóða tænastu uttan at gremja seg, vælvitandi, at B5 hevur lægri starvs- fólkamanning, størri røkt- artyngd og fleiri seingjar- pláss enn B6. Støðan er lítið annarleiðis á skurð- gongini, innan skrivara- orkuna o. s. fr., har starvs- fólk kýta seg og síggja eina æru í at veita eina nøktandi tænastu, uttan at grenja. Mangur man sita við einum beiskum ráki eftir í munn- inum og spyrja seg sjálvan: Gjørdi eg nú tað rætta? Eg royndi at halda játtanina, og hóast skjalprógvan og tøl at vísa á tørvin fyri meirjáttan innan mítt virkisøki, vann hetta ongar sømdir, meðan B6 við størstu vanvirðing fyri galdandi mannagongd- um, viðtøkum og leiðslu- skipanum, vann frama við sínum krøvum. Hetta er ein dyggur smeitur fyri Lands- sjúkrahúsið og í síðsta enda Føroya fólk Eru tað »taliban- metod- irnar«, ið skulu nýtast fyri at røkka eina nøktandi normering, ella skulu vit framvegis halda okkum til tann skipaða bygnaðin? Hvat sigur skattaborgarin til, at noyðast at gjalda fyri slíkan atburð? Tað vantar ikki nógv í, at so væl politikkarar sum fyrisiting hava mist tamarhaldið á landsins størsta arbeiðs- stað. Mær lysti at fingið eitt boð frá sjúkrasystrunum á B6 uppá, hvar tær halda, meirjáttanin til B6 skal verða tikin frá(???). »Taliban« – ágangur á Landssjúkrahúsinum? Hans Birgir Hansen Tað finst eingin sannleiki illa lýddur av lygnum, uttan tá hesin hevur ringt við at vinna frama alment, fak- liga, politiskt, átrúnaðar- liga! Tað er alt lygn, ið hevur lætt við at vinna frama al- ment, fakliga, poiltiskt, átrúnaðarliga, tá slíkt bygg- ir á hvørvisjónir, ørvit- isknokkum! Tað finst so nógv órætt- vís framferð framd í tí dag- liga innan føroyskar og danskar fyrisitingar í Havn- ini, ein fær trupulleikar av! Tað er tá hesar ikki eru tillagaðar at tæna tí vanliga borgaranum sum forbrúk- ara av tænastum, ið skapa samskiftistrupulleikar! Tað finst eingin skomm skapt í nøkrum avgreiðslu- fólki, ið ikki duga at nýta umhugsni, vit og skil í tí dagliga arbeiði í Havnini! Tað er ikki so frægt, at avgreiðslufólk eru tilvitað um starvsfelagar eru á ar- beiðsplássi/á fundi/á skeiði /uttanlands/heima! Tað finst einki forstáilsi fyri at slíkt órógvar van- ligar borgarar sum forbrúk- arar, tá hesir skulu tilrætta- leggja skyldur! Tað er tíverri eitt fígg- indaligt sinnað fyrisiting- arligt virksemi, ein í tí dag- liga í Havnini stríðist við hvønn dag. Tað finnast nógvir grundleggjandi skeivleikar í stýrisskipanum/lóggáv- um/mannagongdum/kunn- gerðum/reglugerðum! Tað er tíð uppá at fáa endurskoðað/dagført slíkar skipanir/lógir/manna- gongdir v.m.! Kári Thomsen Stjórin fyri SEV, Klæmint Weihe, ger í Sosialinum 8. desember viðmerkingar til uppskot at seta vindmyllur upp í Føroyum. Nakað torskilt man tað vera hjá flestu føroyingum fyrst (27. november í ár í Sosialinum) at fáa at vita, at SEV er í samráðing við DONG um samstarv at seta vindmyllur upp í landinum, og at SEV í løtuni arbeiðir við frá- greiðing um møguleikar og tørvin á at seta upp vind- myllur, og síðan 10 dagar seinri at lesa, at ongar ítøki- ligar ætlanir eru, men at man ikki vil útihýsa onk- untíð seinni í tíðina at útbyggja við vindorku. Støðugar orkukeldur Vatnorka er ein av fleiri varandi orkukeldunum. Alduorka, streymorka, vindorka og sólarorka eru allar óstøðugar orkukeldur, ið virka á hvør sín hátt hvør til sína tíð. Til ber tí ikki at siga sum Klæmint Weihe, at vatnorka er ein betri orka enn vindorka, tó hann kundi nevnt, at vatnorka er einasta av varandi orku- keldunum, ið hevur dálking við sær og álvarsamt árin á náttúru og umhvørvi. Einvegis satsing á kostn- aðarmikla vatnorku, tá nógv bíligari og rein orka er tøk í nógva vindinum, tykist sakna sakliga grund- geving. Sjálvt um nógvir dagar og vikur eru á sumri uttan dropa av himli, skróv- turt undir hvørjum steini, einki drekkivatn og vatn til fiskaarbeiðið og hálvtómar byrgingar, so er næstan alla tíð so mikið av vindi, at myllan hjá SEV gevur væl av orku, mleið 38.000 kwt um mánaðin frá mai til august. Verður ov lítið regn í longri tíð, tømist vatn- goymslan, og dieselmotor- arnir mugu setast at koyra við fullari megi. Vindurin heldur fram, bert 4 m/sek er nokk til at fáa ravmagn. Út- talilsið hjá SEV-stjóranum um støðuga vatnorku og framleiðslu av ravmagni, tá tørvur er á tí, skal sjálvandi takast við fyrivarni. Vetrarhálvuna er ov nógv vatn til ravmagnstørvin, og fer hetta tí óbrúkt um byrg- ingina og í annars turrløgdu ánna. Gott, at áin eisini fær vatn, men við tí ovurhonds stóra kostnaði, ein vatn- orkustøð hevur, kundi av- lopsframleiðslan verið goymd til summarturkin. Livitíð Klæmint Weihe samanber livitíð hjá vindmyllum við Eiði III verkætlanina, ið sum kunnugt er 15 km vatnsavningartunlar og 48 áarinntøk millum Funning og Funningsbotn. Antin gevur Klæmint Weihe við vilja ógreiðar upplýsingar, ella er hann skeivt endur- givin av blaðmanninum. Hetta kannar blaðmaðurin á Sosialinum um møguligt, og fær lesarin rættar upp- lýsingar. Fleiri krøv Stjórin nevnir einans trý krøv til øki, har vindmyllur kunnu setast upp. Støðugan vind, gott vegaamband og ein hápenningarlinja nær við. Krøvini eru nógv fleiri og av stórum og enntá størri týdningi, enn at loyvi kann gevast til uppsetan av vindmyllum á annars góð- um plássum við støðugum vindi, nýggjari háspenning- arlinju og vegatgongd. Frí- tíðar- og rekrativ øki, tjóð- garðar, øki við vísinda- ligum, siðsøguligum ella t.d. friðingarorsøkum, ser- støk fuglasløg, flytifuglar, flúgvileiðir og flogvøllir, antennur og parabolskip- anir, fráleiki til búseting, ferðsluvegir o.a. eru eisini evni, ið eiga at viðgerast, tá vindmyllur skulu fyrireik- ast til uppseting. Vindmyllur og Agenda 21 Klæmint Weihe sigur at enda í samrøðu við Sosial- in, at tað er órealistiskt og uttan fyri veruleikan at seta 39 myllur upp í Føroyum. Hetta er beinleiðis undan- førsla og hevur einki við veruleikan at gera. Vit hava einamest í útjaðaranum eitt ov veikt útbygt ravmagns- net við trupulleikum ser- stakliga á vetri, og er ein uppgáva hjá SEV, at vit hava eitt sterkt og helst niðurgrivið kaðalnet. Netið eigur ikki at vera ein forðan fyri vindorku – sjálvandi. Uppskotið Vindmylluatlas fyri Føroyar er langtíðar- ætlan til burðardygga sam- felagsmenning sambært Agenda 21 og ítøkiligt ískoyti at minka 20% um koltvíiltudálkingina til ár 2020. Hetta gerst á mest effektivan hátt við vind- myllum, ið eingi útlát hava til umhvørvið av nøkrum slag. Vit fáa sera bíligt rav- magn, spara náttúru- og umhvørvisvirðini, minka um flutnings- og oljuút- reiðslur, álvarsamar dálk- ingarstøður, økja nógv um trivnað og møguleikar á útoyggjum og fáa nógv betri rakstur í vinnuna á landi. At vindmyllu-veruleikin, ið føroyingar síggja dag um dag við t.d. innflúgvingar- leiðina til Keypmannahavn, og annars kring um í grannalondunum, enn er órealistiskur fyri Klæmint Weihe, er sera óheppið í allar mátar. Við miðvísari fyrireiking og útbygging av ravmagns- netinum at taka ímóti vind- orku frá veitarum, ið kunnu vera vindmyllufeløg og pri- vatir veitarar, er uppgávan at seta tvær til tríggjar myllur upp um árið í t.d. 16 ár á ongan hátt órealistiskt. Ein skilagóð arbeiðsætlan kundi verið at byrja við Stóru Dímun og Koltri og útoyggjunum annars, ið ikki hava kaðalsamband til meginøkið. Ein 20 KW mylla gevur 60-70.000 KWt ella 6-7 ferðir tørvin á t.d. Stóru Dímun, og tvær 75 KW myllur í Skúvoy ella Mykinesi geva 500.000 KWt ella tað dupulta av tørvinum. Meirframleiðsl- an kann goymast og nýtast, tá tørvur er á henni ella til hita og onnur skilagóð og mennandi endamál. Orku- og ravmagnsmálið er eisini ravmagnskostn- aður, avgjaldsskipanir, fleirstreingjað framleiðsla, goymsla, nýggj tøkni, transmissións- og veitanar- netið, søla og umsiting, eftirlitspartur o.a. Her er nokk at tríva í í nýggja árinum. Vindmylluatlas fyri Føroyar Uppskotið Vindmylluatlas fyri Føroyar kann eftir nýggjár finnast á heima- síðuni hjá Oljumálastýrin- um og verður eisini til keyps í nøkrum bókhandl- um. Evni, ið verða við- gjørd, eru m.a. varandi orkukeldurnar, dálking frá vatn- og termiskari orku, Agenda 21 og norður- lendsku umhvørvisætlan- irnar, goymsla av ravmagni, brennikyknur, umhvørvis- skrá 2001-2020, vindviður- skifti og mátingar, náttúru- og lendisviðurskifti, rav- magn 1999-2020, vind- myllur, orkubygnaður, um- framt hópur av kelduávís- ingum. Upplýsingar um vind- orku og vindmyllur finnast í hópatali á sera góðari heimasíðu hjá Dansk Vindmølleindustri. Adres- san er: www.windpower. dk Á heimasíðuni hjá Reyters News Service fáast dagførd tíðindi innan m.a. orkuútbyggingar í heimin- um. Adressan er w w w. p l a n e t a r k . o r g / dailynewsstory Her eru t.d. fýra feskar nýggjheitir úr Onglandi og Skotlandi: 3,6 MW vind- orkuparkin Parc Cynog Wind Farms í Wales. Tikin í nýtslu 10. desember í ár. 58,5 MW vindorkuætlan Cefn Croes, Ceredigion, UK. Undir fyrireiking, kostn. 400 mió. kr., nøktar tørvin hjá 35.000 húsar- haldum 100 MW vindorkuætlan Scottish-Southern Energy í Girvan. Undir fyrireiking. 600 MW vindorkuætlan í Norðurskotlandi. Verður fyrireikað av British Ener- gy, ið er kjarnorkufelag. Undirsjóvarkaðal 640 km langur skal veita ravmagn frá fleiri off-shore vind- mylluparkum til megin- økið. Meiri áhugað finna euro- peiska vindatlassið á heimasíðuni hjá Dansk Vindmølleindustri. Ársins jólagávuhugskot kann vera anpartar í danska vindorku- ídnaðinum, ið fáast hjá VMA-Børsen (Vind Mølle Andels Børsen). Adressan er www.vmab.dk TÍÐINDASKRIV Norðuratlantsbólkurin virkar á egnum grundarlagi Umboðið hjá Tjóðveld- isflokkinum og teir báð- ir grønlendsku fólka- tingslimirnir, Kuupik Kleist og Lars Emil Johansen, hava skipað Norðuratlantsbólkin á fólkatingi. Endamálið er at sam- starva um viðurkenning av tjóðarrættindunum hjá føroyingum og grøn- lendingum og at fáa allar upplýsingar á borðið um hernaðarviðurskifti, búskaparlig viðurskifti, og annað, sum higartil hevur verið dult fyri fólkinum í Grønlandi og Føroyum. Norðuratlantsbólkurin fer harafturat at upplýsa um føroyska og grøn- lendska sjálvstýrisstríð- ið bæði í Danmark og í øðrum londum. Hetta er ein søgulig avtala, sum vit eru sera fegnir um. Vit eru sann- førdir um, at vit við hes- um samstarvi fara at fáa nógv burturúr fólka- tingsarbeiðinum, og at tað verður til frama fyri allar føroyingar og grøn- lendingar. – Og ikki bert til frama fyri einstak- lingar og ávísar politisk- ar flokkar. Av orsøkum, sum vit ikki kenna ella skilja, er stovnanin av Norðurat- lantsbólkinum eftir øll- um at døma fallin summum fyri bróstið í Føroyum. Løgmaður hevur sent formanandi brøv til føroysku fólka- tingsumboðini, og Jó- annes Eidesgaard hevur harðliga átalað Lars Emil Johansen fyri, at hann samstarvar við Tjóðveldisflokkin í Norðuratlantsbólkinum. Tað undrar okkum stórliga, at Jóannes Eid- esgaard og Anfinn Kallsberg, hvørs flokkar taptu fólkatingsvalið, nú royna at stýra tí, sum Norðuratlantsbólkurin ger á fólkatingi. Men til tess at fáa allar misskiljingar burtur, fara vit við hesum at minna á, at • Føroysku og grøn- lendsku fólkatings- umboðini eru vald av grønlendska og før- oyska fólkinum, eftir at okkara stevnumið vórðu løgd fram til fólksins støðutakan. • Norðuratlantsbólkurin fer at virka fult og heilt í samsvari við tey stevnumið, sum grøn- lendsku og føroysku veljararnir við síni atkvøðu hava álagt okkum at fremja í verki. • Norðuratlantsbólkurin fer ikki á nakran hátt at lata seg stýra av skrivum og forman- ingum frá Jóannesi Eidesgaard og Anfinni Kallsberg. Vit standa ikki til svars fyri hesum báðum monn- um, men fyri okkara veljarum. Annars eru løgmaður og Jóannes Eidesgaard eins og øll onnur vælkomnir at venda sær beinleiðis til Norðuratlantsbólkin, um ivamál eru. Vit vónum um eitt gott og meira samstarvs- hugað nýggjár. Í Hoyvík og á Glyvrum 30. desember 2001 Høgni Hoydal Tórbjørn Jacobsen Norðuratlants- bólkurin virkar á egnum grundarlagi Sannleikin illa lýddur! VIÐMERKINGAR SEV: vatn heldur enn vind C M Y K 11 10