mikudagur 9. januar 2002síða 3

4 Nr. 5 - 9. januar 2002 Nr. 5 - 9. januar 2002 5 Palm Seafood í Vági byggir út, so at tey fáa arbeitt meiri fisk. Samstundis verður farið undir nýggja framleiðslu, sum er at turka høvd og ryggir til Afrikanska marknaðin ÚTBYGGING Áki Bertholdsen Palm Seafood er eitt av teimum fiskavirkjunum, sum vórðu sett á stovn í Vági í kjalarvørrinum á kreppuni, sum legði bæði fiskivinnu og alla aðra vinnu í Vági lamna. Men síðani hevur gingið støðugt framá hjá Palm, ikki minst síðani eitt stórt íslendskt samtak, SÍF, Sølu- samband Íslendskra Fram- leiðaranna, keypti helvtina av virkinum. Nú er Palm Seafood eis- ini í ferð við at byggja út. Tilsamans verður ein høll bygt, sum er 400 fermetrar stórt. Hetta er ein útbygg- ing sum kostar 1,3 millión, sigur Petur Johannesen, stjóri á Palm Seafood. – Vit hava tvey endamál við útbyggingini, sigur hann. Tá ið útbyggingin er liðug, er Palm Seafood 1.275 fermetrar stórt. Hann sigur, at fyrsta endamálið við byggingini er at gera umstøður til at kunna skera og pakka fisk ísenn. Palm Seafood hevur lagt seg eftir at salta upsa, bæði fløk og flaktan og í fjør ar- beiddu tey 2.800 tons, tað allarmesta var upsi, bert eini 300 tons vóru blá- longa. Men umstøður hava ikki verið til at pakka saltfisk, samstundis sum vit skera. Hvørja ferð, vit pakka, hava vit verið noydd at leggja framleiðsluna stilla og tað ætla vit at sleppa undan í framtíðini. Hann sigur, at samstund- is ber hetta í sær, at teir vera førir fyri at arbeiða meiri fisk. Petur Johannesen sigur, at hann væntar, at teir kunnu arbeiða eini 4.000 tons, tá ið útbyggingin er liðug. Í løtuni arbeiða um 20 fólk hjá Palm Seafood, ella gott tað. Arbeitt hevur verið næstan hvønn dag. Petur Johannesen sigur, at tað er ikki óhugsandi, at teir fáa brúk fyri einum 10 fólkum afturat, tá ið útbyggingin er liðug. Hann sigur, at stórur eftirspurningur er eftir ar- beiðsmegi í Vági, so hann veit ikki, hvussu tað verður at fáa støðuga arbeiðsmegi í framtíðini. – Tíbetur hava vit varð- veitt fólkið, vit hava havt. Spurningurin verður, hvussu verður við tí, vit skulu hava afturat. – Men fáa vit ikki støð- uga arbeiðsmegi í her, hava vit einki ímóti at fara uttan- lands eftir fólki, tí tað er alt avgerandi at hava støðugt fólk, sigur hann. Turka høvd og ryggir Petur Johannesen sigur, at útbyggingin verður liðug nú í januar og tá verður eis- ini farið undir eina nýggja framleiðslu í Vági. Tað er at turka høvd og ryggir upp á sama máta, sum gjørt verður í Lorvík. Hetta er ein framleiðsla, sum íslendingar eru komnir til Føroya við og Petur Joh- annesen sigur frá teimum, at tað stendur ikki at sleppa við við framleiðsluna. Hetta er ein framleiðsla, sum verður seld til Nigeria, har vit hava skilt, at tey turkaðu høvdini og rygg- irnir verða brúktir til súpan- arbót. Petur Johannesen sigur, at í fyrstu atløgu verður bara høvd og ryggir av fiski frá teimum sjálvum brúktir í hesi framleiðsluni. Men gongst væl, fara teir eisini at keypa frá øðrum, tá ið framleiðslan og ar- beiðshættir eru fingnir í rættlag. Av teimum 1,3 milliónunum, sum íløgan kostar, eru tær 600.000 krónur farnar til útbúnað at turka høvd og ryggir við. Men fara teir at keypa slógv at turka, má meiri útgerð til og hon má so keypast afturat. Fara at turka høvd og ryggir í Vági Palm Seafood í Vági er eitt virki í vøkstri. Nú verða 400 fermetrar bygdir upp í virkið og tá verður eisini farið undir eina nýggja framleiðslu Formaðurin í Landsfelag pensjón- istanna, Tómas Tóm- asson, heldur tað vera talan um ein bata, nú landsstýrið ætlar at geva pensjónistum loyvi til at vinna meiri pening. Tó heldur hann, at nógv meiri kundi verið gjørt PENSJÓNIR Heri á Rógvi Í Sosialinum fríggjadagin stendur at lesa eitt lesar- bræv, sum formaðurin í Landsfelag pensjónistanna, Tómas Tómasson, hevur skrivað. Í greinini leggur hann ikki fingrarnar ímill- um, tá tað kemur til at lýsa støðuna hjá pensjónistum í Føroyum. – Grát mítt elskaða land, tað eru mong gomul fólk sum sita og gráta, ein gom- ul kona sum er sjúk, hon eigur ein blindan mann, hvat blívir av honum, um hon fellur frá áðrenn hann, skrivar Tómas Tómasson m.a. í lesarabrævinum. Somuleiðis kemur hann eisini í greinini nogv inn á, at løgtingsvalið nærkast, og hann vísir á, hvussu nógvir teir í felagnum eru, og hvussu stóra ávirkan teir kunnu hugsast at fáa. Í bløðuni seinastu dag- arnar og á tíðindafundi týs- morgunin bóru umboð fyri landsstýri fram, at teir ætlaðu at bøta um viður- skiftini hjá pensjónistum, eitt nú við at loyva pensjón- istum at vinna sær meira pening enn áður, áðrenn hesin kemur at ávirka sjálv- an pensjónina til tann ein- staka. Tómas Tómasson sigur, at hann er sjálvsagt fegin, nú korini eftir øllum at døma verða betraði, men hann heldur framvegis, at nógv kundi verið gjørt afturat. – Tað eru serliga ellis- og røktarheimini, sum hava hjálp fyri neyðini, og tað er stórur tørvur á fleiri og betri ellisheimum, sigur Tómas Tómasson. Hann sigur harumframt, at ein ynskilig skipan var, um pensjónistar ikki bert kundu gjalda vanligan skatt fyri sína inntøku, sum kem- ur inn umframt tað, teir fáa í pensjón. – Tað eigur ikki at vera meiningin, at pensjónistar bert skulu eta molarnar, sigur Tómas Tómasson. Hann fílist somuleiðis á, at myndugleikarnir hava minka blokkin so mikið, tá so nógv liggur á láni á eldraøkinum. – Tað kann tykjast ørkymlandi fyri okkum, og tað tykist sum um, at tað eru vit, sum skulu gjalda fyri fullveldi, sigur Tómas Tómasson. Tómas Tómasson: –Ein bati Advokatskrivstovan, ið heldur til í Havn, letur nú upp eina deild í Saltangará. Hetta hevur samband við tað vaksandi vinnuliga virksemið í økinum, verður sagt av Advokatskriv- stovuni ADVOKATAR Stefan í Skorini – Skálafjørðurin er vorðin ein miðdepil uttanfyri høv- uðsstaðin, og vit kunnu økja um talið á viðskifta- fólki okkara við at lata eina deild upp í økinum, sigur Ólavur Jákup Kristoffersen, ið er advokatur á Advo- katskrivstovuni. Hann leggur afturat, at hetta er tengt at tí vaksandi vinnuliga virkseminum í økinum, sum eisini hýsir einastu oljuhavnini í Før- oyum. – Við at hava eina skriv- stovu kunnu vit veita eina betri tænastu í hesum økin- um og norðanfyri sum heild, sigur Ólavur Jákup Kristoffersen. Frammanundan er ein advokatfyritøka á Skála- fjørðinum, og tað eru Jón- finn Thomsen og Poul Hansen, ið hava eina skriv- stovu í Runavík. Aðrar advokatfyritøkur hava havt deildir aðrastaðni í Føroyum enn í Havn, men í løtuni eru bara hesar báðar deildirnar uttanfyri Havn- ina. Tveir dagar um vikuna Nýggja skrivstovan letur upp hósdagin, og í fyrsta umfari verður hon bara opin tveir dagar um vikuna. Tað verður hósdag og fríggjadag. – Nú royna vit, um grundarlag eru fyri at hava eina deild á Skálafjørð- inum. Tí velja vit ikki at hava opið allar dagar í vik- uni at byrja við. Hetta er ein varislig roynd at hava virksemi uttanfyri høvuðs- staðin, sigur Ólavur Jákup Kristoffersen. Advokatarnir fara at hava skrivstovu á Heiðavegi í Saltangará í bygninginum hjá P/F Snaraløki. Framm- anundan halda Føroya Tele, g r a n n s ko ð a r a f e l a g i ð Rasmussen og Weihe og reiðaríið Snaraløkur til í nýggja bygninginum. Advokatarnir á Advokat- skrivstovuni fara at skiftast um at arbeiða á Skálafjørð- inum, so at allir sleppa at royna seg á nýggja beitin- um. Umframt at veita íbúgv- unum í økinum eina betri tænastu og møguleikan av fáa fleiri viðskiftafólk, nevnir Ólavur Jákup eisini, at Advokatskrivstovan kann hava annað virksemi so sum fundir í nýggju hølun- um. Hetta er fyrstu ferð, at Advokatskrivstovan flytir virksemi aðrastaðni enn í høvuðsstaðnum. Skrivstov- an hevur røtur aftur til 1905 og er elsta advokatskriv- stova í Føroyum. Advokatarnir, ið starvast á skrivstovuni, eiga hana í felag, og eingin er stjóri, men teir stýra eisini í felag. Nýggja Norrøna er farin at taka skap. Mánamorgunin varð kjølurin lagdur á skipasmiðjuni í Lübeck í Týsklandi. Í tí sambandi var ein hátíðarløta hildin, har umboð fyri teir størstu íleggjararnar vóru til staðar. Óli Hammer er spentur um nýggja skipið SKIPABYGGING Stefan í Skorini Mánadagin var hátíðarløta á skipasmiðjuni Flender Werft í Lübeck í Týsklandi. Tað var í sambandi við, at kjølurin til nýggju Norrønu varð lagdur. Til hátíðina vóru umboð frá Smyril Line í Føroyum. Umframt føroysku umboð- ini vóru fólk úr Íslandi og Hetlandi, sum hava lagt pening í stóru verkætlan- ina. Tað varð gjørt soleiðis, at tríggjar myntir vórðu festar á eina plátu, ið hevði eina áskrift, sum segði frá, at hetta var Norrøna. Tær tríggjar myntirnar eru úr Íslandi, Føroyum og Het- landi. Plátan varð síðani fest á ein træbjálka, ið fer at liggja undir skipinum. Tá skipið verður sjósett tann 6. september í ár, verður møguleiki hjá einum og hvørjum at taka plátuna við myntunum. Plátan verður síðani latin reiðarínum, og finnarin fær ístaðin eina gullmynt. Hetta er vanligur siður í Týsklandi í sam- bandi við skipabygging. Spentur um skipið Óli Hammer er sera spentur um hetta nýggja og fram- komna skipið, sum nú verður bygt. Hann væntar, at tað fer at økja um talið av ferðafólki og nøgdina av farmi, sum verður flutt millum londini. Tá skrokkurin verður sjósettur tann 6. september skal skipið gerast liðugt innan. Væntandi verður Norrøna sett í sigling í mars 2003. Skipið fer at taka 1500 ferðafólk umframt mann- ingina. Advokatskrivstova letur upp í Saltangará Kjølurin lagdur Í bygninginum hjá P/F Snaraløki í Saltangará fer Advokat- skrivstovan at hava nýggju deildina. Advokatarnir vóna soleiðis at fáa fleiri viðskiftafólk Mynd: Jens Kr. Vang Stórur spenningur var í luftini, tá kjølurin til nýggju Norrønu varð lagdur mánamorgunin. Óli Hammer, stjóri í Smyril Line, væntar sær nógv av nýggja skipinum Ein stórur skarði av føroyingum var hjástaddur til hátíðarhaldið, sum var á skipasmiðjuni í Lübeck, tá kjølurin varð lagdur C M Y K 5 4