mánadagur 17. mai 2010síða 19

19 Mánadagur 17. mai · Nr. 82 Sosialurin Ítróttarblaðið Vespur Hjalgrím Elttør: Vit skora bara ikki B36 hevur ikki havt eydnuna við sær síðstu dystirnar, og hóast fáur hevði trúð tí, líkist støðan kappingarárinum í fjør, tá alt gekk strúk andi fyrstu dystirnar, men síðani steðgaði upp. – Vit hava spælt fimm dystir uttan at vinna, so í løtuni er líka mikið, hvørjum vit møta. Her er ikki annað at gera, enn at arbeiða hart víðari og vinna dystir, sigur Hjalgrím Elttør. – Til tíðir spæla vit væl og eru óhepnir, at vit ikki fáa bóltin inn. Og tað er okkara størsti trupulleiki, at vit skora ikki. Um dystin í gjár, tá B36 var minst líka væl við sum NSÍ í ein tíma, men síðani endaði við at tapa við fýra málum, sigur Hjalgrím, at tað kendist heilt løgið: – Ja, hetta var ein undarlig kensla, tí tað kendist, sum vit til tíðir stýrdu dystirnar í fyrra hálvleiki og nakað inn í seinna hálvleik, sigur hann. – Men tá Dmitrije varð vístur út, opnaðist verjan hjá okkum, og tað kiksaði fullkomuliga hjá okkum, tá vit so royndu at koma afturíaftur. Tá teir skoraðu til 3-1, var liðugt hjá okkum.