hósdagur 17. januar 2002síða 4

6 Nr. 11 - 17. januar 2002 Nr. 11 - 17. januar 2002 7 Yngri sum eldri fólk í Føroyum kring alt landið fáa nú at møguleikan at taka eina útbúgving sum fjarlesandi á lærdum háskúla í Aberdeen. Eftir trý ár og 10-12 tímum um vikuna, kanst tú kalla teg master í leiðslu og fyrisiting. Útbúgving- ingarmøguleikin er úrslit av samstarvið millum BP, Føroya Handilsskúla og Robert Gordon University í Aberdeen ÚTBÚGVING Heri á Rógvi Handilsmaðurin í Svínoy, húsmóðurin í Nólsoy og seyðamaðurin suðuri í Sumba hava nú, eins og restin av føroyingum, møguleika at taka eina út- búgving á lærdum háskúla í Aberdeen, uttan at fara útum dyrnar. Tað einasta, sum krevst, er: Universitetsútbúgving ella tilsvarandi útbúgving, útbúgving frá øðrum góð- kendum lærustovni, eitt nú lærari ella hægri handils- skúli ella viðkomandi yrk- is-, handils- ella aðra før- leikagevandi arbeiðsroynd- ir á einum stigi, ið heimilar fráviki frá vanligu upptøku- krøvunum. Ella sagt við øðrum orð- um: Ein ógvuliga stórur partur av føroyska vinnu- lívinum og arbeiðsføraskar- anum hevur møguleikan at søkja og sleppa inn. Fjarundirvísing Í fyrstu atløgu verða 20 før- oyingar tiknir upp og eftir trý kunnu hesir, um teir eru áhaldnir og gera tað sum krevst, kalla seg fyri master í leiðslu og fyrisiting. Útbúgvingin er løgd til rættis sum parttíðarundir- vísing við fjarlestri. Talan er sum sagt um eina master útbúgving í virkisleiðslu við heitinum Management Studies Course. Útbúgvingin er á einari deild á Robert Gordon Uni- versity í Aberdeen, ið kall- ast fyri Univation. Hetta er ein deild, ið skipar fyri fjar- lestri um allan heim, og nú eru túrurin eisini komin til Føroya. Tey lesandi í Føroyum fáa alt tilfarið sendandi, og við stuðilinum frá BP, so kemur tað ikki at kosta nøkrum nakað at taka út- búgvingina. Í Føroyum verður tað Føroya Handilsskúli, sum kemur at hjálpa teimum lesandi við ymiskum. Talan er um eina viður- kenda útbúgving á lærdum háskúla í Aberdeen, sum føroyingar ókeypis fáa møguleikan at taka eina út- búgving. Tá talan er um lærdan háskúla, so merkir hetta eisini, at talan er um eitt høgt støði. Tað verður mett, at tey lesandi skulu nýta einar 10-12 tímar um vikuna fyri at fylgja undir- vísingini og klára próvtøk- urnar. Tað er sostatt tey les- andi sjálvi, ið leggja sín lestur til rættis. Tær próvtøkur, ið vera fyri tey lesandi, vera allir skrivligar. Undirvísingin er skipað soleiðis, at tey les- andi taka eitt skeið við ein- ari lærugrein í senn. Tá ið ein lærugrein er liðug, so verður farið til próvtøku. Tilsamans eru átta læru- greinir; fýra á hvørjum av teimum fyrstu tveimum árunum. Triðja árið verður nýtt til eina høvuðsritgerð. Próvtøkurnar verða allar fyriskipaðar á Føroya Handilsskúla og, eins og undirvísingartilfari, verða hesar eisini á enskum máli. Næmingar verða innskriv- aðir á Virtual Cambus hjá Robert Gordon University og ígjøgnum hesa skipan verður eisini møguligt at koma í samband við veg- leiðara í Aberdeen. Um- framt verður tað eisini skip- að fyri skeiðum á Føroya Handilsskúla, har tey les- andi kunnu samskifta við hvønn annan og ein lærara. Hesar dagarnar verða lagdir við byrjanina og endan av einum skeiði. Samstarv Sum partur av loyvinum hjá BP í Føroyum, so hevur fel- agið eisini bundið sig til at stuðlað føroyska samfel- agnum við førleika menn- ing og øðrum í sambandi við kollvetnistilgongdina. Hjarnar Djurhuus, stjóri fyri BP í Føroyum, sigur, at BP hevur lagt stóran dent á at stuðla útbúgving og venjing, sum byggir á handilsliga og tøkniliga vitan og kunnleika. Hann metir harumframt hetta vera at gott at høvi at stuðla, tí hetta gevur møgu- leikar hjá øllum at útbúgva seg, uttan mun til, hvar í landinum tú býrt. Eisini tey, sum kanska ikki hava møguleikan at ganga til undirvísing til ávísar tíðir, hava nú møguleikan at fáa eina góða útbúgving. Hjarnar sigur harum- framt, at BP vónar ein tílík útbúgving fer at gera sítt til at økja um áhugaverdar og lønandi starvsmøguleikar hjá fólki, ið annars ikki hevði havt høvi at tikið lut í hægri lestri. Elsa Maria Holm Olsen, deildarstjóri á Føroya Handilsskúla, sigur, at upp- gáva Føroya Handilsskúla verður at tryggja, at tey les- andi fáa so góðar umstøður at lesa fjarlestur í sum gjør- ligt. Føroya Handilsskúli verður binandi liðurin mill- um tey lesandi og Robert Gordon University. Stjórin fyri Føroya Handilsskúla, Ragnar Magnussen, sigur harum- framt, at hetta hóskar væl saman við teimum ætlan- um, sum Føroya Handils- skúli hevur sett sær. Ætlan- in er nevniliga, at innanfyri eitt ávíst áramál, skal Før- oya Handilsskúli kunna bjóða útbúgvingar á bache- lor (BS) stigi. Lýsingar verða setta í bløðini í næstum, har søkt verður eftir umsóknum. Sjálv útbúgvingin byrjar 4. mars. Skipað verður fyri kunnandi fundi áðrenn, fyri øllum teimum, ið hava áhuga. Allan dagin í gjár (miku- dagin) vóru fólk í ferða- vinnuni í Føroyum á evnis- degi í Norðurlandahúsin- um. Heitið á evnisdegnum var ferðavinna og økis- menning. Luttøkan var eis- ini rímiliga góð, og fleiri fyrilestrar vóru eisini á skránni. Millum helt Bergur Olsen, fuglafrøð- ingur fyrilestur um burða- dygga ferðavinnu og fugla- lív. Tórálvur Weihe tosaði eisini um skelting. Eisin útlendskir gestir úr Hetlandi og Danmark vóru við á evnisdegnum. Evnisdagurin endaði við einum panelfundi. Tað eru Ferðaráð Føroya og Vinnu- málastýrið sum í felag skipa fyri degnum. Lesið meira um evnisdagin í Sosialinum í morgin. Fjarlestur til yngri og eldri Evnisdagur um økismenning Heilt fitt av fólki var á evnisdegnum um ferðavinnu og økismenning í Norðurlandahúsinum mynd: Jens Kristian Vang Elsa Maria Holm Olsen, deildarstjóri á Føroya Handilsskúla, Stjórin fyri Føroya Handilsskúla, Ragnar Magnussen, og Hjarnar Djurhuus frá BP hava góðar vónir um hetta nýggja útbúgvingar tilboðið, ið tey skipað fyri í felag við lærdum háskúla í Skotlandi Mynd: Jens Kristina Vang Her skrivað Ragnar Magnussen og Hjarnar Djurhuus undir upp á samstarvsavtaluna teirra millum. Fleiri ferðir hetta valskeiðið er tað hent, at landsstýrisfólk hava lagt frá sær og tikið sæti aftur á tingi. Tey hava tá fingið bæði lands- sstýris- og løgtings- løn. Hetta skal ikki bera til longur POLITIKARALØNIR Eirikur Lindenskov – Tað kann ikki vera rætt, at føroyski skattaborgarin skal gjalda sama persóni fulla løgtings- og landsstýris- mannaløn. Tað heldur Alfred Olsen, løgtingsmaður Sambands- floksins, sum hevur skotið upp at broyta lóg um sam- sýning og eftirløn lands- stýrismanna. Løgtingið fer á fundi í dag at viðgera uppskotið. Í viðmerkingunum til uppskotið vísir Alfred Olsen á, at tað fleiri ferðir eru farnar fram útskiftingar í landsstýrinum hetta val- skeiðið, og at løgtingið hevur verið noytt at játta pening á eykafíggjarlógum fyri at gjalda hesar dupult- lønir, tí landsstýrismaður, sum fer frá, hevur rætt til løn í hálvt ár, samstundis sum hann – um hann er valdur tingmaður og tekur aftur sæti á tingi – eisini hevur rætt til fulla ting- mannaløn. Við hesi grundgeving skjýtur sambandstingmað- urin upp at broyta lógina. Annars varð henda lógar- broyting framd, tá løgtingið í mai í fjør samtykti broyt- ingar í lóg um løn og sam- sýning landsstýrismanna. Men av tí mikla rumbli, sum stóðst av málinum, bakkaði løgtingið og tók av aftur lógina, áðrenn hon átti at koma í gildi, 1. januar í ár. Tískil varð bakkað aftur til lógina, sum varð samtykt í 1992 og lýst at koma í gildi 8. januar 1993. Tingmenn skulu bara hava eina løn 14. desember 1998 fer John Petersen frá sum landsstýrismaður og Jørgen Niclasen tekur við. John Petersen varð valdur tingmaður, men tók ikki sæti á tingi. 28. mars 2000 fer Signar á Brúnni frá sum landsstýrismaður og tekur aftur sæti á tingi. Hann fær landsstýrismannaløn í hálvt ár samstundis sum hann fær tingmannaløn. 14. juni 2001 leggur Tórbjørn Jacbosen frá sum landsstýrismaður. Hann varð ikki valdur á ting 18. august 2000 leggur Finnbogi Arge frá sær sum landsstýrismaður. Hann varð ikki valdur á ting í 1998, men av tí at Bjarni Djurholm loysir hann av sum landsstýrismaður, tekur Finnbogi Arge tí sæti á tingi – og fær bæði landsstýris- og tingmannaløn. 26. februar 2001 fer Helena Dam á Neystabø frá sum landsstýriskvinna. Hon tekur aftur sæti á tingi, og hon fær bæði løgtings- og landsstýrisløn. Verður lógin ikki broytt, kunnu allir núsitandi landsstýrismenn og løgmaður fáa dupulta løn, verða teir valdir á ting aftur á løgtingsvalinum komandi – um teir altso ikki halda fram í landsstýrinum. Enn einaferð skulu tingmenn viðgera lønarviðurskiftini hjá landsstýrismonnum. Hesaferð er tað Alfred Olsen úr Sambandsflokkinum, sum skjýtur upp, at tá landsstýrismaður tekur sæti aftur á tingi, skal hann ikki fáa dupulta løn í hálvt ár… TINGFUNDUR Eirikur Lindenskov Á tingfundinum í dag eru tvey onnur mál til við- gerðar, umframt málið um landsstýrismannalønirnar. Á skránni er fyrsta við- gerð av uppskotinum hjá Hans Paula Strøm úr Javn- aðarflokkinum um løg- tingslóg um marknaðarfør- ing. Saman við hesi við- gerð er eisini fyrsta við- gerð av uppskotinum hjá Hans Paula Strøm úr Javn- aðarflokkinum um brúk- aranevnd. Málini verða viðgjørd undir einum og verða beind í vinnu- nevndina. Tingfundurin í dag byrj- ar klokkan 13:30. Broytingar í landsstýrinum síðani 15. mai 1998 Signar á Brúnni, Finnbogi Arge og Helena Dam á Neystabø hava fingið landsstýrismannalønir í tilsamans eitt ár, samstundis sum tey hava fingið tingmannaløn. Um hetta skal ber til næstu ferð, landsstýrismaður fer frá, skal tingið taka støðu til í dag RUSK Irf Gráu posarnir til rusk, sum skal brennast, verða bornir út tvær ferðir um árið. Hvørt húski fær eina rullu við 26 gráum posum hvørja ferð. Harafturat fær hvørt húski 12 hvítar posar til pappír og papp til alt 2002 og fyrstu mánaðarnar av 2003. Gráu posarnir At vera rusksavnari er hart og stundum ónosligt ar- beiðið. Í teimum størru økj- unum tekur hvør innsavnari umleið 1000 gráar posar, sum viga góð 11 kg hvør, um vikuna. Harafturat ganga teir minst 40 km um vikuna við einum bundi av posum uppi á sær, soleiðis at teir kunnu leggja ein nýggjan posa eftir seg, har teir hava tikið ein. IRF arbeiðir við eini ætl- an um at betra um arbeiðs- umstøðurnar hjá innsavnar- unum. Fyrsta stigið er at minka um arbeiðið við at bera tómar posar út til hvørt húski. Hetta verður gjørt á tann hátt, at hvørt húski fær eina rullu við 26 ruskposum tvær ferðir um árið. Fyrra rullan verður borin út í viku 3 í ár og skal hon í einum vanligum hús- arhaldi røkka frá og við viku 3 til og við viku 28. Á posarnar er prentað, at hetta eru posar frá IRF og teir eru til rusk, sum skal brennast. Innsavnararnir taka bert posar, sum eru frá IRF. Ein gráur posi verður tikin frá hvørjum húski um vikuna. Ávís húski kunnu fáa undantak at lata tveir gráar posar um vikuna. Hevur eitt húski meira rusk eina viku enn hóskandi er at lata í ein gráan posa, eigur tað at verða latið á bingjuplássið í kommununi ella at bíða til eina seinni viku. IRF fer seinni at arbeiða við at fáa flestu ruskstativ til gráu posarnar at standa betur í tráð við tað, sum er fyriskrivað í Reglugerð um ruskinnsavning frá Ar- beiðseftirlitinum. Kann hvør av okkum stytta gongdina, sum ruskpos- arnir skulu berast við t.d. 5 metrum, ber hvør innsavn- arari 11 kg einar 5000 metrar stytri hvørja viku ella einar 250 km stytri um árið. Víst verður annars til kunningarsíðurnar fyri mars og apríl í júst út- komna IRF-kalendaranum. Vert er longu nú at kanna eftir, um ruskstativið stend- ur á hóskandi stað í mun til reglugerðina. Hvítu posarnir Tær komandi vikurnar fær hvørt húski í IRF-kommun- unum ein stakk við 12 hvít- um posum. Ein hvítur posi verður heintaður frá hvørj- um húski fimtu hvørja viku, so 12 posar eru til alt 2002 og fyrstu mánaðarnar av 2003. Byrjað verður at bera posar út í Øki III, Norð- oyggjar, í viku 3. Síðani verða posarnir bornir út í Øki IV, Vágar, Sandoy, Nólsoy og Skúgvoy, í viku 4 og Øki V, Suðuroy, í viku 5. Tá eru allar kommunur, sum eru limir í IRF, við í skipanini um endurnýtslu av pappíri. Í viku 6 fáa kommunurnar í Øki I í Eysturoynni og í viku 7 kommunurnar í Øki II í Eysturoynni og Norð- streymoynni nýggjar hvítar posar. Eisini her verður víst til IRF-kalendaran, kunning- arsíðuna innanfyri perm- una, og kunninarsíðuna fyri maimánaða. IRF broytir útberingina av ruskposum Tingfundurin í dag: Landsstýrislønir og brúkaramál á skránni C M Y K 7 6