fríggjadagur 18. januar 2002síða 3

4 Nr. 12 - 18. januar 2002 Nr. 12 - 18. januar 2002 5 - Eg eri sinnaður at broyta dagpeninga- lógina beinanvegin, soleiðis, at tey, ið eru dottin úr skipanini, koma uppí aftur. Tað hevur ongantíð verið ætlanin, at nakar starvsbólkur yvirhøv- ur skuldi úr skip- anini, sigur Sámal Petur í Grund, lands- stýrismaður í al- manna- og heilsu- málum DAGPENGAR Turið Kjølbro Tá ið viðgerðin av broyt- ingunum í dagpeninga- lógini var í tinginum sein- asta summar, var ongin ivi um, at politiski viljin var at betra um umstøðurnar hjá teimum, sum vóru knýtt at hesi skipan. Um fyrireik- ingarnar í sambandi við nýggju dagpeningalógina hava verið ov vánaligar, ella um tingfólk hava sovið í tímanum, tá ið teir at- kvøddu fyri hesu nýggju lógini ella eru vorðin skeivt kunnað, skulu vit ikki taka dagar ímillum. Men vit kunnu í øllum førum stað- festa, at hugsað hevur ikki verið um avleiðingarnar av broytingunum í lógini. - Tað hevur ongantíð verið ætlanin, at fólk skuldu detta úr skipanini. Heldur tvørturímóti. Enda- málið var at gera eina betri skipan fyri øll. Tað hevur ongantíð ligið í kortunum, at nakar starvsbólkur yvir- høvur skuldi úr skipanini. Arbeiðsbólkurin, sum ar- beiddi við lógaruppskot- inum, mælti til at varðveita hálvu tryggingina. Orsøkin til, at hálva tryggingin kortini fór út, var, at hildið var, at fólk vórðu umfatað av skipanini kortini, sigur Sámal Petur í Grund, landsstýrismaður í al- manna- og heilsumálum. Hálva tryggingin, lands- stýrismaðurin sipar til, var sambært gomlu dagpen- ingalógini, ætlað fólki, ið bæði høvdu B-inntøku og A-inntøku. Hví nýggja lógin ásetur eitt inntøku- mynstur, sum sigur, at B- inntøkan skal svara til 75 prosent og A-inntøkan 25 prosent av allari inntøkuni, veit landsstýrismaðurin ikki at siga. Í samrøðum í blaðnum mikudagin og hósdagin við listafólk og sjálvstøðug arbeiðspláss hava vit víst á hesi viður- skifti. Listafólkini siga eitt nú, at tey ongan møguleika hava fyri at liva upp til inntøkumynstrið, sum lógin ásetur. Lógin broytt Nú landsstýrismaðurin í almanna- og heilsumálum er vorðin kunnaður um, at fólk ótilætlað eru burturvíst úr dagpeningalógini, fer hann at síggja til, at hesi koma uppí aftur. - Eg eri sinnaður at broyta lógina beinanvegin, soleiðis, at hesi fólk koma í skipanina aftur, sigur Sám- al Petur í Grund, sum longu í dag leggur hetta fyri landsstýrið á fundi. Almanna- og heilsumála- stýrið er annars í ferð við at gera broytingar í dagpen- ingalógini í sambandi við Vanlukkutryggingarlógina, sum fer í tingið skjótt. Í løtuni fer størsti parturin av arbeiðsorkuni í Almanna- og heilsumálastýrinum til at fyrireika lógaruppskot, ið skulu í tingið áðrenn freistin er úti 5. mars. Tískil væntar landsstýrismaðurin ikki, at tær kunngerðir og reglugerðir, sum skulu gerast í sambandi við nýggju dagpeningalógina, verða gjørdar fyrr enn hetta arbeiðið er liðugt. Burturvíst Sum vit hava víst á í blað- num seinastu dagarnar, hava broytingarnar, sum vóru gjørdar í dagpeninga- lógini seinasta summar, havt við sær, at nógv fólk eru burturvíst úr Sjálv- bodnu Dagpeningaskipan- ini. Eitt nú listafólk, ið burturav arbeiða við listini, men sum eru noydd at hava annað arbeiði við síðuna av fyri at breyðføða seg og síni, og sjálvstøðug ar- beiðspláss, har bert ein inntøkukelda er. Hesi fólk hava í nógv ár verið í Sjálvbodnu Dagpeninga- skipanini og hava haðani verið tryggjað eitt útgjald, eru tey vorðin sjúk. Í broyttu dagpeningalógini hava tey eingi rættindi, eru burturvíst haðani og verða víst til forsorgarhjálp um so illa vil til, at tey verða sjúk. Hetta er ógvuliga mann- minkandi og ósømiligt halda tey, ikki minst tá ið hugsað verður um, at hetta alt eru fólk, ið eru væl útbúgvin og sum í allar mátar royna og ætla at klára seg sjálvi. Og vit skulu hava í geyma, at Sjálv- bodna Dagpeningaskipanin er ein trygging, hesi fólk sjálv hava tikið stig til at gjalda til, og skal ikki sam- anberast við eina almanna veiting. Í gjár setti Annita á Fríð- riksmørk, tingkvinna, skrivligan fyrispurning til landsstýrismannin í al- manna- og heilsumálum, um málið. Tingkvinnan vil hava at vita, hvussu nógv fólk hava fingið boð um, at tey eru koyrd úr dagpen- ingaskipanini síðani løg- tingslógin nr. 74 frá 8. mai 2001 um dagpening vegna sjúku v.m. kom í gildi. Eisini vil hon hava at vita, hvør orsøkin er til, at tey eru koyrd úr skipanini, hvussu hesi fólk, sum eru koyrd úr skipanini, eru tryggjað inntøku, um tey gerast sjúk. Hon vil eisini hava at vita, um lands- stýrismaðurin hevur orðað tær reglur og tær kunn- gerðir, sum í lógini standa at skula koma í gildi, og um ikki, nær hetta verður gjørt. Fólkini skulu uppí aftur dagpeninga- skipanina Í dag leggur Sámal Petur í Grund, landsstýrismaður í almanna- og heilsumálum, málið um dagpeningaskipanina fyri landsstýrið Tey næstu tvey árini skal Tórshavnar Havn útbyggjast fyri næstan 70 milliónir. Men kommunan vil ikki betala alt og tí skal samráðast við Vinnumálastýrið, Smyril Line og kanska Strandferðsluna við um at betala ein part HAVNAÚTBYGGING Áki Bertholdsen Tórshavnar Kommuna er nú farin at gera havnalagið klárt til at taka ímóti teirri nýggju Norrønu, sum verð- ur klár til summarsigling- ina í 2003. Tá ið tað arbeiðið er lið- ugt, verður beinanvegin farið undir at gera klárt til nýggju suðuroyarferjuna, sum verður sett í sigling í 2004. Tilsamans er hetta út- byggingar, sum kosta næst- an 70 milliónir krónur, sig- ur Jákup Suni Joensen, for- maður í nevndini fyri Tórs- havnar Havn. Hann sigur, at arbeiðið hevur skund, tí fyri ein stór- an part ber tað bara til at ar- beiða um veturin, tá ið Nor- røna ikki siglur í summar- sigling. Fyrsta byggistigið er at byggja havnarlagið út so at Norrøna kann leggja at. Hetta arbeiðið er byrjað og heldur fram til Norrøna fer í summarsigling og verður so tikið uppaftur næsta vetur. – Tað arbeiðið umfatar í fyrstu syftu at styrkja at- løgubrygguna, at stoypa stabbar út úr henni, sum Norrøna skal leggja at, um- framt at gera pullartar og at dýpa havnina. – Tað arbeiðið varð boðið út. Byggifelagið J.K. Peter- sen hevði lægsta tilboðið upp á sjey milliónir og er farið undir arbeiðið, sigur Jákup Suni Joensen. Næsta vetur skal so ferju- skrái gerast. Tað er ein skrái, sum kann flytast upp og niður, alt eftir, hvussu skipið liggur og tað ger hann nógv dýrari. Jákup Suni Joensen sig- ur, at hetta er eitt arbeiðið, sum er mett at kosta einar 18 milliónir. Í fyrstu syftu skal Smyril eisini brúka hetta atløgu- plássið, men í aðru syftu er ætlanin at gera ferjuskráa uttanfyri atløguplássið hjá Norrønu til Smyril. Hetta er eitt arbeiðið, sum er mett at kosta 34 milliónir. Útbyggingar á landi Nevndarformaðurin í Tórs- havnar Havn sigur, at um- framt hesar útbyggingarnar, er tað eisini neyðugt at gera stórar ábøtur á landi. – Landgongin á Norrønu er 16 metrar yvir sjónum, so landgongutornið, sum nú er, kann ikki brúkast longur. Tí skal eitt størri land- gongutorn gerast í fleiri hæddum, so at bæði ferða- fólk av Norrønu og Smyrli kunnu brúka tað. Hetta er eitt torn, sum er mett at kosta einar 10 milliónir. At enda skal tað stóra pakkhúsið takast burtur og pakkhúsið hjá Strandferðsl- uni flytast út, har Eimskip er. Hinvegin skal Eimskip byggja nýtt pakkhús úti á Skansabryggjuni, so at ferðslan frá Eimskip ong- antíð kemur út á Eystaru- bryggju, men bara verður á Skansabryggjuni, meðan Smyril Line og Strand- ferðslan verða á langsíðuni á Eystarubryggju. Jákup Suni Joensen sig- ur, at hesa útbyggingina uppá næstan 70 milliónir, orkar Tórshavnar Havn ikki at bera einsamøll. – Vit hava eina kvotu upp á 20 milliónir um árið, sum vit kunnu byggja út fyri og tað liggur nógv á láni. Men allar hesar útbyggingarnar til Norrønu og Smyril skulu vera lidnar í 2004, so tað skal strongjast á, fyri at fáa alt liðugt og tað er ein rætti- ligur trupulleiki. Tað er eisini hansara áskoðan, at Tórshavnar Havn eigur einans at halda seg til sjálva atløgubryggj- una og sjálvt havnaøkið, men at tað ikki er uppgávan hjá henni at byggja bygn- ingar á Havnalagnum. – Tí hava vit tikið sam- ráðingar upp við Smyril Line og Strandferðsluna um, hvør skal betala eitt nú landgongutornið og tað kann eisini verða, at Strandferðslan kemur uppí. Hinvegin hevur Tórs- havnar Havn søkt Vinnu- málastýrið um at betala tann partin av útbyggingini, sum krevjast til at Smyril kann liggja at. – At selja eitt lívsverk er ikki bara sum at siga tað. Onkur følari hevur kortini verið, men tað lá ikki so nógv aftanfyri, sigur Johan Restorff FERÐAMANNAVINNA Áki Bertholdsen – Tað arbeiða ikki við at selja Hotel Hafnia. Tað sigur ein av eigarun- um, Johan Restorff. Annars hava søgur gingið um, at Hotel Hafnia var til sølu. Onkur fjølmiðil vitsti enna at siga einaferð í heyst, at eitt flogfelag var áhugað í at keypa Hotel Hafnia. Tað skilst á Johan Rest- orff, at tað er nakað nógv gjørt av at siga, at hotellið er til sølu. – Tað er rætt, at vit hava fingið ein fyrispurning um hotellið, sigur hann. Men hann leggur afturat, at hann heldur ikki, at tað lá so nógv aftanfyri hendan fyrispurningin. – Eg metti hetta meir sum ein følara, enn sum ein veruligan fyrispurning, sig- ur hann. Hann sigur eisini, at tað eru avgjørt ongar samráð- ingar av nøkrum slag um at selja hotellið og áður- nevnda fyrispurning um at keypa hotellið, hava teir ikki hoyrt meiri til aftur. Hann vil ikki siga, hvað- ani fyrispurningurin kom, men tað vóru frá fólki í vinnuni, sigur hann. Eitt lívsverk Johan sigur, at støðan er heldur ikki tann, at teir eru áhugaðir í at selja hotellið sum so. – Hotel Hafnia er eitt lívsverk og tað er tað ikki bara sum at siga tað at selja. Hann vísir eisini á, at Hotellið liggur sera væl fyri í Havnini og alt saman- lagt ger, at talan skal av- gjørt vera um tann rætta prísin. – Vit fara ikki at selja hotellið fyri lítið og lætt bara fyri at sleppa av við tað. Soleiðis liggur landið als ikki, sigur hann. Tó leggur hann afturat, at alt er til sølu fyri tann rætta prísin, eisini Hotel Hafnia. Hvat tann rætti prísurin er, vil hann ikki siga. Men hann viðgongur tó, at tað er rættiliga bundið at hava hotel. – Eg havi verið á Hotell- inum í 40 ár og MC í 30 ár og tað er rættiliga bundið. Men heldur enn at selja hotellið, ætla vit at fáa onkran at standa fyri tí dag- liga rakstrinum, so at vit fáa meiri frí og tað arbeiða vit við nú. Men nær tað verður veit hann ikki, kanska seinni í ár. Hann leggur eisini dent á, at tann, sum verður settur at standa fyri hotellinum, skal varðveita støðið, sum hot- ellið er á, og helst lyfta tað enn longri upp. Hava umsókn liggjandi Fyri nøkrum árum síðani søkti menninir á Hafnia, saman við øðrum, Tórs- havnar Býráð um stykkið at byggja nýtt hotel á Johan Restorff. – Ta umsóknina hava vit enn ikki fingið svar uppá, men hinvegin er umsóknin ikki tikin aftur, so hon ligg- ur enn í býráðnum. Hann sigur, at hendir nakað avgerðandi frambrot í føroyska samfelagnum, eitt nú við oljuvinnuni, er gott at vera fyrireikaður. Tað hildu teir tá ið teir søktu, og taðhalda teir enn. Men enn er ongin olja komin, so, hvussu verður við teimum ætlanunum, veit hann ikki. Kortini er hann bjart- skygdur um framtíðina. – Vit hava nógvar fyri- spurningar til í summar. Nógv av teimum, sum aftur hava bílagt pláss í summar, eru fólk og ferðaskrivstov- ur, sum vit hava samstarvað við í nógv ár, so tað er hugaligt. So tað er við góð- um vónum, at vit ganga summarinum ímóti, sigur Johan Restorff. Gera Havnina til reiðar at taka ímóti Norrønu og Smyrli J. K Petersen er nú farin at dýpa Tòrshavnar Havn, men hon skal eisini styrkjast, umframt at annað skal gerast. Arbeiðið skal gerast í vetur og kostar 7 milliónir. Tey bæðu næstu árini skal Tórshavnar Havn byggjast fyri 60 milliónir afturat Hotel Hafnia verandi í hondunum á Restorff Restorff-menninir hava ongar ætlanir um at sleppa Hotel Haf- nia. Søgurnar um, at hotellið var til sølu, eru ov nógv avgjørdar. Vit fingu ein fyrispurning, men tað lá ikki meiri aftanfyri, enn at tað var ein følari, sigur Johan Restorff x.m., saman við bróðr- inum, MC. Myndin er tikin á 75 ára hátíðardegnum herfyri C M Y K 5 4